IMARSUAQ – Havets Veje – Sikuiuitsoq Avannarlermi eqqanilu naapittarnerit
Nuummi Nuutoqqaq tallimanngornermi 15. oktober 2021 nal. 18 – 20 silami qulliit nipillu atorlugit allanngortinneqassaaq. Silami qulliit iikkanut, sikunut qaarsunullu seqersinneqassapput aamma nipit tusarsaassallutik. NAPA-p eqqumiitsuliortoqatigiit TURA YA MOYA-kkut suliniutaat ”IMARSUAQ – Havets Veje” tapiiffigisimavaa, tassani nunanit avannarlermiut matumani kalaallit eqqumiitsuliortut nipilersortartullu suliniummi suleqataapput.
Aamma illup iluani Nuummi Katersugaasivimmi saqqummersitsisoqarlunilu tusarnaartitsisoqartassaaq piffissami 15. oktober – 14. november.
Suliniummi imarsuaq aqqutaalu ilisimatusarfigineqarput ”IMARSUAQ” aqqutaalu.
Qanga ullumikkullu inuunermut angalasarnerit qanoq isumaqarsimappat?
Qanoq ililluta kingulissatsinnut immami inuussutissat uiguleriit attatiinnassavagut?
Nunani Avannarlerni imaq pillugu oqaluttuat isiginnaartumut angalaartitsisutullusooq ipput. Nunani Avannarlerni illoqarfimmilu peqataasut eqqumiitsuliaat aamma ilisimatusartut assigiinngitsut ilanngussaat saniatigut eqqumiitsuliat atuarfinni Nuummi, Atuarfik Tuiisaq (Paamiut), Qeqertarsuatsiaani Atuarfik, Kulusumi Alivarpi, Tasiilami Alivarpik kiisalu inuusuttut klubbiat Igdlo, inuusuttut suleqatigalugit eqqumiitsuliat takutinneqarput. Atuartut imarsuaq pillugu ilisimatusarnissamut, tassa ”IMARSUAQ”, aqqutaalu inuusuttut isaannit isigalugit, peqataanissaannut qaaqquneqarput.
Eqqumiitsuliortoqatigiit TURA YA MOYA-kkut eqqumiitsulianut containeriat 20 fodsinik angitigisoq tassaavoq containeri angallattagaq 20 fodsi allanngortitaq, nipilersornermut qaammaqqutinillu atortulersugaq. Kikkulluunniit piumasut imaq pulaaqquneqarput imarlu pillugu oqaluttuarlutik misigisalikkersaarlutilluunniit. Oqaluttuat containerimik nassarneqartassapput kingornalu atuakkami/filmimi ilanngunneqassallutik.
Inuusuttut videuliorlutik assilialiorlutillu peqataassapput, taamaalillutik immikkuullarissumik piginneqataasut misigisimassapput namminneq suliamut ilisimasallit suliniuteqartut suliaat ilanngullugit suliatik takugaangamikkit.
Eqqumiitsuliortut saqqummersitsinermut assilisaminnik nipilersuutiminnillu peqataasimasut: Silpa Christensen (GL), Navarana Kaggviak Sørensen (GL), Matti Sumari (S/FI), Karen Thastum (DK), Roi Einarsson (FO) Anna-Farida Erdenreich (DK/D), Mia Lindenhann (GL), Anders Sunna(S), Julia Pars (GL), Udo Erdenreish (D), Kristian Blak (FO), Liv Thastum (DK/D), Elever fra LMA (LT), Vestmannarkor (FO), Mia Rogersdottir (S), Bent Kuitse (GL), Åge Larsen, (GL), Harald Maqe (GL), Abel Ignatiussen kiisalu inuusuttut eqqumiitsuliortullu ukunanngaanneersut Kulusuk, Tasiilaq, Qeqertarsuatsiaat, Nuuk il.il.
Ukioq manna suliniummit tikinneqassapput Qeqertarsuatsiaat 19/10 -28/10, Paamiut 6/11 -10/11, Tasiilaq Kulusullu. Suliniummut NAPA-p saniatigut Nordisk Kulturkontakt, NunaFonden, Statens Kunstfond Danmark, DJBFA aamma STARK aningaasaliisimapput.
Nutaarsiassat allat
Eqqumiitsuliornermut kulturimullu suliniutinut annertuunut NAPAmut qinnuteqarfissaq qanilliartorpoq
1. septembari tassaavoq NAPAp Kulturimut Tapiisarfianut 100.000 aamma 200.000 kr.-it akornanni qinnuteqarfissaq kingulleq. Eqqumiitsuliornikkut kulturikkulluunniit nunatsinni attuumassuteqartumik aammalu Nunani Avannarlerni suleqatigisanik suleqateqaruit, qinnuteqaatit nassinnissaa qanilliartorpoq. Septembarip aallaqqaataa tassaavoq NAPA-p Kulturimut Tapiisarfianut qinnuteqaatit nassiunnissaanut periarfissaq kingulleq. NAPA-p kulturimut tapiisarfiata Nunani Avannarlerni tamaneersut inuit ataasiakkaat, suliniaqatigiiffiit aamma
Suliffimmut sungiusartoq pissangasoq
Isabella H. Borg NAPA-p tusagassiortunngorniaq ilinniarnerminut atatillugu suliffimmiittuutigaa nutaaq. 2022-mi februarip aallaqqaataani aallartippoq, 2022-mi julip tungaanut uagutsinniissalluni. Maanna attaveqaqatigiinnerup iluani suliassat assigiinngitsut suliarisalereerpai – pissangagaalu piffissap sinnerata ingerlanissaa qanoq isikkoqarumaanersoq. Isabella Qaqortumi inunngorsimavoq nunatsinnilu peroriartorluni. Kujataaniinnerusimalluni. Ilinniarnerminulli atatillugu angalasimaqaaq. Meeqqat atuarfianni atuareerami AFS aqqutigalugu Portugalimiissimavoq,
Creative Business Academy International Weekend taamaatiinnarneqarpoq
Ajuusaarutigalugu nalunaarutigerusupparput NAPA-p Creative Business Academy – International Mentor Weekend, nunanit tamalaanit peqataaffigineqartussaasimagaluartup apriilip naanerani pisussatut pilersaarutaagaluartoq taamaatitsiinnartariaqaratsigu. Taamaattoqalerneranut pissutaasoq tassaavoq pilersaarutaanngitsumik aaqqissuussamut aningaasartuutit annertuallaalerneri. Taamatut nalunaartariaqarnerput ajuusaarutigaarput, sapinngisarpulli tamaat iliuuseqaraluarluta allatut aaqqiissutissarsisinnaanngilagut. Aaqqissuussamut tapersersuinersi soqutiginninnersilu qujamasuutigaavut, ajuusaarpugullu maannakkut ilimagisasitut iliorsinnaannginnatta. Ingerlateqqiguk Nutaarsiassat takunngitsoorpigit?
Nunani Avannarlerni eqqumiitsuliornermi ”De-arctification”
Nunani Avannarlerni eqqumiitsuliornikkut suliniut Laplandimi eqqumiitsuliornermik kattuffiup ukiuni 30-nngortorsiorlutik nalliuttorsiorneranut atatillugu ingerlanneqalersoq.Suliniut Nunani Avannarlerni eqqumiitsuliornermi “De-arcticfiation”-imik qulequtalik Galleria Lainaamo, Rovaniemi, Finlandimi ulluni 11.-13. august 2021 ingerlassaaq. Workshoppeqassaaq, artists talks atorlugit oqaloqatigiittoqassalluni, oqaluttuartulerluni saqqummersitsisoqassalluni ammasumillu oqallittoqassalluni. Suliniut Laplandimi Finlandimi eqqumiitsuliortut kattuffiata Lain taiteilijaseurap aaqqissuutaraa. Suliniutip siunertaraa