Ukiumoortumik nalunaarut 2021

Nunani Avannarlern Piorsarsimassutsikkut 2021-mi anguniaq una anguniarlugu sulisimavoq:

Nunat Avannarliit nunarsuami peqataatitsinerpaanngorlutillu piujuartitsinerpaaffinngussapput

Anguniaq 2030

NAPA-p suliassaqarfiit 4-t suliaqarfigai.

 

NAPA nunani Issittuni immikkuullarissumik inissisimavoq. Allaffik arlalinnik piginnaasaqarfiuvoq, ingammik oqaatsit, kulturi aamma attaveqaqatigiinneq eqqarsaatigalugu. Nunani Avannarlerni tamani kulturilerisunik attaveqarfitsinnik suleqateqarnitsigut anguniakkamut suleqataassaagut.

Kalaallit Nunaanni ilinniartitsisunik atuartunillu suleqateqarnerput 2021-mi suliatta pingaarnersarisimavaat. Suleqateqarneq 2022-mi nangissaaq. Kalaallit Nordjobbimut qinnuteqartartut marloriaatinngorneraannut suleqataasimavugut. Kalaallit Nunaanni ilinniartitsisut 118-it maanna nunani avannarlerni ataatsimoorfiusumik ilikkagaqarnissamut isaaffimmut Norden i Skolenimut paasitinneqarsimapput.

Tarmina nammatai kinguaassiutitigut atornerluineq pillugu ataatsimut isiginnaartitsissutaavoq, saqqummersitsinerulluni aamma atuakkamik saqqummersitsiffiusimalluni. Suliniut taannaagunarpoq Kulturimut Tapiisarfiup tapersersimasaanit Kalaallit Nunaanni inunnut sunniuteqarnerpaasimasoq. Isiginnaartitsineq Kalaallit Nunaanni isiginnaartitsiffiusut tamaasa ulikkaarlugit isiginnaartitsissutigineqarsimavoq. Teater freezeProduction aamma Kalaallit Nunaanni Isumaginninnermut Aqutsisoqarfik qanimut suleqatigiissimapput. Suliniut taanna isumaginninnikkut suliniuteqarnermi ajornakusoorfiusinnaasumi qanoq eqqumiitsuliorneq kulturilu atorneqarsinnaanersut takussutissaavoq. Nunanut avannarlermiunut ataasiakkaanut isumaqarsinnaasunik kulturimi suliniutinik suleqateqarnerput 2022-mi aamma nangikkumaarpoq.

Nunani Avannarlerni kulturilerinermi aamma politikkikkut ineriartortitsinermi kalaallit paasinnittariaasiannik annertunerusumik soqutiginnittoqalersoq misigisimavarput.

Bilde med tekst fire punkter strategi

Kalaallit Nunaat nunarsuarmi peqataatitsinerpaaffiit ilagaat?

Taanna apeqqut tamanut apeqqutigineqarsimavoq. NAPA-p nunat avannarliit iluanni annertunerusumik tatigeqatigiilernissamut aamma Nunani Avannarlerni peqataatitsisunut naligiimmik peqataasutut misigilernissamut suleqataasimavoq. Nunani Avannarlerni tamani peqataanissamut aporfinnik annikillisaanermut aamma

piginnaasanik avitseqatigiinnissamut, kajumissaarinissamut kiisalu Issittormiut paasinnittariaasiannik avitseqatigiinnissamut peqataaniarpugut. Taama iliussaagut kulturimut politikki pillugu oqallitsinikkut, meeqqat inuusuttullu nunani avannarlerni periarfissaat pillugit suleqataanikkut aamma Kalaallit Nunaanni kulturilerisut inuunerannik tapersersuinikkut.

Kulturimut tapiisarfiup nunani avannarlermiut kulturilerisut pinngorartitsinikkut suleqatigiinnerat siuarsaaffigaa. Pinngorartitsinikkut suliaqarnermi angusaqarluartoqarsinnaavoq, aamma Nunani Avannarlerni inuit akornanni tatiginninneq annertusarneqarpoq.