Karsi imaaruppoq
NAPA ukiup kingulliup ingerlanerani 2,8 millionit koruuninik agguaassisimavoq, maannalu aningaasaliissutissat nungupput. Taamaalilluni aamma tapiissutisinissaq, decembarip 15-iat nallertinnagu qinnuteqarfiusussaagaluartoq pisinnaajunaarpoq.
NAPA ukioq kingumut qiviarlugu naammagisimaarinnippoq. Tunillaassuuttoqarnera pissutigalugu sukaterinernik killilersuinernillu pisoqarsinnaanera ilimagineqarsinnaasarsimagaluartoq, kulturilerisut suliniutinik pissanganartunik suliaqartut aningaasanik taperneqarnissamik qinnuteqarsimasut amerlasimaqaat.
Suliniutit annerpaat marluk, tassalu Nuuk International Film Festival (NIFF) aamma Nuuk Nordisk Kulturfestival (NNK) – kingulleq NAPA-p piginneqataaffigisaa – isiginnaarianut tusarnaarianullu nuannaarutaasimaqisut ingerlanneqarsimapput. NIFF-ipp aaqqissuussaa septembarip naanerani nunarsuarmit tamarmeersunik filmiaqqanik filminillu assigiinngitsorpassuarnik takusassiisimavoq, NNK-lu aaqqissuussaa oktoberip naanerani tusintilinnik tusarnaartitsinernut pikkunartunut saqqummersitsinernullu pissanganartunut takusassiisimalluni.
Hanne Trap Friis aamma Gukki Nuka suliniutiminnik pingasoqiusaasumik ”Tarnima nammatai – jeg bærer min sjæl” upernaaq aallartitsipput, Kalaallit Nunaata sineriaani oktoberimi angallataminnik, atuakkamillu saqqummersitsinermik Nuummi oktoberip 28-ani naggasikkaminnik. Suliniut isiginnaagassiamik, eqqumiitsulianik saqqummersitsinermik aamma atuakkiamik, kinguaassiutitigut atornerluinermik, isumatsassimanermik neriunnermillu imaqarpoq.
Tilioq – Inuit Innarluutillit Oqaaseqartartuat inuusuttut innarluuteqartut nunanit avannarlerneersut naapinnissaannik aaqqissuimmat peqataasut inuit innarluutilittut aporfiit aqqusaartakkatik inuiaqatigiinni, politikerinit aamma inuusuttunit allanit eqqumaffigineqartariaqartut oqallisigaat. Napinnerat peqatigiiffimmik KIIP-imik pilersitsinermik ilaatigut kinguneqarpoq, taanna Kalaallit Nunaanni inuusuttunut innarluutilinnut tunngavoq.
Taakku sisamat aaqqissuussinerpassuarnut misigisassaqartitsinerpassuarnullu NAPA-p issittumi inuunerup Nunani Avannarlerni tamani eqqumaffigineqarnerulernissaanut akuerineqarnissaanullu tapiiffigisartagaanut takussutissaapput.
Januarimi aallarteqqissaaq
”Aningaasaliissutit qaammat ataaseq sioqqullugu nungunnerisa takutippaa, kulturilerisut nutaanik sammisaqartitsinernik suliniutinillu amerlasuunik, issittumi inuunermik eqqumaffiginninnerulernissamik siunertalinnik, aallusserusulerluinnartut”, pisortaq Anne Mette Gangsøy oqarpoq.
Qinnuteqarniartut qujanartumik utaqqivallaassanngillat, tassami NAPA-p Kulturimut tapiissuteqartarfianut januarip 15-ianiutinnagu qinnuteqarsinnaavutit. Taapiissuteqartarfiup 2022-mi 3 millionit koruunit agguaassassarai.
”Suliniutit pissanganartut suut 2022-mi taperneqarnissamut qinnuteqaatigineqassanersut takussallugit qilanaareqaarput”, Anne Mette Gangsøy naggasiivoq.
- 2. December 2021
- Issitor miunut sammiliviiffik, Kalaallit Nunaat, Kulturi, Meeqqat inuusuttullu, Nunat Avannarliit, Nutaarsiassat, Suliniutit
Ingerlateqqiguk
Nutaarsiassat allat
Aqqaluk Lyngep NAPA ullaakkorsioqatigalugu peqataaffigigaa
Kalaallit Nunaat nunarsuarlu sammineqqarput, kalaallip politikeriusimasup atuakkiortullu Aqqalyk Lyngep NAPA ullaakkorsioqatigalugu peqataaffigimmagu Tallimanngornerit nalinginnaasut ilaanni Nuummi aputip aattorfiani inummik ataqqinartumit NAPA-mi ullaakkorsioqatigineqarpugut. Qaammatini tallimanngornerni siullerni NAPA ullaakkorsioqatigalugu ingerlanneqartarpoq, kulturilerisup inuup saqqummiiffigisartagaanik. Aprilimi Aqqaluk Lynge nunani tamalaani “Kalaallit Nunaat aamma Inuit Issittormiut Siunnersuisoqatigiiffianni / Circumpolar Councilimi
Nunani Avannarlerni suleqateqarneq nipilersortartunut periarfissatsialaavoq
Nipilersoqatigiit Nuija NAPA-miit tapiiffigineqareerlutik immiussileruttorput. Nuijami nipilersortartoq Magnus Biilmann Trolle tamanna atatillugu nipilersoqatigiit pillugit oqaluttuarpoq nipilersortartunullu nutaanut siunnersuuteqarusuppoq. – NAPA piorsarsimassutsikkut aningaasaateqarfittut nunatsinni tapiiffiginissatsinnut periarfissatut uagutsinnut pitsaanerpaavoq, tassami NAPA-miit tapiiffigineqarnikkut ingerlariaqqissinnaagatta. Magnus Biilmann Trolle, Nuija-mi guitarertartoq erinarsortartorlu taama oqarpoq. NAPA 35.000 koruuninik Nuija tapiiffiginikuua, taamalillutik
Oqaluttaaraliat Allattamut nassiunnissaa angumerinngitsoorpiuk? Taava suli angumerisinnaavat!
Inuusuttut amerlanerit unammisitsinermut peqataanissaanut periarfissinniarlugit tunniussinissamut killigitinneqartoq ulloq 7. marts 2023-mut kinguartinneqarpoq. Allatta! Inuusuttunut oqaluttuaaralianik nuannersunik ersinarluinnartunillu NAPA-mi tigusisimavugut, tamannalu nuannaarutigeqaarput. Kisianni unammisitsinermut inuusuttut amerlanerit peqataatikkusuppagut, nalunnginnatsigummi suli amerlanerusunik ersinartulikkersaaruteqartoq, taamaammat Allatta! Inuusuttunut tunniussinissamut killigitinneqartoq kinguartinneqarpoq. Peqataaniaraanni piumasaqaatit annikittuararsuupput. Qulequtaq pingaarnersaq tassaavoq ”oqaluttuat ersinartut”, inuusuttullu
Indigenous Fashion Week Toronto 2022-mut qinnuteqaqqusineq
Indigenous Fashion Week Toronto (IFWTO) ukiup tullissaanut sapaatip akunnerata ataatsip ingerlanerani ilusilersuineq, eqqumiitsuliorneq il.il. pillugit sammisassaqartitsinissamut qinnuteqarnissamut ammaassipput. Nunap inooqqavi ilusilersuinermik, eqqumiitsuliornermik il.il. suliaqartut qinnuteqarnissaminnut kaammattorneqarput. Aamma kultureqarnermut Naalakkersuisoqarfik peqataanissamut qinnuteqarfigineqarsinnaavoq. Indigenous Fashion Week Toronto (IFWTO) tassavoq ukioq allortarlugu nunat inoqqaavinit mutit, assassukkat aamma annoraaminernit