Rigsrådet Nuummit aallakaatitsissaaq
Naalagaaffeqatigiinneq pillugu maannamut tusarnaagassiatuaq, pitsaalluinnartoq, Rigsrådet, Nuummit toqqaannartumik juunip tallimaani aallakaatitsisussanngorpoq.
Nunani Avannarlerni Piorsarsimassutsikkut Attaveqaatip, NAPA-p, tusarnaagassiani peqataasartut imminnut attuumassuteqanngitsut pingasut, Danmarkimeersoq, Savalimmiuneersoq Kalaallit Nunaanninngaanneersorlu qaaqquai. Tusarnaagassiarineqartussami tassani Naalagaaffeqatigiinnerup iluani pissanganartut unammillernartullu ammasumik oqallisigineqassapput.
Politikkikkut naliliisartoq, Lars Trier Mogensen, siunnersorti namminersortoq, Arnakkuluk Jo Kleist aamma lektori, Heini í Skorini, nunaminni illoqarfiit pingaarnersaannit Naalagaaffeqatigiinneq eqqartorlugu tusarnaagassianik siusinnerusukkut immiussisarput. Taakkuali, tassa Rigsrådimik aallakaatitsisartut, Nuummi maanna katersuuttussanngorput. Taamaalilluni oqaloqatigiinnerup ingerlanerani isiginnaartunit peqataaffigineqarsinnaasumik aaqqissuussisoqassaaq.
Rigsrådimi misissueqqissaarnerit, inuttut nammineq isummat apeqqutillu akissutissaqartinneqartut, oqaluttuanut matoqqanerusunut tunngasut, nunallu pingasut akunneranni ammanerulersitsisut oqallisigineqartarput. Taakkua soorlu Issittumi, Atlantikup avannaani Skandinaviamilu siunissami politikkimut, kulturikkut aningaasaqarnikkullu atassuteqaatinut tunngasarput.
NAPA Rigsrådip toqqaannartumik aallakaatitsinissaanut isiginnaartussanik qaaqqusivoq tamanna Nuummi Katuap inersuaaraani 2026-imi juunip tallimaani nalunaaqutaq 16.30-17.30 pissaaq.
Nutaarsiassat takunngitsoorpigit?
Nunani Avannarlerni kalaallisut oqaloqatigiinnerit: Politikki
Eqqumiitsuliortut atugaasa pitsanngorsaaviginissaat anguniarneqarpoq, kisianni suut tamarmik aningaasaliiffigineqarsinnaanngillat, taama oqarpoq kulturimut naalakkersuisoq, Peter P. Olsen. Oqaloqatigiinneq takuuk imaluunniit tusarnaaruk. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Immikkoortumi uani kulturimut naalakkersuisoq Peter P. Olsen, Inuit Ataqatigiineersoq oqaloqatigissavarput. Ilisarititsineq Qineqqusaartoqartillugu kulturilerisut eqqumiitsuliortullu qanoq pingaaruteqartiginerat atugaasalu
Atuakkiortunik oqaloqateqarneq – Niviaq Korneliussen aamma Johanne Lykke Holm
Nunani Avannarlerni Siunnersuisooqatigiit atuakkiortunut nersornaasiuttagaannut 2021-mut atatillugu atuakkiortut innersuussaasimasut oqaloqatigiissapput. Pingasunngorneq 5. maj nal. 14 (kalaallit piffissaat) Niviaq Korneliussenip svenskeq innersuussaasimasoq Johanne Lykke Holm oqaloqatigissavaa. april Nunani Avannarlerni Siunnersuisooqatigiit nutaamik nangeqattaartuliaani livestreami atorlugu Nunani Avannarlerni Siunnersuisooqatigiit atuakkiortunut nersornaasiuttagaannut atuakkiortut innersuunneqarsimasut atuakkiortutut oqaloqatigiittassapput. Sapaatip akunneri tamaasa
Isiginnaartitsissut Tarnima Nammatai maanna Kalaallit Nunaanni angalaarpoq
Assimi takuneqarsinnaapput Naleraq Eugenius, Nukakkuluk Kreutzmann, Rasmus Lyberth, Hans Ole Amossen, Karina Møller aamma Klaus Geisler. Upernaaq 2021 Teaterip freezeProductions isiginnaartitsissut Tarnima Nammatai suliaraa, ukuninnga taperneqarluni Isumaginninnermut Aqutsisoqarfik, Statens Kunstfond, NAPA-p kulturimut tapiisarfia, Katuaq Kulturip Illorsua, Århus Kommune, Nunafonden aamma Nuummi Najukkami Ataatsimiititaq. Isiginnaartitsissut Kujataani
NAPA-p Kulturimut Tapiisarfianut Kalaallit Nunaannit tapiissutinik qinnuteqartut amerliartortut
2018-imiilli siullermeerluni NAPA-p Kulturimut Tapiissuteqarfianut qinnuteqartut nunatsinneersut Nunat Avannarlernut allanut sanilliullugit amerliartorsimapput. Tamanna ineriartorneq Kalaallit Nunaanni eqqamiitsuliornermik kulturimillu inuussutissarsiuteqartut akornanni ineriartorluartutut takussutissaavoq, NAPA-llu kulturikkut inissisimalluarnera aamma takussutissaavoq. 2023-mi NAPA, Nunani Avannarlerni Piorsarsimassutsikkut Attaveqaat Kulturimut Tapiissuteqarfianut qinnuteqaatinik katillugit 156-inik tigusaqarsimavoq. Qinnuteqartunit 156-iusunit 86-it Kalaallit Nunaanni najugaqarput,