Kalaallit inuusuttai Nordjobbi aqqutigalugu suliartorusuttut amerleriangaatsiarsimasut
Assi: Siunissami kalaallit nordjobberit immaqa Geirangerimi, Norgemi saqisuusinnaapput.
Nordjobb tassaavoq inuusuttunut 18-30-nik ukiulinnut, nunat avannarliit ilaanni allami ukiup ingerlanerani sulerusuttunut, neqeroorut. Kalaallit Nunaannit Nordjobbimut qinnuteqartartut amerleriangaatsiarsimapput.
Nordjobb tassaavoq inuusuttunut 18 aamma 30-nik ukiulinnut, piffissami aalajangersimasumi nunat avannarliit ilaanni suliartorusuttunut, neqeroorut. Nordjobbi Nunani Avannarlerni tamani suliffissanik nassaartortarpoq, inuusuttullu aallartussat najugaqarnissaat aamma allanik ikiorneqarnissaat qulakkeertarlugu. Inuusuttut angalanertik namminneq akilertartussaavaat. Nordjobbimit misilittakkat takutippaat, inuusuttut inuunerminni misilittagaqalersartut, kisianni aamma Nunat Avannarliit akornanni attaveqalersartut ikinngutitaartorlutillu. Ukiut ingerlanerini Nunat Avannarlermiut inuusuttut tuusintilikkaat aaqqissuussaq atorsimavaat, aamma nunarsuarmi nunap ilaani peqataatitsinermik pilersitseqataasimalluni.
Ukiut arlallit ingerlaneranni Kalaallit Nunaannit ukiumut inuusuttut 5-8-it nunani avannarlerni allani suliffissarsiortarsimapput. Januar 2024-miinnarmi Kalaallit Nunaannit 20-t qinnuteqarsimapput. Taama amerleriartiginerannut pissutaavoq, Avannarlermioqatigiit Peqatigiiffiata, 2023-mi nunani avannarlerni neqeroorutinik Kalaallit Nunaanni paasissutissiisarnermik suliassaq suliassarilersimanerat. Peqatigiiffiup Nordjobb ukkatariniarlugu aalajangersimavaat. Peqatigiiffiup eqqumiitsuliortoq Kuluk Helms ikioqqullutik saaffigisimavaat, Kalaallit Nunaannit inuusuttut Nordjobbimut qinnuteqarnissaannut kajumissisilernissaat siunertaralugu. Kuluk TikTokimi pingasunik videoliorpoq Islandimi Savalimmiunilu immiussanik. Qanoq misigisimaneq aamma Nordjobb pillugu tunngaviusumik paasissutissiineq qitiutissimavai. Inuusuttorpassuit soqutiginnittut nittartagaq www.nordjobb.org alakkarpaat, tassanilu suliffiit pillugit paasisaqarnerorusullutik qinnuteqarsinnaappullu.
“Assorsuaq nuannaarutigaarput, kalaallit inuusuttaasa nunarsuarmut asseqanngilluinnartumik angalasarnissaannut ikiorsinnaagatsigit. Neriuppugut Nordjobb misigisaqarluarfigiumaaraat”, Benedikte Dahl Nielsen, Kalaallit Nunaanni Avannaamioqatigiit Peqatigiiffianni siulittaasoq oqaluttuarpoq.
“NAPA-p AWG Kulturshow-imut peqataasussanik ujaasininnit TikTok aqqutigalugu inuit attaveqarfigineri iluatsilluarpoq, NordJobbimilli nunanut avannarlernut angalanissamut periarfissaq inuit qanoq tigulluarsimatigigaat tupaallaatigaarput. Neqeroorut nuannerluinnarpoq, neriuppugullu inuusuttut nuannersunik misigisaqassasut”, Kuluk Helms oqarpoq.
Assi: Kuluk Helms
Sap.ak. 3-t qaangiummata paasissutissiinermit paasissutissat Takusinerit katill.: 35.100 Likes katil.: 1984 Favoritsitut toqquineq katill.: 450 Nordjobbimut qinnuteqartut katill.: 20 Qinnuteqartut pillugit paasissutissat Arnat 11-t angutillu 9-t Illoqarfinnit: Nuuk, Sisimiut, Qaqortoq, Maniitsoq, Kullorsuaq, Ilulissat, Nuussuaq, Uummannaq |
NAPA nutaamik tapiisarfiliorpoq
Inuusuttunut Nordjobb aqqutigalugu aallaraangata aatsaat iluaqutaasarpoq. Aamma Kalaallit Nunaannit Kalaallillu Nunaannut angalanernut aningaasartuutit aporfiusarput. Taamaattumik NAPA’p – Nunani Avannarlerni Piorsarsimassutsikkut Attaveqaatip 2024-mi misileraanermik aaqqissuussinissani toqqarsimavaa, kalaallit inuusuttaasa 20-t Nordjobberlutik angalasussanut 3.000 koruuninik angalanermut tapiissutiliorsimagami. Tapiinermut taarsiullugu inuusuttut Nordjobbimi misigisimasatik Nordjobbip nittartagaasigut oqaluttuarisassavaat. Angalanermut tapertinniarlutik qinnuteqarniartut NAPA ugguuna attavigisinnaavaat napa@napa.gl.
Nutaarsiassat takunngitsoorpigit?
NAPA Kalaallit Nunaanni
Nunani Avannarlerni suleqatiiinneq periarfissallu pillugit NAPA-p suliai pillugit ilisimasakippallaartoqarpoq. Taamaattumik ukiaq manna angalanermut missingersuutigut atorlugit kulturilerisut, inuusuttut inersimasullu ilisimasaqarnerulertinniarlugit Kalaallit Nunaata ilaani angalaarsimavugut. Angallat TU ilaaffigalugu Nuup Kujataanilu Aappilattup akornanni illoqarfiit nunaqarfiillu ukiaq 16-it ornissimavagut, novemberimilu Tasiilamiippugut Sisimiuniillutalu. Meeqqat, inuusuttut inersimasullu kulturilerisut naappinnissaat ilaatigullu NAPA-p
ALLATTARL! CYPHER – nipilersornermik videoliaq nutaaq saqqummerpoq!
Meeqqat inuusuttullu Nuummeersut inuuniutigalugu rappertartut Kalaallit Nunaanneersut Danmarkimeersullu suliniummit Allattarl! nipilersornermik videoliami nutaami rappeqatigaat ulloq 17. auugust saqqummertumi. Nutaaliorneq, ataatsimoorneq, nipilersornermik pilersitsisinnaaneq aamma quiasaarsinnaaneq nipilersornermik videoliamik sunniipput tassanilu angusaqarluarusussuseq, imminut tatiginninneq aamma kinaassuseq pillugu eqqarsaaatit inuusuttut rappimi taalliaanni inissaqarlutik. Tamannattaarlu tassaavoq cypherip suunerani paasisitsisoq; rappeqatigiit
Kalaallit nipilersornerat Nuummit Spaniamut aamma Amerika Kujallermut
Nipilersortartoq aamma nipilerilluni angakkuartartoq Hans-Ole Amossen Kalaallit Nunaanni nipilersortartoqatigiinilu Da Bartali Crew tusarnaartitsillutik nipilersortartut nuannarineqarnerpaaat ilagaat. Nunani Avannarlerni, Europami aamma Sydamerikami nipilersoriarlutik angalaarsimapput aamma scenemi allanik ”pulaartunik” rapperinik erinarsortartunillu nipilersoqateqartarsimalluni. 2019-imi Nunani Avannarlerni Siunnersuisoqatigiit Nipilersortartunut Nersornaasiuttagaannut innersuussaasimapput. NAPA-p Hans-Ole nipilersornerup silarsuaani aamma nipilersoriartarluni angalarsimanini pillugit
Nunani Avannarlerni Siunnersuisoqatigiit nersornaasiuttagaannik nersornaaserneqarnissamik innersuussaasimasut naapikkit
Ulloq 14. April Nunani Avannarlerni Siunnersuisoqatigiit Atuakkiortunut nersornaasiuttagaannik nersornaaserneqarnissamik innersuussaasimasut atuakkiortut livestreamikkut oqaloqatigineqarneri nangeqattaartut nutaat aallartissapput. Sapaatit akunneri tamaasa atuakkiortut atuakkiaminni eqqartugaat soorlu inuunermi aniguineq, silanngajaarneq, attassuteqaatit, angalajumatussuseq, pisinnaajunnaarneq aamma allat atuakkiaminni allaaserisimasaat oqaluuserineqartassapput. Nersornaasigassatut innersuussat aamma atuffassisassapput. Ukioq manna atuakkiatik pillugit nersornaasigassatut innersuunneqartut Nunanit