NAPA nunatsinni nunat avannarliit ataanni kisiartaalluni suliffeqarfiuvoq. Tamanna pisussaaffiliivoq, aamma periarfissiilluni. Nunani Avannarlerni Ministerit Siunnersuisoqatigiivisa 2030-mut takorluugaannik piviusunngortitsiniaanermut suleqataaneq ingerlanneqarpoq:
Suliassagut tassaapput:
- Nunani Avannarlerni tamani Issittormiunut sammiviliiffeqartut siuarsaaffigissavagut
- meeqqat inuusuttullu nunani avannarlerni suleqatigiinnermi periarfissaqartut paasitissavagut
- kulturip avatangiisitigut, inooqataanikkut unammillersinnaanikkullu piujuaannartitsinissaanut suleqataassaagut
Piffissani unammillernartuni nunat avannarlerni suleqatigiinneq unammillerneqartartoq takusarparput. Silap pissusaata allanngornerata kinguneratut annertuunik ajornartorsiuteqalersimalluta, Nunani Avannarlerni tamani Issittormiunut sammiviliiffeqartut suliat siuarsaaffigisariaqarnerannik annertusaasoqarnissaanillu pisariaqartitsineq takusinnaavarput. Issittormiut ataatsimut isigalugit, ingammillu Inuit kulturianni inuit pinngortitamut qanilluinnarlutik piujuartitsillutik inuunissamut annertuumik piginnaasaqarput. Nunat Avannarliit nunarsuup ilaatut taama aamma piginnaasaqalernissamik pisariaqartitsipput. Avatangiisit, inooqataaneq unammilleqatigiissinnaanerlu eqqarsaatigalugit.
Nunat avannarlermiuussutsimik tatiginninnerulernissamut suleqataaneq suliassat pingaarnerit ilagaat, taamaalilluni pinngorartitsinikkut suleqatigiinneq aamma ataatsimoornermik misigissuseqalerneq ineriartortissinnaagatsigit. Inuinnarnik innuttaasunik suleqateqarnerput annertusaaffigissallugu qilanaaraarput. NAPA-p ambassadøriinik pilersitsinissarput aamma nunatsinnit tamarmit suleqateqalernissarput angusaqarfiulluarumaartoq naatsorsuutigaarput.
2021-mi Nunat Avannarliit Kulturisioqatigiinnerat Kommuneqarfik Sermersooq aamma Nuummi suliffeqarfiit arlallit suleqatigalugit piujuartitsineq tunngavigalugu ingerlatissavarput.