Arctic Winter Games pillugu piviusulersaarut: Kulturimik takutitsineq ataatsimoorluni eqqaamasassanngorlugu
Kulturimik takutitsineq qanoq ililluni inuunerup sinnerani eqqaamasassanngortarpa? Piviusulersaarummi nutaami tamanna oqaluttuarineqarpoq, inuusuttut Arctic Winter Games 2026-mi Kalaallit Nunaata kulturilerinikkut takutitaanut peqataasut malinnaavigalugit.
Filmi pisut tunuannut qaaqqusivoq, inuusuttullu angalanerat pillugu paasisaqartitsilluni, piareersarnerit siulliit sungiusarnerillu aallartinneranniit angalanermut, misigisassanut aamma piffissap ingerlanerani pilersimasumut ataatsimoornermut.
27. august Katuami piviusulersaarut siullermik takutipparput. Tassani inuusuttut, ilaqutaasut, suleqatigisat aamma qaaqqusat allat filmimik siullermeerlutik ataatsimoorlutik isiginnaarnissamut periarfissinneqarput.
Inuusuttut piareersarnerminnit Arctic Winter Games 2026-mut angalanerat
Arctic Winter Gamesimi kulturimik takutitsinermut peqataassagaanni piareersarneq, pimoorussineq suleqatigiinnerlu pisariaqarput. Inuusuttunut misigisaq angalalinnginneq sioqqutingaatsiarlugu aallartippoq.
Piviusulersaarummi suliap ingerlanera malinnaavigineqarpoq, kulturimik takutitsinermut piareersaalluni suliaqarneq qanoq ittuunersoq takutinneqarluni, kisianni aamma inuusuttut nammineq misigisaat aallaavigalugit oqaluttuarineqarluni.
Filmimi piffissat sungiusarfiit suliffigineqartullu takutinneqarput, aamma annikitsunik annertuunillu nuannersunik pisut takutinneqarlutik. Pisumut annertunerusumut ilaaneq pineqarpoq, inuusuttut allat naapinnerannut, nutaanik ikinngutitaartornissamut aamma Arctic Winter Gamesimi ataatsimoornermut misigisaqarnermut tunngalluni.
Inuusuttunut immikkut ittumik misigisat pillugit eqqaamasanik piujuartitsinissamut periarfissaavoq. Peqatigisaanillu filmip Kalaallit Nunaanni inuusuttut allat Arctic Winter Gamesitut aaqqissuussami nunarsuaq tamakkerlugu peqataaffigineqartumi kulturikkut takutitsineq qanoq piareersarneqartarnersoq pillugu erseqqinnerusumik paasisaqarnissamut periarfississavai.
Piviusulersaarut eqimattamut ataatsimut angalanermullu ataatsimut oqaluttuaq tunngaannanngilaq. Inuusuttunulli allanut isumassarsiorfittut eqqarsaatigineqarpoq, immaqa nammineq peqataarusussinnaasunut, akisussaaffimmik tigusaqarusussinnaasunut, allanik suleqateqarlutik ataatsimoorlutik pilersitsiumasunut imaluunniit aaqqissuussani siunissami ingerlanneqartussani Kalaallit Nunaat sinnerlugu peqataarusuttunut.
Piviusulersaarut uani isiginnaarneqarsinnaavoq:
Nutaarsiassat takunngitsoorpigit?
Workshop: Kalaallit Nunaanni eqqumiitsuliornermik kulturimillu suliaqartunik ataqqinnittumik suleqateqarneq
Kalaallit Nunaanni najugaqarpit, eqqumiitsuliornermillu kulturimilluunniit suliaqarpit? Workshopimut peqataagit. Tassani Kalaallit Nunaata avataaneersut maani eqqumiitsuliornermik kulturimillu suliaqartunik suleqateqarusukkaangamik suut ilisimassagaat ataatsimoorluta oqaasertaliissavagut. Kalaallit Nunaat pillugu soqutiginninneq annertusiartorpoq. Tamanna suleqatigiinnernut nutaanut suleqatigeeriaatsinullu nutaanut pissanganartunik periarfissiivoq. Peqatigisaanik suleqatigiinnerit qanoq pilersinneqartarnissaat ingerlanneqartarnissaallu piumasaqaateqarfigineqarput. Taamaattumik suleqatigiinnissamut pitsaasumut tunngavissanik ataatsimoorussanik ineriartortitserusuppugut.
Nunani Avannarlerni suleqatigiinneq ataatsimoorlunilu ineriartortitsineq siumut aqqutaavoq
Nunani Avannarlerni Ministerit Siunnersuisoqatigiviisa Issittumi ineriartorneq, siuariartorneq aamma pigissaarneq suli ukkataraat. Immikkut tapiisarfikkut Nunat Avannarliit Issittumut Tapiisarfiat (NAP Nunani Avannarlerni Ministerit Siunnersuisoqatigiviisa Issittumi Kalaallillu Nunaanni suliniutit ukiuni 30-ni aningaasaliiffigisarsimavai. Tapiisarfimmut qinnuteqarnissamut killiuvoq ulloq 15. februar. Nunat Avannarliit Issittumut Tapiisarfiat (NAP), Nunani Avannarlerni Piorsarsimassutsikkut Attaveqaat/NAPA-mit ingerlanneqartoq,
Inuusuttut atuakkiortunngortussamaatit oqaluttualiatik ersinartulikkersaarutiliatik Nuummi allannermut bootcampini aaqqissorpaat
Inuusuttut allannermik piginnaasallit Allatta!-mut peqataasimapput. Peqataasullu Paninnguaq Boassen aamma Sørine Steenholdt peqatigalugit ersinartulikkersaarutitik pitsaanerulersillugit suliarisimavaat. Atuakkialerineq aamma allannissamut kajumissuseq kalaallit oqaasiisa ineriartortinnissaannut pingaaruteqarput, aamma nunat tamalaani atuakkiortunut naleqqiunneqarsinnaasunik amerlanerusunik atuakkiortoqalissagutta piginnaasanik ineriartortitsineq pingaaruteqarpoq. Taamaattumik Nunani Avannarlerni Piorsarsimassutsikkut Attaveqaat (NAPA) aamma Kalaallit Atuakkiortut piginnaasanut suliniuteqarfik Allatta!
Nordic Remix – qarasaasiaq atorlugu nipilersoqatigiinneq
Nipileruusiat atorlugit oqaluttuarneq, nunanit avannarlerneersunit peqataafigineqartoq, kulturit, nipilersorsinnaassutsit nunallu killeqarfiisa akornanni suliarineqassaaq. Suliniut “Nordic Remix” NAPA-p kulturimut aningaasaliissutigisartagaanit taperneqarpoq. Suliniuteqartut tassaapput ”Are We Europe” – videoliaallu uani takuneqarsinnaavoq “Suliniuteqarnitsinni siunertatsinni nipilersornerup oqaluttuarisaanera tunngavigalugu nunani avannarlerni nipilersortartut aamma tusagassiinermik suliallit suleqatigiissinnerisigut, apeqqut nipilersoriaatsit ilumut kulturikkut kingornussarsianut
Nutaarsiassat takunngitsoorpigit?
Nunat avannarliit Sisimiuni suleqatigiittut: NAPA-p Arctic Sounds Festival tapersersorpaa
Arctic Sounds Sisimiuni ukiumoortumik nipilersornermik festivalertitsisarpoq, tassani Kalaallit Nunaannit, Nunanit Avannarlerneersunit, Issittumit nunarsuarmilu sumiiffinnit allanit tusarnaartitsisarput. Sapaatip akunnerani festivalimi nipilersorneq, aaqqissuusinernik, workshoppit allallu sammineqassapput – ilaatigut NAPA-p nammineq aaqqissuussaa – Sisimiuni nunami alutornartumi. Festivalip Kalaallit Nunaata nunallu allat akornanni nipilersorneq malunnartinniarlugu aammalu pinngorartitsinerup teknikkikkullu piginnaasat
Karen Ellemann NAPA-mi pulaartoq
Nunat Avannarliit Ministeriisa Siunnersuisoqatigiivisa generalsekretæria Karen Ellemann Nuummut tikeraarnermini NAPA-mi kalaallit kulturiannik misigisaqarpoq. NAPA Nunat Avannarliit Ministeriisa Siunnersuisoqatigiivisa ataani kulturikkut ingerlatsiviuvoq, Kalaallit Nunaanni aamma Kalaallit Nunaata Nunallu Avannarliit akornanni eqqumiitsuliornermik kulturimillu suliniutinik tapersersuillunilu ineriartortitsisartoq. Siullermik inuusuttut eqqumiitsuliortut Aviaaja aamma Qarsoq Arctic Winter Gamesimi erinarsuutitik saqqummiuppaat.
Nunat Avannarliit Issittumut Tapiisarfiat ukioq manna 10,3 mio. DKK-ninik suliniutinut 23-nut tapiisimavoq
Nunani Avannarlerni Ministerit Siunnersuisoqatigiiffiata Nunat Avannarliit Issittumut Tapiisarfiata ukioq manna katillugit 10,3 mio. DK-nit suliniutinut qaffasissumik pitsaassusilinnut 23-nut agguaassimavai.Programmi Nunani Avannarlerni Piorsarsimassutsikkut Attaveqaat, NAPA-mit, Ilisimatusarfik suleqatigalugu ingerlanneqarpoq. Nunat Avannarliit Issittumut Tapiisarfiat 2025–2027: Issittormiut akiuussinnaasut (Et resilient Arktis)qinnuteqarfissami kingullermi katillugit 60-inik assut attuumassuteqartunik qinnuteqaatinik tigusaqarsimavoq.
Pisimasunik oqaluttuarneq (Storytelling)
Nunani Avannarlerni Pinngortitaq pillugu Oqaluttuat (Nordiske Naturfortællinger – Nordic Nature Narratives) Nunani Avannarlerni kinguaariit kulturillu akornanni inuit namminneq oqaluttuaannik pinngortitarlu pillugu isiginneriaasiannik sammisaqarpoq. Kalaallit Nunaanni, Norgep Avannaani Danmarkimilu 2021-miit 2022-mut ingerlanneqassaaq. Pinngortitap inuunitsinnut sunniutai aamma piujuartitsilluni ineriartuineq ilinniarfigineqarneranni suliniut aqqutigalugu Naalagaaffiit Peqatigiit nunarsuaq tamakkerlugu anguniagassatut