Nunatsinni meeqqat inuusuttullu

nunani avannarlerni ataatsimoorfiusumi peqataasinnaanerminnut periarfissaqarlutik misigissavaat

Nunat Avannarliit nunarsuarmi meeqqanut inuusuttunullu inuuffigissallugit pitsaanerpaassapput ...

Nunani Avannarlerni Ministerit Siunnersuisoqatigiivia 2030-mut anguniagaat

…Nunani Avannarlerni Ministerit Siunnersuisoqatigiivisa suliassaqarfiit akornanni meeqqanut inuusuttunillu sullissinissamut anguniagaat. Meeqqat inuusuttullu nunanit kulturinillu assigiinngitsuneersut Nunat Avannarliit peroriartorfigissallugit inuuffigissallugillu qanoq isumaqarfigineraat assut assigiinngissuteqarpoq.

Ilai ima oqartarput:

NAPA-p kalaallit meeqqat inuusuttullu nunat avannarliit suleqatigiinneranni qitiusumik inissisimanissaat taperseeqataaffigerusuppaa. Meeqqat namminneq ilaatinneqarnissaat eqqumaffigaarput.

NAPA-p kalaallit inuusuttut nunani avannarlerni ullumikkut ataatsimoorfinni peqataanissaannut aporfiusartut erseqqissaavigerusuppai annikillisarlugillu. Kalaallit inuusuttut Nunani Avannarlerni peqataanissaannut taperseeqataarusuppugut. Nunani Avannarlerni periarfissat pillugit meeqqat inuusuttullu qanimut naapillugit oqaluttuuttarpagut. Imaassinnaavoq ilinniarnissamut periarfissat, Nordjobb aamma pinngorartitsilluni suliniutinut suliaqarnissaannut aningaasaliinikkut aamma nunani avannarlerni allani inuusuttunik suleqatissaannik ujarliussinermi. Nunani Avannarlerni allani inuusuttoqatinut attaveqarfissanik periarfissiisarpugut. Suliniut MII NAPA-p meeqqanut inuusuttunullu suliniuteqarfigaa. MII Meeqqat Inuusuttullu Ilaapput-mit naalisagaavoq.

Kalaallit Nunaanni tamarmi kulturilerisunit meeqqanit inuusuttunillu naapinneqarnissarput pillugu angalasarnerput pingaaruteqarluinnarpoq. 31.12.2021-p tungaanut Kalaallit Nunaanni illoqarfiit nunaqarfiit 36-t 71-iusunit tikeraarsimavagut. Atuarfinni 17-iniissimavugut aamma atuartut 346 ilinniartitsisullu 118-it naapissimallugit.

NAPA-p Norden i Skolen suleqatigaa ilinniartitsissut «Vi er Vestnorden» pillugu. Kalaallit Nunaanni atuarfiit qarasaasiakkut atuartitsinissamut atortoqarluarput atuartullu tamarmik iPadeqarlutik. Norden i Skolen tassaavoq akeqanngitsumik nunanilu avannarlerni oqaatsit tamaasa atorlugit ilinniartitsissutinik atortussaatilik, ilinniartitsisullu tamanna paasisaqarfigalugu nuannaarutigisimavaat. Norden i Skolen qarasaasiakkut ilinniartitsissutitaqarpoq tassanilu atuartut ilaatigut namminneq suliassaqarput aamma Nunani Avannarlermioqatitik attavigisinnaavaat. 2020-mi isaaffimmut ilinniartitsiut 0-t nalunaarsorneqarsimapput. 2021-mi 122-t ilinniartitsisut nalunaarsorneqarsimapput.

Suleqatigiinneq 2022-mi ineriartortinneqaqqillunilu ingerlaqqissaaq.

20221-mi suliniutit aningaasaliiffigisimasatsinnut nammilerluunniit suliarisimasatsinnut assersuutit aaku ila:

Drømmeworkshop
Suliniut MII

Suliniut MII NAPA nunani avannarlerni periarfissat Kalaallit Nunaanni ilisimaneqarnerulernissaat pillugu suliaqarpoq, taamaattumillu NAPA meeqqanut, inuusuttunut inersimasunullu paasissutissiiffiusumik workshoppertitsisalersimavoq, taannalu taaguuteqarpoq SULINIUT MII. MII “Meeqqaat Inuusuttullu ilaapput”-mit naalisagaavoq. NAPA-p angalanermini inuusuttut inersimasullu kulturikkut suliniutinik suliaqartut naapittarpai. Aamma innuttaasut nunani avannarlerni suleqatigiinnermik soqutigisallit naapittarpagut, matumani ass. Nunat

Atuarnerugit »
Vi er Vestnorden
Nunat Avannarliit Killermiuuvugut

Norden i Skolen, Reykjavikimi Nunat Avannarlermiut Illuat kiisalu Savalimmiuni Nunat Avannarliit Illuat suleqatigalugit suliniutigaarput “Vi er Vestnorden” / Nunat Avannarliit Killermiuuvugut. Tassani 7.-10. klassinut atuartitsissutitigut suleqatigiissuterput qulequtaqarpoq: Kinaassutsitsinnut oqaatsit qanoq pingaaruteqartigippat.

Atuarnerugit »