ALLATTARL! CYPHER – nipilersornermik videoliaq nutaaq saqqummerpoq!
Meeqqat inuusuttullu Nuummeersut inuuniutigalugu rappertartut Kalaallit Nunaanneersut Danmarkimeersullu suliniummit Allattarl! nipilersornermik videoliami nutaami rappeqatigaat ulloq 17. auugust saqqummertumi.
Nutaaliorneq, ataatsimoorneq, nipilersornermik pilersitsisinnaaneq aamma quiasaarsinnaaneq nipilersornermik videoliamik sunniipput tassanilu angusaqarluarusussuseq, imminut tatiginninneq aamma kinaassuseq pillugu eqqarsaaatit inuusuttut rappimi taalliaanni inissaqarlutik. Tamannattaarlu tassaavoq cypherip suunerani paasisitsisoq; rappeqatigiit beat ataaseq aallaavigalugu namminneerlutik pinngorartitsipput, tassanilu nukimminnik avitseqatigiinnermik imminnut periarfissillutik aamma ataatsimoorlutik nutaaliornerminni immikkuullarissutsiminnik takutitsillutik.
Cypheri Nuummi pilersinneqarpoq Allattarl! ilaatut – suliniut rap aamma taallat atorlugit inuusuttut oqaaseqarnissaannik periarfissiisoq, aamma inuusuttut kinaassusaannik, imminut tatiginninnerannik aamma rappersinnaanermik nuannarisaqarnerannik nukittorsaasumik. Klassisk hiphop-imit ileqqunik toqqammaveqarpoq, tassani eqqumiitsuliornikkut kinaassuseq malunnartinneqarlunilu inissamik tigusisinnaanermik qunusuissuseq takutinneqarpoq.
”Cypheri tassaavoq uagut campernerup nalaani nipilersornermik suliaqarnitsinnit angusarput. Tassani inuusuttut immikkut taalliaat ataatsimut suliami ataatsimoortinneqarput, immiunneqarlutik aamma videonngorlutik. Naligiillutik sanileriipput, aamma inummik pingaarnerusoqarani – nipit tamarmik pingaaruteqarput. Cypheri taamaalilluni pingaaruteqarpoq: Piffissap ingerlanerani ataatsimooqatigiinnerup, nutaaliornerup qunusuissutsillu alliartorsimasut naassaanngitsumik inernerat,” oqarpoq Manuela Reith Rasmussen, suliniummi Det Starter Med Musikken /Nipilersornermik aallartippoq, aqutsitsoq.
Foto: Det Starter Med Musikken
Det Starter Med Musikken, Danmarkimeersup (DSMM) aamma Nunani Avannarlerni Piorsarsimassutsikkut Attaveqaat, NAPA-p akornanni suleqatigiinnermi majip junillu qaammataanni Nuummit, Paamiunit Nanortalimmiillu inuusuttunut rap-campsit pilersippaat. Suliniut Allattarl! peqatigalugu inuusuttut assigiinngitsunik tunuliaqutallit nutaaliorfiusumik peqataatitsisumillu ilikkagaqartitsisumik ataatsimoortinneqarsimapput, atassuteqarneq tunngavigalugu suliniummik aallaaveqartumik, tatiginnilersitsisimasumi, ataatsimoorfiusumi, inuttut ineriartorfiusumi, aamma inuusuttunut piviusumik piginnaasaqartitsilersumik. Inuusuttut tassani peqataasut ilatigut nipilersorneq aalanerlu aqqutigalugit qanoq ingerlanissartik flow, nukittuunik naggateqatigiissaakkanik allannissaq namminnerlu nipiminnik nassaarinninnissartik ilinniarsimavaat.
”Maanna nuannaarpugut cypher una aqqutigalugu nipilersuusiatsinnik avitseqaatigisinnaagassi. Inuusuttut qanoq suliniut akuersaarsimagaat aamma qunusuillutik taalliaminnik avitseqatiginnissimanerat takullugu assut nuannersimavoq”, oqarpoq Susanne Andreasen, NAPA-mi pisortaq.
Allattarl! -imi ilinniartitsisut tamarmik inuusuttunut naleqanngitsumik isumassarsisitsisimapput tatiginnillutillu. Queen P (Parnaq), Minik, Finni aamma Malik cypherimut taalliorsimapput. Beati Andachanimit suliarineqarsimavoq aamma video inuuniutigalugu producentimit Bolt Lamarimit .
Rap campit najukkami suliaqartut qanimut suleqatigalugit ingerlanneqarsimapput ukunaneersunit Nuuk, Paamiut aamma Nanortalik, matumani inuusuttunut klubbit, nipilersornermut ilinniarfiit aamma kulturilerisut, aalajangersimasumik holdiusimallutik Det Starter Med Musikkenip suliniummi aqutsisui Manuela Reith Rasmussen aamma Bigg Kaka, aamma rap campimi ilinniartitsisut allat; eqqumiitsuliortut $MALIKK, Andachan, Parnaq, FiNNi, Minik Hansen, Iris Poparic aamma Lucas.
Tamanut saqqummiussineq
Cypheri ulloq 17. august 2026 saqqummiunneqarpoq taamaattorli inuusuttut Nuummeersut kisiisa peqatigalugit. Kingusinnerusukkut cypheri illoqarfinnit tamanit pingasunit immikkuullarissunik rappernertalinnik amerlanernik videoliortoqarumaarpoq. Cypheri Det Starter Med Musikkens aamma NAPA-p saqqummersitsisarfiisigut, nittartagaasigut, inuit attaveqaataasigut aamma YouTubekkut avammut saqqummiunneqarpoq.
Allatat aamma atuganngortinneqassappu
Ukiaru kingusinnerusukkut Det Starter Med Musikken Kalaallit Nunaannut uteqqissapput rap campimi peqataasunit tamanit taalliat ataatsimoortillugit atuakkami saqqummersissallugit.
Saqqummersitaq kalaallisut, danskisut tuluttullu saqqummersinneqassaaq eqqumiitsuliornermi ataatsimoorluni saqqummersitatut aamma sulinerup naammassineqarsimasup qaqugussamut takussutissaatut. Saqqummersitsinermi oqaatsit, illoqarfiit aamma tunuliaquttat assigiinngitsut akornanni inuusuttut nipaat katersorneqarsimapput aamma Allattarl! aqqutigalugu pilersinneqarsimasumut ataatsimut takussutissalluni.
Cypherimik sanaartorneq immikkut ukunannga taperserneqarsimavoq: NAPA – Nunani Avannarlerni Piorsarsimassutsikkut Attaveqaat, Det Starter Med Musikken, LC Music, KodaKultur, Greenland Brewhouse aamma Bolt Lamar.
Suliniut ALLATTARL! Ukunannga taperserneqarsimavoq: NAPA – Nunani Avannarlerni Piorsarsimassutsikkut Attaveqaat, Det Starter Med Musikken,Tusass, NunaFonden, Eqqumiitsuliornermut Aningaasaateqarfik, Kommuneqarfik Sermersooq, Greenland Brewhouse, Bolt Lamar, LC Music, KodaKultur aamma Brugseni.
TUSAGASSIORFINNUT ATTAVEQAATIT:
Manuela Reith Rasmussen, Det Starter Med Musikken, pilersitsisoq siulittaasorlu info@detstartermedmusikken.dk, Mobil +45 22824445
Susanne Andreasen, NAPA-i pisortaq, susanne@napa.gl Mobil +299 588849
- Kalaallit Nunaat, Kinaassuseq, Kulturi, Meeqqat inuusuttullu, Nipilersorneq, Nutaarsiassat, Suliniutit
- Photo: Det Starter Med Musikken
Del
Gik du glip af disse nyheder?
Nunat Avannarliit Siunnersuisoqatigiit 74-issaa ataatsimiigiartut
Novembarip aallaqqaataaniit sisamaata tungaanut Helsinki, Finlandimi ataatsimiisitsisoqassaaq, tassanilu Doris J. Jensen aamma Mariane Paviassen peqataassapput. Ataatsimiisitsisoqarnermullu atatillugu Nunat Avannarliit Siunnersuisoqartigiivisa nersornaasittagaat novembarip aallaqqaataani aamma pissapput. Sessioni, nunat avannarlerni politikkikkut oqallitsitsineq annerpaaq, Helsinkimi, Finlandimi novembarip aallaqqaataaniit sisamaata tungaanut ingerlanneqassaaq. Nunat Avannarliit Siunnersuisoqatigiivisa ilaasortai 87-it, nunani avannarlerni
Issittut akiussinnaasuseqarluartut digitalimik akiuulluarsinnaasunik attaveqaasersuuteqarlutik aallartittarput
Digital Arctic Futures-isumasioqatigiinnermi Kalaallit Nunaanni Issittumilu siunissami interneti ukkatarineqarpoq Interneti Issittumi ulluinnarni pinngitsoorneqarsinnaajunnaarsimavoq. Kortimik akiliiinermut aamma e-boksimut, Netfliximut, piniarnermut uppernarsaatinut aamma Facebookikkut oqallinnermut atorneqartarluni. Kisianni pinngitsuuisinnaajunnaarnerup annertusiartornerani, aamma saassunneqariaannaaneq annertusiartorpoq. Qanoq pisoqassava, kabeli immakkoortoq ajoquserneqarpat, innaallagiaaruttoqarpat imaluunniit internetikkut ajoqusiiniarnerup inuiaqatigiinni atuuffiit pingaarutillit akornuserpagit? Apeqqutit taakku
Nunani Avannarlerni kalaallisut oqaloqatigiinnerit: Isiginnaartitsineq
Nunatta Isiginnaartitsisarfiani pisortaq Susanne Andreasen aamma Vivi Sørensen, isiginnaartitsisarfimmi ilinniartitaanermut akisussaasoq Kalaallit Nunaanni isiginnaartitsisarnerup qanoq pingaaruteqartigissusaa pillugu oqaloqatigineqarput. Oqaloqatigiinneq takuuk imaluunniit tusarnaaruk. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Immikkoortumi uani I Nunatta Isiginnaartitsisarfiani pisortaq Susanne Andreasen aamma Vivi Sørensen, Isiginnaartitsisartunngorniat atuarfianni ilinniagaqarnermut
Nunani Avannarlerni eqqumiitsuliornermi ”De-arctification”
Nunani Avannarlerni eqqumiitsuliornikkut suliniut Laplandimi eqqumiitsuliornermik kattuffiup ukiuni 30-nngortorsiorlutik nalliuttorsiorneranut atatillugu ingerlanneqalersoq.Suliniut Nunani Avannarlerni eqqumiitsuliornermi “De-arcticfiation”-imik qulequtalik Galleria Lainaamo, Rovaniemi, Finlandimi ulluni 11.-13. august 2021 ingerlassaaq. Workshoppeqassaaq, artists talks atorlugit oqaloqatigiittoqassalluni, oqaluttuartulerluni saqqummersitsisoqassalluni ammasumillu oqallittoqassalluni. Suliniut Laplandimi Finlandimi eqqumiitsuliortut kattuffiata Lain taiteilijaseurap aaqqissuutaraa. Suliniutip siunertaraa