Paasissutissat attaveqatigiinnerlu 2021

Paasissutissat attaveqatigiinnerlu

nunani avannarlerni oqaatsit, kulturit kinaassutsillu pillugit

2020-mi NAPA nutaamik pisortartaarmat NAPA ilisimatinneqarpoq NAPA Kalaallit Nunaanni ilisimaneqarpallaanngitsoq.

"Meeqqat inuusuttullu nunani avannarlerni suleqatigiinnermi periarfissatik ilisimanngilaat."

2020-mut ukiumoortumik nalunaarusiami tamanna ima allaaseraarput:

Kulturilerisut aamma inuit nalinginnaasumik Kulturimut Tapiisarfimmut aamma nunani avannarlerni qinnuteqarfissanut allanut qinnuteqarnissamut periarfissat ilisimavallaanngilaat.

Kalaallit inuusuttaat Nordjobb-imut aamma Nordplusimut qinnuteqartartut ikippallaarput.

Nunani avannarlerni suleqatigiinnermut tatitiginninneq annikitsuusoq misiginarpoq.

Anguniakkamik anguniaanermi suliaqarneq

“Nunat Avannarliit nunarsuarmi piujuartitsinerpaallutillu peqataatsitsinerpaassapput 2030 angutinnagu.” Pilersaarut imaannaanngeqaaq. Tamanna qanoq isumaqarnersoq ulluinnarni oqallisiginiarnera ajornakusoortartoq misigisarparput. Nunat Avannarlerni suleqatigiit iluanni kisianni inuinnarnut ajornakusoortarpoq. Taamaattumik paasinnittariaatsit tamarmik oqallisiginissaat avitseqatigiiffigineqarissaallu NAPA-mut pingaaruteqarpoq. Aatsaat taamaalilluta sulinerput naleqquttutut isumaqalersinnaavoq.

Skandinaviamiusut ilitsoqqussaralugu oqaaseqanngitsunit isummat eqqarsaatillu ilanngunneqarnissaat nunani avannarlerni suleqatigiinnermi unammilligassaavoq.

Unammilligassaq alla tassaavoq nunarsuarmut tamarmut attaveqaqateqarsinnaaneq. Taamaattumik piffissangaatsiq nukippassuillu atorlugit kikkut tamarmik peqataatsinneqartutut misiginissaat anguniarlugu attaveqaqatigiinnermi suliaqartarpugut. Suliffitsinnit avammut saqqummiiffigisartakkatsinni oqaatsit 3-t atorlugit allaaserinnittarpugut. Avammut attaveqaqatigiikkaangatta oqaatsit paasinartut atornissaat pingaartipparput. Attaveqaqatigiinnitsinni aaqqissuussagut pillugit kikkulluunnit tamarmik paasisinnaasaannik allanniartarpugut.

Anguniakkat pillugit suliaqarnitsinni suliassaqarfiit akornanni ukkataralugit suliassaqarfiit 4-t pilllugit suliaqartarpugut, taakkulu suliniuteqarnitsinni, Kulturimut Tapiisarfimmi aamma attaveqaqatigiittarnitsinni pingaartittarpagut.

Iliuusissarput pisariitsuuvoq paasiuminarlunilu. NAPA-p piginnaasani atorlugit allaffeqarfiullu inissisimanera atorluarlugu tamanna pitsaanerpaamik piviusunngortinniassavaa.

NAPA-p 2020-mi 2021-milu nunani avannarlerni suleqatigiinneq pillugu ilisimasat piginnaasallu annertusaaffigingaatsiarsimavai. Sakkut assigiinngitsut atorsimavagut.

Instagram NAPA-mi ullormut oqaaseq (@dagens_nordiske_ord)
Info Norden, aaqqissuussinerni paasissutissiineq
Nunarsuarmit tamarmit nittartagaq atuarneqarsinnaasoq
Kalaallit Nunaani angalaarluni paasisitsiniaaneq
Kajumissutsiminnik suliaqartunik, Kalaallit Nunaanni oqartussanik aamma kulturilerisorpassuarnik attaveqarneq aamma suleqateqarneq

2021-mi napa.gl-imi 40-nik nutaarsiassanik pingasunik oqaasilinnik allassimavugut. Tassa imaappoq ukiumi suliffiusumi sapaatip akunneranut 1 missaannik nutaarsiassamik sullitatsinnut tulluartunik allattarsimavugut. Tusagassiutinut nalunaarutit 10-t nassiussimavagut, tamarmik kingorna aviisini allaaserineqartarsimapput. 5-riarluta KNR radio-miittarsimavugut tusarnaartartunut kalaallisut oqaasilinnut aallakaatittakkani paasissutissiisarsimalluta.

Pisortap Kalaallit Nunaanni illoqarfiit nunaqarfiillu arlallit tikeraarsimavai. Pisortaq aama Danmarkimi Kalaallit Illuinut tamanut attaveqalersimavoq. Norden i Skolen pissanganartumik suleqatigineqalersimavoq, tassani meeqqat inuusuttullu attavigisarpagut. Taamaalilluni nunani avannarlerni assigiinngisitaartut akornanni nunani avannarlerni meeqqat inuusuttullu peqataasinnaanerminnut periarfissaqarnerannut suleqataasoqarluni.

Facebook

Facebookimi 2021-mi 95-inik allagarsiisimavugut, sapaatip akunneranut 2-ngajannik. Taakku allagarsiinigut avitseqatigiinnerilllu aqqutigalugit inuit 90.289-it angsimavagut. 2020-mi inuit 40.281-iusimapput, taamaalillutalu angusinnaasagut 124 %-imik qaffariaateqarsimallutik.

Quppernermut malitsit aamma likes ukiup ingerlanerani aammattaaq amerleriarsimapput, tassani nutaanik 101-inik likeserneqarsimasuvugt aamma 139-nik nutaanik malitsitaarsimalluta. Sullitatsinni (likes) 37,5 %-it Kalaallit Nunaanni najugaqarput, 29,5 %-illu Danmarkimeersuullutik. Sinnerit 33%-it Nunat Avannarliit sinnerini kiisalu nunarsuarmi nunanut allanut agguataarneqarsimapput.

Facebookimi ikkussatsinnut naliliigaangatta imarisat inunnut amerlanerusut apuuttariaqartut tamatigut akiliisarpugut. Imaassinnaavoq imarisap oqaluttuassartaa immikkut ittumik pingaaruteqartuusoq (assersuutigalugu qinnuteqarfissap ulluata allanngornera) imaluunniit inuppassuarnik peqataatitsiffigerusutarput aaqqissuukkaangatsigu (ass. Nunat Avannarlermiut Ulluat 2021-mut qaaqqusineq imaluunnit Issittumi Suleqatigiinnermut Tapiissuteqartarneq pillugu webinarertussaqartillugu).

Instagram

Instagramimi 324-nk malitseqarpugut, kisitsisillu arriitsumik amerliartorusaarput. Instagramimut ikkussatsinnut akiliineq ajorpugut, malitsittalu namminneq nittartakkakkut ujaasinermikkut imaluunniit allat atuisut innersuunneratigut nassaarisarpaatigut.

Malitsit ukungannaanneersuupput Danmark (23,1 %), Finland (15,9 %), Sverige (15,4 %), Kalaallit Nunaat (14 %), Norge (13,1 %), nunat allat (18,5 %). Kisitsisitigut takuneqarsinnaavoq Instagramitsinni imarisartakkagut atitunerusumik facebookitsinni ikkuttakkatsinnut naleqqiullugu iserfigineqartarpoq. Instagramimik atuinitsinnut nunat avannarlermiut sinnerisa kalaallit oqaasiinik paasinninnerulernissamut siuarsaaneq siunertaraarput.

Instagramimi malitsit 60,4 %-ii 25-44-nik ukioqarput, suiaassutsinullu agguaqatigiississagaanni pingajorarterutai arnaapput, 29 %-iinnaallu angutaallutik.

Instagram algoritmiani matematikkertaa malillugu nunani avannarlermiuni malitsit marloriaataat angusarpagut. Tassa imaappoq nunani avannarlerni oqaatsit pillugit imanik ujaasisoqanngikkaluaraangalluuunniit.

Nammineq aaqqissuussimatsinnut assersuutit:

Nunat Avannarliit Killiit Ulluat 2021

Nunat Avannarliit Killiit Ulluat sisamanngorpat 23. September Kalaallit Nunaanni, Savalimmiuni aamma Islandimi taakku nunat avannarliit killiit 3-t akornanni kulturikkut suleqatigiinnerup patajaallisarnissaa ersinnerulernissaalu suleqatigiiffigissavaat. Nuummi NAPA marlunnik assiginngitsunik aaqqissuisimavoq. Siulleq tassavoq ilinniartitsisunik ataatsimeersuartitsineq qarasaasiakkut ilinniartitsissutit “Uagut tassa Nunat Avannarliit” nordeniskolen.org-ip ataaniniitut pillugit. Aappaattut aaqqissuussaq tassaavoq

Atuarnerugit »

Aqqaluk Lynge holder oplæg til Vågn med NAPA

Aqqaluk Lyngep NAPA ullaakkorsioqatigalugu peqataaffigigaa

Kalaallit Nunaat nunarsuarlu sammineqqarput, kalaallip politikeriusimasup atuakkiortullu Aqqalyk Lyngep NAPA ullaakkorsioqatigalugu peqataaffigimmagu Tallimanngornerit nalinginnaasut ilaanni Nuummi aputip aattorfiani inummik ataqqinartumit NAPA-mi ullaakkorsioqatigineqarpugut. Qaammatini tallimanngornerni siullerni NAPA ullaakkorsioqatigalugu ingerlanneqartarpoq, kulturilerisup inuup saqqummiiffigisartagaanik. Aprilimi Aqqaluk Lynge nunani tamalaani “Kalaallit Nunaat aamma Inuit Issittormiut Siunnersuisoqatigiiffianni / Circumpolar Councilimi

Atuarnerugit »

Nuuk Nordisk Kulturfestival

Nuuk Nordisk Kulturfestival sapaatip akunnerata ataatsip ingerlanerani eqqumiitsuliornermik kulturilerinermillu nalliuttorsiutiginninneruvoq – Nunat Avannarliit qiterpiaat ungasillugu, kisianni nunat avannarliit suleqatigiinnerisa anersaavaat qanilluinnarlugu. Ukioq 2015-imiilli Nuuk Nordisk Kulturfestival nunani avannarlerni eqqumiitsuliornikkut kulturikkullu suleqatigiinnerup qanoq pitsaassuseqartigisinnaaneranut takussutissat ilagaat.

Atuarnerugit »

Nunatsinni meeqqat inuusuttullu

nunani avannarlerni ataatsimoorfiusumi peqataasinnaanerminnut periarfissaqarlutik misigissavaat

Atuarnerugit

Nunat avannarlermiussutsimut tatiginninnerulernermik siuarsaaneq

inuinnaat akornanni

Atuarnerugit

Issittormiunut sammiviliiffeqartut

takuneqarlutillu akuerineqarput

Atuarnerugit

Kulturilerinermi piujuaannartitsineq

kulturilerisunik peqataatitsinikkut