Nunani Avannarlerni kalaallisut oqaloqatigiinnerit: Isiginnaartitsineq

Nunatta Isiginnaartitsisarfiani pisortaq Susanne Andreasen aamma Vivi Sørensen, isiginnaartitsisarfimmi ilinniartitaanermut akisussaasoq Kalaallit Nunaanni isiginnaartitsisarnerup qanoq pingaaruteqartigissusaa pillugu oqaloqatigineqarput.  Oqaloqatigiinneq takuuk imaluunniit tusarnaaruk.

NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai.

Immikkoortumi uani I Nunatta Isiginnaartitsisarfiani pisortaq Susanne Andreasen aamma Vivi Sørensen, Isiginnaartitsisartunngorniat atuarfianni ilinniagaqarnermut akisussaasuusoq oqaloqatigaagut.

Malugiuk: Susanne Andreassen qallunaatut oqaluppoq, Vivi Sørensenilu kalaallisut oqalulluni. 2022-imiunneqarpoq. Taamanili Susanne Andreassen Nunatta Isiginnaartitsisarfiani pisortatut uninniarluni nalunaarsimavoq. Vivi Sørensen juunip aallaqqaataaniit Nunatta Isiginnaartitsisarfiani pisortanngussaaq.

Ilisarititsineq

Januar 2016-imiilli Susanne Andreasen Nunatta Isiginnaartitsisarfiani pisortaasimavoq, uanilu Nunani Avannarlerni kalaallisut oqaloqatigiinnermi Vivi Sørensenilu, Isiginnaartitsisartunngorniat atuarfianni ilinniagaqarnermut akisussaasuusoq kalaallit isiginnaartitsisartitsisarnerat ullumi siunissamilu oqaloqatigiissutigaat.

Inuit apersorneqartut oqaloqatiginerisa oqariartuutaasalu pingaarnerit eqikkarnerat aana. Susanne Andreassenimik aamma Vivi Sørensenimik oqaloqateqarneq ataani isiginnaarsinnaavat tusarnaarluguluunniit.

Vivi Sørensen:

– Vivi Sørensenip inuttut kulturimi kingornussat attatiinnarnissaat ukkatarerusuppai, assersuutigalugu ileqqutoqqat malillugit qullermik ikitsisarneq, inngertarneq aamma uaajeertarneq ilinniartitsissutigerusuppai.

– Aamma isiginnaartitsisartutut ilinniagaqarneq ineriatortikkusuppaa, taamaalilluni nunat tamalaat akornanni akuerineqartumik bachelorimik ilinniagaqarninngortillugu.

– Silamiut assut qujassutissaqarfigaarput, kalaallit kulturiannik isiginnaartitsivimmi isiginnaartitsisarsimaneri pillugit, tamanna ulloq manna tikillugu ullumikkut isiginnaartitsisartunut assut isumassarsiorfiusarpoq aamma siunissami isiginnaartitsisartunngortussanut isumassarsiorfiusassalluni. Tuukkaq teateri aamma Silamiut isiginnaartitsisarfiat ullumikkut Kalaallit Nunaanni isigisinnaartitsisarnerup silarsuaanut qajannaatsumik tunngaviliisimapput, inuit-sumiiffiit allat taama uatsitut isiginnaartitsisarfeqarsimanngillat.

– Kalaallit isiginnaartitsisarnerat asseqanngilaq, tassami ukiorpassuit ingerlanerini qangaaniilli inngertarnerup uaajeertarnerullu kingorna ineriartortinneqarsimagami.

– Isiginnaartitsisartunngorniarluni ilinniagaqarneq ukiunik 2-nik sivisussuseqarpoq, kisianni pisortaq aamma ilinniagaqarnermut akisussaasoq isumaqarput ilinniagaqarneq ukiunut 3-nut sivitsortariaqartoq, taamaalilluni ilinniagaqarnermi itinerusumik sammisaqartoqarsinnaalerniassammat.

– Issittormiuni naggueqatitsinnut naleqqiulluta Kalaallit Nunaanni ingerlalluaqaagut, tassami Tuukkaq teateri aamma Silamiut isiginnaartitsisarfiat oqaluttuarisaanermi ullumimullu ineriartornermut tunuliaqutaapput.

Susanne Andreassen:

– Nunatta Isiginnaartitsisarfia amerlasuutigut ingerlalluarpoq, kisianni nunami kisiartaalluni isiginnaartitsisarfiuvoq, taamaattumik suliassarpassuaqarluni.

– Isiginnaartitsisarfiup nunami namminermi suleqatigiinnerunissaq qitiutikkusuppaa, kisianni isiginnaartitsisarfik aamma inuit-sumiiffiinut allanut qanimut suleqateqalerusuppoq.

– Isiginnaartitsisarfimmut sinaakkutit unammillernartuupput, tassami eqqumiitsuliornermut kulturilerinermullu politikki qaffasissumik salliutinneqanngilaq. Taamaattumik angorusutat anguniarnissaat ajornakusoornartarpoq, taama aningaasaqarnikkut sinaakkutissani killilersorneqartigaluni.

– Nunatta Isiginnaartitsisarfia Namminersorlutik Oqartussat ukiumoortumik inatsisaanit 10 millioninnattarpoq isiginnaartitsinermut inatsit malillugu pisussaaffinnik piviusunngortitsiniarnermini atugassaminik. Kisianni taama aningaasaqarnikkut atugassaqarluni illoqarfinnut allanut angalaarnissaq ajornakusoornartarpoq, aamma isiginnaartitsisarfik ikittuinnarnik atorfilittaqarpoq suut tamarmik ingerlalluarnissaat siunertaralugu, kisianni aamma suliniutit ataasiakkaarlugit namminersorlutik suliaqartartunik atorfinitsitsisarpoq.

– Nalinginnaasumik kisitsisit eqqarsaatigalugit, isiginnaartitsissutip ataatsip suliarineqarnera 1 million koruuninik akeqarsinnaasarpoq aamma angallanniaraanni millionip affaanik akeqartarluni.  Taamaattumik isiginnaartitsisarfik aningaasaateqarfinnit  sponosrinillu aningaasaliiffigineqarnissaminik pinngitsoorsinnaaneq ajorpoq.

– Susannep neriuutigaa nuna tamakkerlugu isiginnaartitsisarneq kivinneqarumaartoq, aamma Kalaallit Nunaanni amatørit isiginnaartitsisarfii amerlanerusut pilersinneqarumaartut.  Aamma inuit-sumiiffiinit allanit Nunatta Isiginnaartitsisarfiani ilinniariartoqartalerumaartoq.

Kalaallit Nunaanni isiginnaartitsisarneq. Tuukkaq Teaterimit Nunatta Isiginnaartitsisarfianut

Nunatta Isiginnaartitsisarfia namminersortuulluni pisortanit aningaasalersorneqarluni suliffeqarfiuvoq, maanna ukiuni 11-ni ingerlasimasoq aamma ukiumut isiginnaartitsissusiortartoq 3-5-inik. Isiginnartitsisarfiup aamma isiginaartitsisartunngorniat ilinniagaqarnerat suliassaraa.

Kalaallit Nunaanni isiginnaartitsisarneq nunatta kulturianut ilaavoq immikkut illuinnartoq aamma uumassuseqartoq. Naak nunatsinni inuit ikittunnguugaluartut aamma nunatsinni angallannermut atugassarititaasut imaannaanngikkaluartut, taava oqalulluni oqaluttuartarnernut isiginnaartitsisarnermullu pisuunik ileqqoqarpoq, piffissap ingerlanerani ineriartortinneqarsimasunik. Siullermik Tuukkaq Teaterimit 1975-imi isiginnaartitsisarfittut isiginnaartitsisartunngorniallu ilinniarfiatut pilersinneqartumit, kingornalu Tuukkaq Teaterimit ilinniarsimasunit Kalaallit Nunaanni siullertut inuussutissarsiutigalugu isiginnaartitsisarfimmit Silamiunit 1984-imi pilersinneqartumit.

Maannakkut isiginnaartitsissuterpassuarni ileqqutoqqanit inuit-oqaluttuartarneri aamma nunat killermiut isiginnaartitsinermut ileqqui atorneqartarput asseqanngitsunik uummaarissumillu isinnaartitsissutinik pilersitsiniaraanni.  Isiginnaartitsissutiliortarnerit sumiiffimmi eqqumiitsuliortunit aamma sumiiffimmi inuiaqatigiinni ilaasortanit pilersinneqarlutillu isiginnaartitsissutigineqartarput aamma inuiaqatigiinnut naleqquttut sammisat ajornartorsiutillut isiginnaartitsissutini imarisamikkut sammikkajuttarlugit.

Assersuutigalugu Holbergemit isiginnaagassiaq tusaamasaq “Jeppe på bjerget” Jappamik taallugu nunasiaataaneq pillugu quiasaarusiatut isiginnaartitsissutiliarineqarsimavoq.

PAASISSUTISSAT

Nunani Avannarlerni kulturi pillugu kalaallisut oqaloqateqarnerit suliarineqarnerat suliniummut Nordic Talks’imut atatillugu Nordisk Kulturfondimit taperneqarput.

Kalaallit eqqumiitsuliortut silarsuaanni suleriaatsit pillugit nutaanik oqaloqatiginneriaatsinik ineriartortitsinissamullu isumassarsisitsinissamik isummersuinissaq siunertaavoq. Sumiiffimmi, nunami namminermi aamma nunani avannarlerni nutaamik ineriartortinneqartumik oqallinnermut sunniinissaq  siunertaavoq – kisianni pingaarnerusumik Kalaallit Nunaannit issittormiut isiginnittariaasiannik eqqartuiffiuvoq. Eqqumiitsuliortut, kulturilerisut aamma kulturi pillugu politikerit eqqumiitsuliornermi atugassarititaasut aamma Kalaallit Nunaanni kulturi pillugu politikkimik oqallisiginnissapput.

Neriuutigineqarpoq nunat avannarliit allat aamma Kalaallit Nunaat peqatigalugu nutaanik oqaloqatiginneriaatsinut suleqatigeeriaatsinullu isumassarsitinneqassasut.

Oqaloqatigiinnerit uku Nuuk Nordisk Kulturfestival 2023-p ingerlanneqarnerani oqaloqatigiinnerit nanginneqarnissaannut tunngaviliissapput.

Nunani Avannarlerni kalaallisut oqaloqatigiinnerit pillugit uani malinnaaffigisinnaavatit.

Ingerlateqqiguk

Nutaarsiassat takunngitsoorpigit?
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput

Arfininngorpat Kalaallit Nunaanni atuakkialerinermi pisoq malugisarialimmik  pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu

Atuarnerugit »
Bilde av isfjell
Erniinnaq 15. februarinngussaaq!

Qinnuteqarnissamut killissarititaasoq 15. februar 2022 qanilliartorpoq, NAPA-llu aamma Ilisimatusarfiup paasissutissiinissamut qaaqquaatit:  Piffissaq 18. januar nal. 10.00 Kalaallit Nunaanni  / nal. 14.00 skandinaviami Ilisimatusarfiup auditoriaani takussaagut. Aggersinnaanngikkuit Facebookikkut streamerinermut peqataasinnaavutit. Aningaasaateqarfik pillugu apeqquteqarsinnaavutit, qanoq qinnuteqartarpat, qinnuteqaatit qanoq naliliiffigineqartarpat aamma qanoq ingerlaqqittoqarnissaa pillugu tusarfiginissaanut periarfissatsialassuuvoq. Qanorluunniit apeqquteqarsinnaavutit,

Atuarnerugit »
NAPA-p Kulturimut Tapiisarfianut Kalaallit Nunaannit tapiissutinik qinnuteqartut amerliartortut

2018-imiilli siullermeerluni NAPA-p Kulturimut Tapiissuteqarfianut qinnuteqartut nunatsinneersut Nunat Avannarlernut allanut sanilliullugit amerliartorsimapput. Tamanna ineriartorneq Kalaallit Nunaanni eqqamiitsuliornermik kulturimillu inuussutissarsiuteqartut akornanni ineriartorluartutut takussutissaavoq, NAPA-llu kulturikkut inissisimalluarnera aamma takussutissaavoq. 2023-mi NAPA, Nunani Avannarlerni Piorsarsimassutsikkut Attaveqaat Kulturimut Tapiissuteqarfianut qinnuteqaatinik katillugit 156-inik tigusaqarsimavoq. Qinnuteqartunit 156-iusunit 86-it Kalaallit Nunaanni najugaqarput,

Atuarnerugit »
The Lost Norsemen

The Lost Norsemen: Qallunaatsiaat naapikkit – nunatsinni vikingit. Kalaallit Nunaata pinngortitaani kusanaqisumi vikingit tumaat illukuilu misigisassarsiorfigikkit. Norse Theme Parksip Trida Mediallu suleqatigiillutik saqqummersitsinerminni nunatsinni pinngortitami angalaartissavaatsit, tassani vikingit qanoq najugaqarsimanersut inuusimanersullu misigisaqarfigisinnaavatit, saqqummersitsinermilu oqaluttuat piviusullu akulerunneqassapput.   Itsaq ullumikkullu piffissaq ataatsikkut misigisaqarfigikkit. Nunami ingerlaarnermi naleqqat ukiunik tuusintilikkaanik

Atuarnerugit »