Kulturimut tapiisarfik
nunani avannarlerni kulturilerisut akornanni pinngorartitsinikkut suleqatigiineq siuarsaaffigaa
Kulturimut tapiisarfik soqutigisaqaqatigiinnut nutaanut attaveqalersitseqataassaaq, taamaalilluni kulturilerinermi nutaaliortunik saqqummilersitsisassalluni. Inuit amerlanerit kinguaariillu arlallit akornanni nunani avannarlerni kulturikkut suleqatigiinneq pillugu ilisimasaqarnerup soqutiginninnerullu annertusaaviginissaa siunertaavoq. Takorluugaq tassaavoq Nunat Avannarliit nunarsuup ilaatut ukioq 2030 nallertinnagu nunarsuarmi piujuaannartitsinerpaalissasut aamma akuutitsinerpaalissasut.
Kulturi inunnik ataatsimuulersitsarpoq, inuillu kulturimik suliniutinik suleqatigiittut imminnut tatiginerulersarput. Kultur pissusermigut piujuaannartitsisuuvoq, NAPA-llu suliniutit avatangiisitigut, inooqataanikkut aamma/imaluunniit unammillersinnaanikkut piujuaannartitsisut tapiiffigisarpai.
Nutaamik pisortartaarnermut atatillugu oqaloqatigiinnerni tamani NAPA-p kulturimullu tapiisarfik aqqutigalugu periarfissat ersersinneqarnerulernissaat oqaatigineqartarput. Tamatuma kinguneratut nunatsinni tamarmi meeqqanut inuusuttunullu aamma kulturilerisunut nunani avannarlerni suleqatigiinnermi periarfissat aamma ingammik Kulturimut tapiisarfik pillugit paasisitsiniaalernermik kinguneqarpoq.
Nye søkere i programmet
No Data Found
Ukiup 2020-p naanerani Kulturimut tapiisarfimmut qinnuteqartartut nutaat amerlassusaat takugutsigit, immaqa tapiisarfiup amerlanerusunit ilisimaneqalernissaa siunertaralugu sulinerput iluatsissimavoq. Tamatumunnga takussutissaavoq nunatsinnit qinnuteqartut 77 %-ii siullerpaamik qinnuteqartuummata. Tamanna assut nuannaarutigaarput.
Oqaluttuassartaq
Kulturimu tapiisarfik 1987-imi pilersinneqarpoq ukiumut 3 M DKK Nunani Avannarlerni tamaneersunut agguaanneqartarlutik. Ukiuni tallimani kingullerni kalaallit qinnuteqartartut 50-60 %-iusimapput, sinnerilu Nunat Avannarlernit nunanit allani 40-50 %-iusarsimallutik.
NAPA-p kulturimut tapiisarfia Nunani Avannarlerni aningaasaateqarfinnit allaaneruvoq, tassa aningaasaateqarfinnut allanut qinnuteqartartut ikinneraarsuusarmata ilaannilu qinnuteqartarsimanatik. Piffissami 2016-2019-imi kalaallit qinnuteqarsimasut Kulturimut tapiisarfimmit katillugu 5, 7 millioninik tapiiffigineqarsimapput. Piffissami 2016-2019-imi Nunani Avannerlermiunit allanit suliniutit 6 millioninik tapiiffigineqarsimapput.
Ukiunit siusinnerusunit naatsorsoqqissaakkat takutippaat kalaallit qinnuteqartartut qinnuteqartartunit tamani 50-60 %-iusimasut, kisianni ukiut kingulliit arlallit ingerlaneranni appariartorsimapput. Isumaqarpugut nunarsuaq tamakkerlugu virusimik Coronamik tunillaassuunneq pissutigalugu ingammik kalaallit qinnuteqartartut nunani avannarlerni 2020-mi suleqatigiilluni suliniutinut angalanertalinnut qinnuteqarnissartik mianerisimavaat.
Andel søknader - Sammenligning 2016-2020
No Data Found
Ukioq 2020
Sum tildelinger fordelt på kunstart
No Data Found
Ukioq 2020 amerlasuutigut allaanerussuteqarpoq. Corona pissutigalugu killilersuinerit kulturimik suliniutit Nunani Avannarlerni nunat akornanni suleqatigiiffiusut ingerlanneqarnissaannut periarfissat annertuumik eqqorneqarsimapput. Ingammik kalaallit qinnuteqartartut eqqugaasimasut takusinnaavarput.
2020-mi taamaallaat katillugu 87-inik qinnuteqartoqarsimavoq, ukiunut sisamanut kingullernut sanilliutissagaanni agguaqatigiissillugu 145-t qinnuteqartarsimapput. Taakkunannga 34 %-iinnaat kalaalliusimapput. Taamaattumik ukiup nutaap aallartilaarnerani kalaallit qinnuteqartartut amerlisarniarlugit iliuusissatsinni pilersaarusiorpugut.
Søknader fordelt på søgeland
No Data Found
Antal bevilget fordelt på land
No Data Found
Aaqqissuulluakkamik digitalimik qinnuteqartarfik
Kulturimut tapiisarfik pillugu atuagaq najoqqutassaq nutartersimavarput, tassanilu takorluukkamut “2030 nallertinnagu nunarsuup ilaatut nunarsuarmi piujuaannartitsinerpaalernissamik akuutitsinerpaalernissamillu” takorluugaq malillugu qinnuteqarnissamut piumasaqaatit aamma uagut nammineq Issittormiunik sammiviliititsiffiusunik siuarsaaqataanissarput pillugu erseqqissaasimavugut.
Piumasaqaatigut:
- Nunani avannarlermiut imaluunniit issittormiut pinngorartitsillutik suleqatigiillutillu suliniutaat ataatsimik arlalinnilluunniit piumasaqaatinik naammassinniffiusut:
- Meeqqanik inuusuttunillu peqataatitsisut
- Avatangiisitigut, inooqqataanikkut unammilleqatigiinnikkullu piujuaannartitisut
- Nunani Avannarlerni tamani Issittormiunut tunngatillugu siuarsaasut
Piumasaqaatit siulersuisut martsimi 2021-mi ataatsimiinneranni akuerineqassapput. Ataatsimiinermi tassani atuakkap najoqqutassap takorluukkamut nutaamut naleqqussarnera aamma eqqartorneqassaaq.
Digitaliusumik nutaamik qinnuteqartarfittaarpugut 15. februar 2021-mi atuutilersumi. Automatiskimik periaatsimit naatsorsukkanit kisitsisit sapernannginnerusumik kukkunikinnerusumillu aasinnaalissavagut. Periaaseq automatiserigaavoq, paasiuminartuulluni aamma qularnaannerusumik missingersuutinik ilanngussiffiusinnaalluni.