NAPA-mi uagut allat peqatigalugit ilinniartarlutalu ineriartortarpugut. Assigiinngitsorpassuit ingammik nunatsinneersut suleqatigisarpagut, aamma Nunani Avannarlerni Ministerit ataanni kulturimik suliffeqarfiit qanimut suleqatigisarlutigit.

Suliffeqarfittut paasisitsiniaaneq attaveqaqatigiinnerlu suliarisarpagut. Kalaallit Nunaanni paasinnittariaatsit assigiinngitsut aamma sammisartakkagut pillugit Nunat Avannarlermiunut oqaluttuarisarpagut.  Tamatuma saniatigut Kalaallit Nunaata Nunallu Avannarliit iluanni attaveqaqatigiinnermik suliaqartarluta.

Taamaasiortarpugut iliuusissarput malillugu sulisaratta:

• Nunani Avannarlerni tamani Issittormiut paasinnittariaasii paasineqarlutillu akuerineqassapput
• Nunanut Avannarlermiunut tatiginninnerup annerulertinnissaanut ikiuuteqataarusuppugut.

Naleqartitatta, Allanut ammasuunerup, Tatiginninnerup Naligiinnerullu ataannartinnissaannik isumaginnissagutta paasisitsiniaasariaqarpugut. Nammineq paasissutissat nittartakkatsigut inuillu attaveqaataasigut ingerlateqqittarpagut. Ksianni allatut paasisitsiniaaneq aamma periarfissaqarpoq, tassa apersuinertut ingerlaneqarsinnaalluni.

Inunnut uagutsinnik oqaloqateqarusuttunut matutsinnik ammaanitsigut inunnut amerlanerusunut paasisitsiniaasarpugut. Peqatigitillugulu uagut suliffeqarfittut ilinniarlutalu ineriartortarpugut. Kikkunnulluunniit allaffitsinni allaffimmik atorusuttunut, aamma ilinniartunut uatsinnik attaveqarusuttunut matorput ammajuaannarpoq. Nutaarsiassanut imaluunniit allaaserisassanut atatillugu apersuisoqarsinnaavoq.

Apersuinermut assersuut

Oktober 2021-mi Karen Motzfeldtip NAPA-p pisortaanik Anne Mette Gangsøyimik apersuinissamut periarfissaq atorpaa. Karen Ilisimatusarfimmi Tusagassiortunngorniat Ilinniarfianni Masteritut ilinniartuuvoq.

– Siullertut sammisassara allanngortittariaqarsimavara. Piffissap sivikitsuararsuup iluani Anne Mette soqutiginnilluarluni uannut ilinniartuusumut apersorneqarnissaminik akuersivoq. Taamaalillunga pinngitsoornanga suliassama naammassinissaanut periarfissinneqarpunga. Aamma taamaalillunga inuup soqutiginnilluartup assullu ilisimasallip, misilittagallip aamma sulianut tunngasumik soqutiginnittup naapinnissaanut periarfissinneqarpunga, oqarpoq Karen.

Karenip allaaserisaa uani atuarsinnaavat ”Ullumi neriunnermik ikitsivit” Anne Mette pillugu.

Nuannertuaannarpoq

Kulturi pillugu isiginniffiit assigiinngitsortai aamma nunani avannarlerni suleqaatiginneq pillugu paasissutissanik NAPA-mi pissarsisoqarsinnaavoq. Arlaannik ilisimatinneqarusukkuit  paasissutissanilluunniit pissarsiaqarusukkuit attaviginissatsinnut tikilluaqqusaavutit. Kulturi, nunat avannarliit imaluunniit suleriaatsigut pillugit.

– Allat naapinnerini ilikkagaqartarpunga. NAPA-mi suliffeqarluni inuit allat naapinneri ilinniarfigisarpagut ineriartorfigisarlugillu. Ilinniartut suliffeqarfitsinnik isinik nutaanik isiginnissinnaasut aamma sulinermi aallarteqqaajusut naapillugit ingammik soqutiginartarpoq.  Uagut takusinnaajunnaarsimasagut tamatigut takusinnaasarpaat, oqarpoq NAPA-mi pisortaq.

Pisortap saniatigut NAPA-mi sulisut allat tamarmik oqaloqatigineqarsinnaapput. NAPA-mi sulisut tamarmik suliassat allat tamaasa ilisimasaqarfigilluarpaat. Linki malillugu takusinnaavat kina oqaloqatigisinnaallugu.