NAPA-p Nordisk Kulturfondenillu suleqatigiinnissamut isumaqatigiissuteqalernerisigut nutaamik suliniummik pilersitsisoqarpoq! Suleqatigiinnissamut isumaqatigiissut nunat avannarliit akimorlugit suleqatigiiffiuvoq 2022-2024-mi kulturikkut politikkikkullu naapeqatigiiffinnik pilersitsisussaq.

Naapeqatigiinnerit Nunat Avannarlerni suleqatigiiffinni ukunani; Island, Åland Savalimmiut, Kulturcentrum Sverige-mi Finlandimilu, aamma Nordisk Kulturfond og a/nordi/c pissapput. Taassuma saniatigut naapeqatigiinneq Nuummi Nuuk Nordisk Kulturfestival 2023-mi pissaaq, Kalaallit Nunaanniit Nunat Avannarlerniillu peqataasoqassalluni.

Quppernerup siunertaa

Suliniutitip siunertarivaa Kalaallit Nunaanni eqqumiitsuliornerup silarsuaata aaqqissuusaanera eqqartorneqarsinnaalluni kiisalu Kalaallit Nunaanni kulturikkut politikkikkullu ineriartorneq pillugu oqaloqatigiinneq pilersikkusullutigu.

Una qupperneq ataqatigiissaarisut eqqumiitsuliornermik kulturikkullu suliallit taakkununngalu ilisimatusartunut akornanni oqaloqatigiinnernik immersullattaassavarput. Tamanna pissaaq NNK’23-mut piareersarnertut. Peqataasut eqqumiitsuliornermi atugassarititaasut Kalaallit Nunaanni kulturikkut politikkeqarneq ”Inuit” periuseq malillugu eqqartuissapput.

Tunngaviusumik isumassarsiaq Inuit Circumpolar Councils (ICC)-p nalunaarusiaaneerpoq ”ICC Ethical and Equitable Engagement Synthesis Rapport: A collection of Inuit rules, guidelines, protocols, and values for the engagement of Inuit Communities and Indigenous Knowledge from Across Inuit Nunaat”.  Nalunaarusiami naggueqatigiit Inuit oqaloqatigeeriaasii, naleqartitaat pissusaallu eqqartorneqarput. Nalunaarusiap oqaloqatigeeriaatsip paaseqatigiissinnaassutsimut pingaassusia ersersippaa.

Quppernermi uani soqarpa:

Quppernermi maani naggueqatigiit Inuit pillugit qulequttat tallimat nassaarisinnaavatit; Inuit, Isiginnaartitsineq, Atuakkialerineq, Isiginnaagassiat aamma Kulturikkut politikki. Taakku ataqatigiissaarisartut eqqumiitsuliornermilu Kalaallillu Nunaanni suliallit oqaloqatigiinnerini qulequtaassapput. Qulequttat tallimat saniatigut Nuuk Film Festival 2022-mi aamma Nuuk Nordisk Kulturfestival 2023-mi oqaloqatigiinnerit iliorarneqartassapput. Katuaq suleqatigalugu pisut assigiinngitsut immiunneqassapputtaaq – tassani ilaatigut NAPA suleqatigineqartassaaq kiisalu aallakaatitassat/podcast Nunat Avannarlerneersut ilineqartassallutik.

Oqaloqatigiinnerit assigiinngitsut ataani takusinnaavatit, qulequttallu aaqqissuussallu assigiinngitsut malinnaavigalugit, ataavartumik qupperneq nutarsarneqartarpoq.