NAPA Arctic Winter Gamesimut inuusuttunik isiginnaartitsisussanik ujartuivoq
Inuusuttut Kalaallit Nunaanni tamaneersut Arctic Winter Games 2026-imi kulturikkut aaqqissuussamut Canadami Whitehorsemi ingerlanneqartussamut misiliinissamut qaaqquneqarput.
14-it 20-llu akornanni ukioqaruit, kulturi, isiginnaartitsineq nunanullu allanut Kalaallit Nunaat sinnerlugu peqataanissaq nuannarigukkit, maannakkut Arctic Winter Games 2026-mi Canadami Whitehorsemi kalaallit kulturikkut aallartitaannut ilaanissamut periarfissaqarputit.
NAPA – Nunani Avannarlerni Piorsarsimassutsikkut Attaveqaat – inuusuttunik arfinilinnik piginnaanillit Arctic Winter Gamesimi marsimi 2026-mi kalaallit kulturiannik saqqummersitsinissamut peqataasussarsiorpoq. Inuusuttut 2005-imi januaarip aallaqqaataanit 2011-mi decembarip 31-ata tungaanut inunngorsimasut peqataanissamut periarfissaqarput, Inuusuttullu nuna tamakkerlugu piginnaasanik takutitsinermut misilitsinnissamik videomik nassiussinissaminnut kaammattorneqarput.
Kinaassutsivit piginnaanerillu takutikkit
Videoliaq minutsini 2-5-ini sivisussuseqassaaq, tassanilu inuusuttut imminut ilisaritissapput piginnaanitik saqqummiullugit. Erinarsorsinnaapput, qitillutik, tivallutik, oqaluttuamik oqaluttuarlutik allatigulluunniit isiginnaartitsillutik. Videoliaq inuttut qanoq ittuunermik, pilersitsisinnaanermik nuannarisaqarnermik ersersitsisussaavoq, kalaallisut, qallunaatut tuluttullu nassiunneqarsinnaavoq.
Nassiussinissamut killigititaq tassaavoq pingasunngornermi aggustip 27-at 2025 ullup-qeqqanut.
Videofilmit uunga nassiunneqarsinnaapput: napa@napa.gl
Videoliat kulturikkut aaqqissuussinermik suliaqartunit nalilerneqarumaarpoq, videoliallu tigusat tamarmik kingusinnerpaamik septembarip 10-ani akineqassapput.
Inuusuttunut periarfissaq asseqanngitsoq
Arctic Winter Games timersornerinnaanngilaq, tassaavorli issittumi kulturit naapitsineri, inuusuttut attaveqatigiinnissamut, allatut isiginnittaaseqarnissamut kulturimillu nunanit tamalaanit isiginnaariartunut saqqummiussinissamut periarfissaqarfiusut. Inuusuttut ilitsersuisoq Varna Marianne Nielsen suleqatigalugu kulturikkut takutitsinissamut suliaqassapput.
2024-mi Arctic Winter Gamesimi kalaallit inuusuttut arfinillit aliikkusersuisut peqataapput, Mat-Sumi Alaskamiittumi Kalaallit Nunaat sinnerlugu.
Arctic Winter Games 2026-mi kulturikkut aaqqissuussinerit Kalaallit Nunaanni Timersoqatigiit Kattuffiat suleqatigalugu ingerlanneqarput.
Annertunerusumik paasisaqarusukkuit uunga saaffiginnissinnaavutit:
NAPA – Nunani Avannarlerni Piorsarsimassutsikkut Attaveqaat napa@napa.gl www.napa.gl
Nutaarsiassat takunngitsoorpigit?
Tarnima nammatai
Hanne Gukkilu 2018 aasaagaa Tivolimi naapimmata suliniut naalaatsornerinnakkut pinngorpoq. Eqqumiitsuliortut taakku marluk isumaqatigiipallapput arlaanik pilersitsisariaqarlutik. Isiginnaartitsinissamik isumassarsiaat erniinnaq pingasoqiusanngorluni ineriartorpoq, isiginnaartitsissut, saqqummersitsineq atuagarlu. ”Tarnima nammatai” isiginnaartitsissusiaavoq isiginnaartunut attaveqartoq. Isiginnaartitsissussap isiginnaartitsinermini inuttaaffissani ilikkareersimallugu isiginnaartitsiffissaminut iserpoq isiginnaariartorlu isiminik attaveqarfigilereerlugu. Qungujuppoq isiminillu ilassilluni, apererususulersitsilluni, ”ajunngik?” Isiginnaartitseqatissanili saakkamigit, isiginnaarianut
Issittumi Suleqatigiinnermut Tapiissuteqartarfik agguaassivoq: Kalaallit Nunaanni piujuartitsinermik suliniutit tapiiffigineqarput
Nunat avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, nunat avannarliit Issittumi nunallu allat iluaqutissaannut suleqatigiinnermik siuarsaanissamik siunertalik, suliniutinut pissanganartunut arlalinnut aningaasaliissuteqarsimavoq, ilaatigut Siu-Tsiu-mut aamma MIO-mut. Nunat Avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, NAPA-mit – Nunat Avannarlerni Piorsarsimassutsikku Attaveqaatimit aamma Ilisimatusarfimmit aqunneqartoq, ukioq manna suliniutinut 22-nut aningaasaliissuteqarpoq.
Issittormiut sammiviliiffiat aamma nunani avannarlermiut nipaat Arctic Soundsimi Sisimiuni
NAPA-p Kalaallit Nunaanni nipilersornikkut pikialaaqatigiinnermi annerpaami Arctic Sounds Festivalimi Sisimiuni pisumi workshoppertitsinerni, attaveqarfeqalerfiusuni nunanilu avannarlernit nipinik tusarnaartitsinerni peqataaneranit oqaluttuaqArctic Sounds 2021 aprilimi sapaatip akunnerisa naanerini marlunni ingerlanneqarpoq. Kalaallit issittormiullu nipilersortartut eqqumiitsuliortullu Sisimiuni nipilersorneq, nipilersoqatigiinneq aamma nipilersornikkut piginnaasalinnik paarlaateqateqarneq ataatsimoorutigaat. Tusarnaartitsinernut tamarluinnarnut isissutissat nunguissimaneranni – tusarnaariarnissamut
Eqqumiitsuliorneq ataatsimoortitsisarpoq
Eqqumiitsuliorneq ataatsimoortitsisarpoq Eqqumiitsuliorneq kulturilu akiuussinnaanermut tunngatillugu oqallinnermi tamanna inerniliunneqarpoq. Ukioq manna NAPA-p Unnummi Kulturisiorfimmi internetikkut aaqqissuussivoq. Eqqumiitsuliortut kulturimillu aaqqissuussisut nunanit tamalaaneersut arfinillit qaaqquneqarput eqqumiitsuliornermut kulturimullu isiginnittaatsiminnik oqaluttuarinissaannut. NAPA-p pisortaa Susanne Andreasen internetikkut aaqqissuussinermut aqutsisuuvoq, oqaloqatigiinnerlu uani isiginnaarneqarsinnaavoq. Kuupik Kleist, politikeriusimasoq eqqumiitsuliortorlu misilittagaqarluartoq, aaqqissuussinermut peqataavoq oqaloqatigiinnerlu