wiping the ice cream off your face
Issitor miunut sammiliviiffik, Nunat Avannarliit, Nutaarsiassat, Pisussat, Suliniutit tapiiffigineqarsimasut

Nunani Avannarlerni eqqumiitsuliornermi ”De-arctification”

11. August 2021 | by |
0 Likes
Nunani Avannarlerni eqqumiitsuliornikkut suliniut Laplandimi eqqumiitsuliornermik kattuffiup ukiuni 30-nngortorsiorlutik nalliuttorsiorneranut atatillugu ingerlanneqalersoq.
Suliniut Nunani Avannarlerni eqqumiitsuliornermi “De-arcticfiation”-imik qulequtalik Galleria Lainaamo, Rovaniemi, Finlandimi ulluni 11.-13. august 2021 ingerlassaaq. Workshoppeqassaaq, artists talks atorlugit oqaloqatigiittoqassalluni, oqaluttuartulerluni saqqummersitsisoqassalluni ammasumillu oqallittoqassalluni. Suliniut Laplandimi Finlandimi eqqumiitsuliortut kattuffiata Lain taiteilijaseurap aaqqissuutaraa. Suliniutip siunertaraa Issittumi nunap immikkoortuani kinaassutsip nukittorsaaffiginissaa, kulturerisamik tanngassimaaruteqarneq aamma avataanit sunnigaanermut akiuineq siuarsaavigissallugit. Issittumi najugaqarnermut, suliffeqarnermut aamma nunani avannarlermiuaqqat meeqqat kulturikkut pikkorissunngortinnissaat nukittuujunissaallu pillugit isummersortoqarumaarpoq. Saqqummersitsineq ”Wiping the Ice Cream off Your Face” Misha del Val fra Finland aamma Andreas Hoffmann fra Norge / Greenland-Arctic Culture Lab-imit aaqqissuuneqarpoq. Eqqumiitsuliortut peqataasut ukuninnga nunaneerput: Kalaaallit Nunaat, Island, Savalimmiut, Danmark, Sverige, Norge, Åland kiisalu Ruslandip avannaaa, aamma Laplandimi eqqumiitsuliortut kaffuffiannit saqqummersitsisoqassalluni. Saqqummersitsinerup taamaatinnerata nalaani ammasunik arlalinnik aaqqissuisoqassaaq, inuillu kikkulluunniit piumasut onlinemik qarasaasiakkut peqataasinnaapput.
  1. august nal. 14-16 EEST time zone / KAL piffissaq nal. 19-21: Workshop “Sans for Arktis”. Peqataasut Issittut pillugit namminneq takorluukkatik qalipassavaaat. Kingorna peqataasut Issittoq pillugu ernumasssutitik neriuutitillu oqaluuserissavaat. Workshoppi eqqumiitsuliortup-ilusilersuisartullu Alina Korotovskayamit Gallery Valomi ingerlatissavaa, oqaatsillu tuluttut, finskisut russisullu atorneqarumaarput. Onlinemik peqataasoqarsinnaavoq uanilu isersinnaavutit uani
  2. august nal. 15 EEST time zone / KAL piffissaq nal. 20: Artist talks eqqumiitsuliortut oqaloqatigiinneri aamma saqqummiineri.
  3. august nal. 11 EEST time zone / KAL piffissaq nal. 16: Saqqummersitsineq oqaluttuartulerluni angalaarlugu. Tassannga video nassarisinnaavat uani
  4. august nal. 15-18 EEST time zone / KAL nal. 20-23: ”De-arcticfication” pillugu ammasumik oqallinneq: “Isumaq, qanga pisimasut siunissarlu”. Korundi hallimi ingerlanneqassaaq.
Suliniut Nunani Avannarlerni ”De-arcticfication” ukunannga aningaasaliiffigineqarsimavoq Nordisk Kultufond, Det finske Undervisnings- og Kulturministerium aamma Nunani Avannarlerni Piorsarsimassutsikkut Attaveqaat / NAPA. Suleqatigiipput Lapplandimi eqqumiitsuliortut kattuffiat, Laplandip Universitetia, Arctic Culture Lap aamma Roaviemi Art Museum. Suliniut pillugu atuarnerugit uani    
Ingerlateqqiguk
Nutaarsiassat allat
Inuusuttut atuakkiortunngortussamaatit oqaluttualiatik ersinartulikkersaarutiliatik Nuummi allannermut bootcampini aaqqissorpaat

Inuusuttut allannermik piginnaasallit Allatta!-mut peqataasimapput. Peqataasullu Paninnguaq Boassen aamma Sørine Steenholdt peqatigalugit ersinartulikkersaarutitik pitsaanerulersillugit suliarisimavaat.  Atuakkialerineq aamma allannissamut kajumissuseq  kalaallit oqaasiisa ineriartortinnissaannut pingaaruteqarput, aamma nunat tamalaani atuakkiortunut naleqqiunneqarsinnaasunik amerlanerusunik atuakkiortoqalissagutta piginnaasanik ineriartortitsineq pingaaruteqarpoq.  Taamaattumik Nunani Avannarlerni Piorsarsimassutsikkut Attaveqaat (NAPA) aamma Kalaallit Atuakkiortut piginnaasanut suliniuteqarfik Allatta!

Atuarnerugit »
Suliniut tapiiffigineqartoq: Kalaallit Nunaanni meeqqat naammagittaalliortarfiata pilersinneqarsinnaaneranik misissuineq

Meeqqat pisinnaatitaaffii pillugit Kalaallit Nunaanni sullissivik MIO 2024-miit 2025-mut Kalaallit Nunaanni meeqqat naammagittaalliortarfeqarnissaanik pilersitsinissamut periarfissanik misissuivoq. Nunavumi, Islandimi Danmarkimilu assingusunik ingerlatsivinnik oqaloqateqarneq paasisassarsiorlunilu tikeraarneq tunuliaqutigalugu MIO 15-inik inassuteqaateqarpoq, nunatsinni taamatut pilersitsinissamut qanoq atuutilersinneqarsinnaanersoq pillugu. Inernerit tunngaviusumik allakkiami aamma naatsumik politik briefimi katersorneqarput, tassani takuneqarsinnaavoq naammagittaalliornermut

Atuarnerugit »
Nunat avannarliit Sisimiuni suleqatigiittut: NAPA-p Arctic Sounds Festival tapersersorpaa

Arctic Sounds Sisimiuni ukiumoortumik nipilersornermik festivalertitsisarpoq, tassani Kalaallit Nunaannit, Nunanit Avannarlerneersunit, Issittumit nunarsuarmilu sumiiffinnit allanit tusarnaartitsisarput. Sapaatip akunnerani festivalimi nipilersorneq, aaqqissuusinernik, workshoppit allallu sammineqassapput – ilaatigut NAPA-p nammineq aaqqissuussaa – Sisimiuni nunami alutornartumi.  Festivalip Kalaallit Nunaata nunallu allat akornanni nipilersorneq malunnartinniarlugu aammalu pinngorartitsinerup teknikkikkullu piginnaasat

Atuarnerugit »
Kalaallit inuusuttai Nordjobbi aqqutigalugu suliartorusuttut amerleriangaatsiarsimasut

Assi: Siunissami kalaallit nordjobberit immaqa Geirangerimi, Norgemi saqisuusinnaapput. Nordjobb tassaavoq inuusuttunut 18-30-nik ukiulinnut, nunat avannarliit ilaanni allami ukiup ingerlanerani sulerusuttunut, neqeroorut. Kalaallit Nunaannit Nordjobbimut qinnuteqartartut amerleriangaatsiarsimapput.   Nordjobb tassaavoq inuusuttunut 18 aamma 30-nik ukiulinnut, piffissami aalajangersimasumi nunat avannarliit ilaanni suliartorusuttunut, neqeroorut.  Nordjobbi Nunani Avannarlerni tamani

Atuarnerugit »