Inuinnaat akornanni nunat avannarlermiuussutsimik tatiginninnerulersitsineq

Nunani Avannarlerni inuinnaat nunani avannarlerni sulinermut peqataatinneqassapput

Nunani Avannarlerni Ministerit Siunnersuisoqatigiivisa 2021-2024-mut iliuusissanut pilersaarutaat

NAPA-p Kulturimut Tapiisarfik, nammineq suliniutit aamma nammineq isumalluutit aqqutigalugit inuinnarnik peqataatitsisarpoq. Nunat Avannarlermioqatigiit Peqatigiffiata aallartisarneranut allattoqarfittut atuussimavugut, aamma Nunat Avannarliit Ulluat 2021 ataatsimoorluta aaqqissuussimallutigu. Kalaallit Nunaanni politikerit aamma allaffissornikkut aqutsisoqarfiit assigiinngitsut qanimut suleqatigisarpagut.

NAPA 2021-mi kalaallit eqqumiitsuliortut kulturilerisullu nunani avannarlerni eqqumiitsuliortut kulturilerisullu eqqumiitsuliaminnik suliniutiminnillu nunarsuarmut paasititsiniaasarnerannut saqqummersitseqataasarnerannut il.il. ilaanissaminnut aporfii pillugit qaammarsaaqataavoq. Angalanermut aningaasartuuterujussuit tassani aporfiit annersaraat. Kalaallit kulturilerisut aningaasarparujussuit atorlugit angalasarput, nunani avannarlerni allani kulturilerisunut naleqqiullugit. Aamma akuerisaanermut kajumissaarnermullu tunngavoq. Kalaallit eqqumiitsuliortut Nunanut Avannarlernut sammisumik suliniutinut ilaasuaannanngillat. Tamanna Canadamiunik qaninnerusumik ataatsimoorfeqarnertut aamma suleqatigiinneq pillugu akuersaanerusutut ersiuteqartarpoq. NAPA-p kalaallit kulturilersiut ilisimasaminnik aamma piginnaasaminnik Nunat Avannarlermiunut allanut aamma nunarsuarmiunut avitseqateqarusuttut tapersersussallugit anguniagaraa.

NAPA Nunani Avannarlerni oqaatsit assigiinngissusaat ersersinnarlugu aamma oqaatsit assigiinngissuseqarnerat akuersaarniarlugu instagramkontoqarpoq @dagens_nordiske_ord. NAPA nunani avannarlerni oqaatsit pillugit oqallinnermut peqataasimavoq, tassani nunani avannarlerni assigiinngitsut akornanni inuit attaveqatigiittarneranni aporfiit eqqumaffigileqqullugit oqalliseqataasimalluni.

Webinareimut “Har Norden et språkfellesskab?” Nunani Avannarlerni Ministerit Siunnersuisoqatigiivisa aaqqissugaannut peqataasimalluta. Tassani nunani avannarlerni oqaatsit tungaasigut ilumut ataatsimoorfeqarnersoq pillugu ernumassutigut oqaatigisimavagut.

Nunani Avannarlerni eqimattanut A aamma B-mut immikkoortiterinissamut ulorianartorsiorpugut.

Malin Corlin, NAPA

Inuit ilitsoqqussaralugu skandinaviamiusut oqaasillit suleqatigiiffiusuni aamma allani naapiffiusuni namminneq oqaatsitik atorlugit ingerlalluarsinnaapput. Allalli skandinaviamiut oqaasiinik aappassaatut oqaasillit inissaqartinneqarpallaartanngillat, tusaaneqannginnerullutik taamaalillutillu Nunani Avannarlerni eqimattatut B-t inissinneqarsinnaallutik.

NAPA-p Nunani Avannarlerni assigiinngissutsit pillugit oqaluttuarnissaq suliassamitut isigaa. Immitsinnut pitsaanerusumik ilisarisimalerlutalu paasisinnaanissarput pillugu taamaaliorpugut. Taamaalilluta ataatsimut naligiinnerusumik tatigeqatigiinnissaq annertusarsinnaavarput.