Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit.
Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut.
Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu atuakkiornerup silarsuaani angalaneranni alutornarnerpaaffianut ilisimannittuunerput tanngassimaarutigaarput.
Arfininngorpat ulloq 2. december nal. 11 – 13 Nuummi Atuagkani saqqummersitsineq ingerlanneqassaaq.
Tallimanngorpat ulloq 8. december nal. 16.30 – 17.30 Qaqortup katersugaasiviani saqqummersitsinermut atatillugu aaqqissussisoqassaaq.
Piffissami kingusinnerusukkut Qaanaami saqqummersitsinermut atatillugu aaqqissuisoqarumaarpoq.
Tusagassiuutit innuttaasullu kikkulluunniit tikilluaqquneqarput. Aggerlusi oqaluttualiat tusariartorsigit. Aamma piginnaasallit siunissami immaqa kalaallit atuakkiortut saqqumilaarfianiittussat nalliuttorsioqataaffigiartorlugit. Atuakkallu juullimi tunissutissatut pisiaralugit.
Allatta! pillugu paasissutissat
Allatta!-mut peqataasut arfinillit Kalaallit Nunaanni assigiinngitsuneersuupput. Atuakkiortut tassaapput:
Gertrud-Marie ”Kiitu” Kreutzmann, Nialiannguaq Simigaq, Pilunnguaq Karlsen Kristensen, Nivi Mathiesen, Pipaluk Nathansen aamma Ea Hoffmeyer.
Allatta!-mut inuusuttut allakkusussusaannik patajaallisaanissaq siunertaavoq. Atuakkiorneq qanoq nammineq misiginerluni oqaasertaliineruvoq pikkunartoq aamma kulturimik paasisimasaqarnerulluni, piginnaasallillu taakku tapersersorneratigut atuartartut aamma inuusuttut immikkuullarissumik isiginneriaasiisa akornanni itinerusumik attavileeqataarusuppugut.
Allatta! sisamassaanik naammassineqarpoq. Taamaattumillu saqqummersitsineq taaguusersimavarput Allatta! 4.0.
Allatta! Kalaallit Nunaanni inuusuttut atuakkiornermik piginnaasallit siuarsaaviginissaannut pingaaruteqarsimavoq. Siusinnerusukkut peqataasimasut tupinnaannartumik angusaqartarsimapput, soorlu atuakkiortoq Niviaq Korneliussen tamanna aqqutigalugu atuakkiortunngorsimasoq. Maannakkut Allatta!-mi saqqummersumi “oqaluttuat ersinartut” sammineqarsimapput, inuusuttut eqqumiitsut pissanganartullu sammisimammatigit.
Inuusuttut namminneq oqaatsit sorliit atorlugit allakkusunnerlutik qinersimavaat. Oqaluttualiani arfiniliusunit tallimat kalaallisut allagaasimapput, taakkulu atuartartunut amerlanerusunut anngunnissaat eqqarsaatigalugu aamma qallunaatut tuluttullu nutserneqarsimallutik. Katersat aamma assiliartaqassapput, inuusuttup ilusilersuisartup Nicholas Rosing Petersenip suliaanik.
NAPA aamma Kalaallit Atuakkiortut Allatta!-mik piginnittuupput.
Suleqatigineqarsimasut allat: Arctic Media / Sørine Steenholdt kiisalu Ilisimatusarfimmi Oqaasilerinermut, Atuakkialerinermut Tusagassiutilerinermullu Immikkoortortaqarfik.
Allatta! pillugu apeqqutissaqaruit suliniummik aqutsisoq Jaqqa Petersen attavigineqarsinnaavoq aqqa@napa.gl imaluunniit 53 33 30.
Allatta! 4.0 ukunannga taperserneqarsimavoq Aningaasaateqarfik Sermeq, Namminersorlutik Oqartussat Tips- aamma Lotto-mit aningaasaliissutaat kiisalu Eqqumiitsuliornermut Aningaasaateqarfik. Taakku saniatigut NAPA nammineq aamma aningaasaliisimavoq.
Nutaarsiassat takunngitsoorpigit?
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu
Naapitta – Let’s meet! NAPA Sorlak-lu Nuummi inuusuttunik saamit inuusuttut naapinnissaanut kulturikkut avitseqatigiinnissaannullu ujaarlerput
NAPA, Nunani Avannarlerni Piorsarsimassutsikkut Attaveqaat aamma Sorlak Dansk Ungdomsfællesråd peqatigalugu Saamit kulturikkut avitseqatiginissaanut suleqatigiipput. Nuummi inuusuttunut periarfissatsialak. NAPA, Nunani Avannarlerni Piorsarsimassutsikkut Attaveqaat aamma Sorlak, Kalaallit Nunaanni meeqqat inuusuttullu siunnersuisoqatigiiffiat, Dansk Ungdoms Fællesrådi peqatigalugu Nuummi inuusuttut saamillu inuusuttut kulturikkut avitseqatigiinneq pillugu suleqatigiipput. “Naapitta – Let’s meet!”-ip
Aqqaluk Lyngep NAPA ullaakkorsioqatigalugu peqataaffigigaa
Kalaallit Nunaat nunarsuarlu sammineqqarput, kalaallip politikeriusimasup atuakkiortullu Aqqalyk Lyngep NAPA ullaakkorsioqatigalugu peqataaffigimmagu Tallimanngornerit nalinginnaasut ilaanni Nuummi aputip aattorfiani inummik ataqqinartumit NAPA-mi ullaakkorsioqatigineqarpugut. Qaammatini tallimanngornerni siullerni NAPA ullaakkorsioqatigalugu ingerlanneqartarpoq, kulturilerisup inuup saqqummiiffigisartagaanik. Aprilimi Aqqaluk Lynge nunani tamalaani “Kalaallit Nunaat aamma Inuit Issittormiut Siunnersuisoqatigiiffianni / Circumpolar Councilimi
Atuakkamik saqqummersitsineq: Qilaappali Viktoria Joelsenimit
NAPA Arctic Medialu atuakkamik sisamanngornermi januaarip 23-anni nalunaaqutaq 16.30 saqqummersitsisoqarnissaanut qaaqqusipput. Atuakkap Qilaappali-p, Viktoria Joelsenimit allanneqartup saqqummersinneqarnera nalliuttorsiutigissavarput. NAPA-p atuakkialerinerup iluani suleqatigisartakkanni assigiinngitsut suleqatigalugit inuusuttut atuakkiortut allataat suliniummi “Allatta!”-meersut atuakkattut katersatullu 2013-imit saqqummersittarpai. Suliniummi Allatta!-mi kalaallit atuakkiortut nutaat aallartinnikuupput, soorlu Niviaq Korneliussen, Sørine Steenholdt aamma