Kalaallit Nordjobbimut qinnuteqarsimasut marloriaatinngorput
NAPA-mit paasisitsiniaaneq sukumiisoq kinguneqarpoq
Nordjobb tassaavoq inuusuttunut nunani avannarlerni najugalinnut Nunani Avannarlerni nunamut allamut aasaanerani ukiulluunniit ilaani suliartorsinnaanermut periarfissaq.
Kalaallit Nunaannut inuusuttut suliartorlutik tikittartut ukiumut 80-90-it missaanniittarput. Kalaallit nunanut allanut suliartortartut taama amerlatiginngillat. Kalaallimmi qinnuteqartartut aggguaqatigiissillugu ukiumut 5-6-iusarput.
NAPA ukioq manna angalatitaqarsimavoq, Nordisk Ministerrådip ataani tapiissuteqartarfippassuit suliniuteqartarfippassuillu ilaannik paasisitsiniaasunik, ilaatigut Nordjobb aamma Info Norden pillugit.
Sulisut ilaatigut Kujataani, Tasiilami Sisimiuni Qeqertarsuullu Tunuaniissimapput nittartagaq nordeniskolen.org, atuartitsissutissanik nittartagaq atorlugu atorneqarsinnaasunik, nunallu avannarliit oqaasiinik tamanik oqaasertalimmik paasisitsiniaajartorlutik. Aamma NAPA-mi sulisut angalanerminni Nordjobb aqqutigalugu qinnuteqarsinnaaneq nittarsaappat.
Paasisitsiniaanerup kingunerattut kalaallit inuusuttai 11-t nunani avannarlerni suliatorusullutik qinnuteqarsimaput.
Taamaammat NAPA-p suliniarnertik kinguneqarluartutut nalilerpaat, neriullutik qinnuteqartartut siunissami amerlanerulerumaartut.
Qeqertarsuup Tunuani angalanerup saniatigut, NAPA Avannaata koummuani angalatitaqarpoq, taamaalilluni avammut tusagassiisartut Nuup Kullorsuullu akornanni illoqarfiit nunaqarfiillu 12-it tikeraarsimallugit.
Nordjobb pillugu
Nordjobb tassaavoq inuusuttut 18-it 30-llu akornanni ukiullit Nunat Avannarliit arlaannut suliartorsinnaanerannut periarfissiisarfik, piffissami aalajangersimasumi, soorlu aasaanerani sulinngiffeqarnerup nalaani nunat avannarliit arlaannut suliartornerusinnaalluni.
Inuusuttunut tamanut Nunani Avannarlerni najugaqartunut periarfissiissutaavoq ukunani; Danmark, Norge, Sverige, Finland, Island, Kalaallit Nunaat,Savalimmiut aamma Åland.
Nordjobb.org alakkarlugu nunat sorliit sumik pissarsiornersut takusinnaavat.
Nutaarsiassat allat
NAPA-mi sulisut: Anna Jensine Arntzen
NAPA-p sunik suliaqarnera ilarpassuasi nalugunanngilaat, kisianni kikkuuvugut? NAPA-mi nunanit avannarlernit sisamanit — Kalaallit Nunaannit, Danmarkimit, Norgemit Finlandimillu — maanna sulisoqarpoq. Ullumikkut Info Norden-imi sulisorput Anna Jensine Arntzen ilisaritissavarput. Anna Norgemi Lofotenimeersuuvoq maannalu ukiuni pingasuni Nuummi najugaqarsimalluni. Norgemi Universitetimi UiT-mi ph.d.-nngorniarluni naammassingajalerpoq. Ilisimatusarnermini illoqarfinnik pilersaarusiorneq Kalaallit
NAPAmi Kulturimut Tapiisarfik 200.000 kr. tungaanut aningaasanik qinnuteqarfissaq kingusinnerpaamik qinnuteqarfigineqarsinnaavoq oktobarip 15-ianni
NAPA, Nunani Avannarlerni Piorsarsimassutsikkut Attaveqaat, Kulturimut Tapiisarfia qinnuteqaatinik amerlasuunik nuannersunik pisarpoq. Kisianni kulturilerinermi siunissaq piujuartoq pillugu suliniutinik qinnuteqartut amerlavallaanngillat. NAPA suliniutinik piujuartitsinermut immikkut sammisaqartunik ujartuivoq. 100.000-niit 200.000 kr. tungaanut NAPAp Kulturimut Tapiisarfimmut qinnuteqarnissaq oktoberip 15-ianni killeqarpoq. NAPA, Kulturimut Tapiisarfia nunarsuarput siunissaa ukkataralugu eqqumiitsuliornikkut kulturilerinikkullu
Creative Business Academy International Weekend taamaatiinnarneqarpoq
Ajuusaarutigalugu nalunaarutigerusupparput NAPA-p Creative Business Academy – International Mentor Weekend, nunanit tamalaanit peqataaffigineqartussaasimagaluartup apriilip naanerani pisussatut pilersaarutaagaluartoq taamaatitsiinnartariaqaratsigu. Taamaattoqalerneranut pissutaasoq tassaavoq pilersaarutaanngitsumik aaqqissuussamut aningaasartuutit annertuallaalerneri. Taamatut nalunaartariaqarnerput ajuusaarutigaarput, sapinngisarpulli tamaat iliuuseqaraluarluta allatut aaqqiissutissarsisinnaanngilagut. Aaqqissuussamut tapersersuinersi soqutiginninnersilu qujamasuutigaavut, ajuusaarpugullu maannakkut ilimagisasitut iliorsinnaannginnatta. Ingerlateqqiguk Nutaarsiassat takunngitsoorpigit?
Aqqaluk Lyngep NAPA ullaakkorsioqatigalugu peqataaffigigaa
Kalaallit Nunaat nunarsuarlu sammineqqarput, kalaallip politikeriusimasup atuakkiortullu Aqqalyk Lyngep NAPA ullaakkorsioqatigalugu peqataaffigimmagu Tallimanngornerit nalinginnaasut ilaanni Nuummi aputip aattorfiani inummik ataqqinartumit NAPA-mi ullaakkorsioqatigineqarpugut. Qaammatini tallimanngornerni siullerni NAPA ullaakkorsioqatigalugu ingerlanneqartarpoq, kulturilerisup inuup saqqummiiffigisartagaanik. Aprilimi Aqqaluk Lynge nunani tamalaani “Kalaallit Nunaat aamma Inuit Issittormiut Siunnersuisoqatigiiffianni / Circumpolar Councilimi