Issittormiunut sammiviliiffeqartut 2021

Nunani Avannarlerni tamani Issittormiut inuunermut paasinnittariaasiat takuneqarlunilu akuerineqassaaq

NAPA nunani avannarlernut tatiginninneq annertusarniarlugu sulivoq.
Immitsinnut pilluta ilisimasaqarneq tatiginnilersitsisarpoq, uagullu Nunani Avannarlerni tamani issittormiut paasinnittariaasiannik siuarsaanissatsinnut pisariaqartitsineq annertooq takusinnaavarput.

Ulluinnarni Kalaallit Nunaanni nunat avannarlermiut allat kulturikkut ersiutaannik ingammik Danmarkimit misigisassaqarpoq. Nunani avannarlerni tamani issittormiunit annikinneerarsuarmik takussutissartaqarpoq paasisimasaqartoqarlunilu. Nunani avannarlerni ataatsimoorutaasumik oqaaseqanngilagut, ikittunnguillu kalaallisut ilinniartarput. Inuit kulturiat Skandinaviami ilisimaneqarpallaanngilaq aamma qallunaatsiaat naasorissaasuisa kulturiannit allaanerujussuulluni. Taamaattorli Nunani Avannarlerni issittumi nunat inoqqaavi imminnut «ilaqutariipput» tassa Issittumi inuugamik ataatsimut misilittagaat assingupput. Inuit kulturianni inuit ukiuni tuusintilikkaani pinngortitamut qanilluinnarlutik inuupput.

Nunat Avannarlermiut nunarsuarmi piujuartitsinerpaanngussagunik
paasinnittariaatsit assigiinngitsut paasisimasaqarfigissallugit annertuumik pisariaqartitsipput. Issittormiut paasinnittariaasiat ileqqutoqqat tunngavigalugit piujuartitsilluni inuuneqarnermut paasisimasaqalersitsisinnaavoq piginnaasaqalersitsillunilu. NAPA-p Kulturimut Tapiissuteqartarfik aqqutigalugu ilaatigut inuusuttut avatangiisit pillugit nutaanik isummanik ilungersuuteqarlutik isumalinnik suliniuteqartunullu aamma sanaluttarneq pillugu ileqqutoqqanik paasissutissiinernut tapiisarsimavoq.

NAPA susassaqarfiit akornanni sulivoq, taamaalillunilu Nunani Avannarlerni tamani issittormiut paasinnittariaasiisa paasineqarnissaannut akuerineqarnissaannullu taperseeqataalluni.

NAPA Kalaallit Nunaanni erseqqissumik suliniuteqartut ilagaat Kalaallillu Nunaanni nunat avannarlermiut soqutigisaat pillugit suleqataalluni.

Aaku 2021-mi suliniutit tapiiffigisimasatta imaluunniit nammineq suliaqarfigisimasatta ilaat:

Assersuutigalugu NAPA-p nunat avannarlermiut suleqatigiiffigisaat Nuuk International Film Festival (NIFF) peqataaffigisimavaa. NIFF aamma Namminersorlutik Oqartussat Kalaallit Nunaanni filimiortarnerup piujuartitsisumik aaqqissuusaalernissaannik suliaqarnerat tapersersorpaa.

Niviaq Korneliussen Nunat Avannarliit Siunnersuisoqatigiivisa Atuakkiortunut Nersornaasiuttagaannik 2021-mi nersornaaserneqarpoq. Niviaq Korneliussenip Allatta! NAPA-mit aamma Milik Publishingimit suliniut aallarnerneqartoq aqqutigalugu allatani siulliit saqqummersissimavai. Suliniut 2015-imi aamma 2018-imi ingerlateqqinneqarsimavoq. Allatta! 4.0 pillugu suliaq nutaaq aallartissimavoq, suliniummilu kalaallit atuakkiortut atuakkiornermik ingerlataqarnerisa patajaallisaaviginissaat siunertaavoq. Atuakkiorneq aqqutigalugu Nunani avannarlerni kalaallit nipaasa tusaaneqarnissaannut akuerineqarnissannullu suleqataarusuppugut. Niviaq Korneliussen kalaallinit siullerpaalluni Nunani Avannarlerni Siunnersuisoqatigiivisa nersornaasiuttagaannik nersornaaserneqarpoq.

NAPA Kalaallit Nunaannit atuakkiortut amerlanerit nersornaaserneqartarnissaannut suleqataarusuppoq!

Anne Mette Gangsøy, direktør

Arctic Arts Summit 2022 Issittormiunit nunanit 8-nit matumani nunat inoqqaavi ilanngullugit peqataatitsiffiusumi katersuutsitsisarpoq. Arctic Arts Summitsip siunertaraa issittumi eqqumiitsuliornikkut pinngorartitsillunilu inuussutissanik ineriartortitsinermik patajaallisaassalluni. Kalaallit paasinnittariaasiat aallaavigalugu nunatsinnit Whitehorse, Yukon 27. – 29. juni 2022-mi peqataasoqassaaq. NAPA-p kalaallit aallartitassat toqqarneqarnerannut peqataasimavoq aamma kulturilerisut nittartakkakkut peqataanissaannut ilaatinneqassapput. Piareersarneq aamma angalanerup aningaasartalerneqarnissaanut qinnuteqartarneq 2022-mi ingerlateqqinneqassaaq.

20221-mi suliniutit aningaasaliiffigisimasatsinnut nammilerluunniit suliarisimasatsinnut assersuutit aaku ila:

borgere i nuuk center til åbningen af nuuk nordisk kulturfestival 2021

NNK 25.-28. maj piareersarneqalereerpoq

Nuuk Nordisk Kulturfestival 2021 anersaartorfiullunilu siunissamut qaamanerusumut tikkuussisutullusooq issimavoq. Eqqumiitsuliortut kulturilerisullu assigiinngitsorpassuit oktoberip naanerani Nuuk tikeraarsimavaat. Ullut sisamat ingerlaneranni inuit 2.500-t missaat ullut 4-t ingerlaneranni ornigussimapput. Nunarsuarmit tamaneersut eqqumiitsuliortut kulturilerisullu 200-t saqqummersitsivinni nipilersorfinnilu allanilu 15-ini aliikkusersuillutillu saqqummiisimapput. Kommuneqarfik Sermersuup kulturimut immikkoortortaqarfiata festivali kingulleq aaqqissuuppaa, isumaqarpullu

Atuarnerugit »

Allatta!-mik ajugaasimasoq Nunani Avannarlerni Siunnersuisoqatigiit 2021-mi atuakkiortunut nersornaasiuttagaannik nersornaasigaavoq

Nunani Avannarlerni Siunnersuisoqatigiit atuakkiortunut nersornaasiuttagaat siullermeertumik atuakkiortumut kalaallimut tunniunneqarpoq, novemberip aappaani Niviaq Korneliussen nersornaasiinermut ajugaammat. Isiginnaartitsisarfik Københavnimiittoq nipaaruteqqammilerpoq. Tina Dickow Helgi Jónsson, Vocal Linelu peqatigalugit ”Hjertestorm” appisimaareerlugu scenemit ingerlaqqammerpoq. Scenip saneraaninngaanniit Naalakkersuisut siulittaasuat Múte Bourup Egede Lagmandilu Bárður á Steig Nielsen, sassarput pissanganersuaqalerporlu. Savalimmiormioq kalaalerluunniit

Atuarnerugit »

Pineqartut aningaasaannaanngillat

Nuuk International Film Festivali 18. september naammassineqarpoq, ulluni sisamani nunarsuarmi tamaneersunik filmertitsisoqarlunilu filmiliaaqqanik naatsunik aliikkusersuisoqarpoq. Taamaalillunilu suliaqarfimmut ataqatigiissaarisup Emile Hertling Péronardip ukiumut ataasiarluni Nuummukartarsinnaanera qulakkeerneqarpoq. COVID-19 tuniluutilereersoq Nuuk International Film Festivali (NIFF) aappassaanik ingerlanneqarsimavoq, naammassineqarnissaa piffissaanngitsukkullu unitsiinnarneqarsinnaanera nalorninartorsiorfiugaluartoq.. Siunertarli anguneqarsimavoq – 2020-mi aammalu ukioq manna

Atuarnerugit »