Nina Paninnguaq Skydsbjerg Kristiansen erninerminut atatillugu sulinngiffeqareerluni maanna NAPA-mut uteqqippoq. Nina august 2021-mi siunnersortitut sulilerpoq. Maanna uteqqikkami pissutsit allanngorsimapput. Nina maana pisortap tullersortaatut atorfinitsinneqarsimavoq – aamma pisortap sinniisuatut 1. august 2022-mi atorfeqalissalluni!
Nina Paninnguaq Sisimiuni inunngorsimavoq, kisianni Nuummi peroriartorsimalluni. Isiginnaartitsisunngornissani sivisunerpaamik sinnattorisimavaa – kisianni 2004-mi filmiliutip tunuani sulineq misilikkamiuk nuannarilersimavaa. Filmiliornermik ingerlataqarneq angerlarsimaffigisutut suliffigisimavaa. Ukiullu marluk qaangiummata nutaamik misilitaqarusulersimavoq. Namminersortutut. Tassani assigiinngitsorparujussuit suliniutit suliarissimavai ilaatigut nipilersornermi, isiginnaartitsinermi, ussassaarinermi, filmiliornermi aamma tv-lerinermi, piffissani tamaat kalaallit suliaannut atorsimavaa, nunatsinneersut nunanilu allaneersut suleqatigalugit.
– Eqqumiitsuliorneq kulturilu assut soqutigiuaannarsimavakka. Kisianni inuunerup ingerlanerani pinngorartitsinermut sinaakkutit qitiutikkiartuinnarsimavakka. Inuuninni piginnaanilipparpassuit naapittarsimavakka, aamma piginnaasaqarnerup inuuniutigisinnaaneranut aqqutaasinnaasoq eqqarsartuaannarsimallunga, Nina oqarpoq.
Filmiliornermik ingerlataqarnerup saniatigut Ninap atuarnissani assut nuannaraa. Atuakkat oqaluttualiat saniatigut atuakkat immikkut suliaasunut tunngasut atuartarpai. Taava 12-inilli ukioqarallaramili allattarsimavoq. Paasisaq nuanneq? Assani uninngatippiarsinnaanngilai – taamaattumik nuersaangaatsiartarpoq.
Siunnersortimit pisortap tullersortaanut ikaarsaarneq pissusissamisoortoq
Nina NAPA-mi siunnersortitut aallartippoq. Tassa imaappoq aningaasaqarneq kulturimullu tapiisarfik akisussaaffigisimavai, tassani inuit suliniutiminnut aningaasanik qinnuteqarniartut ikiorlugillu siunnersortarsimavai. Suliffimmullu uterami alloriaqqissimavoq pisortallu tullersortinngorsimalluni.
– Isumaqarpunga atorfimmut allamut nuukkama imatut malugivallaarnagu. Ilumut akisussaaffikka amerlinerupput. Aallaqqaammulli oqarsimavunga amerlanernik akisussaaffeqarusullunga. Pissusissamisoortutut misigaara. Suliaqarlunga nuannaraara, taamaattumik sulisitsisuma piginnaasaqarninnut tatiginninnera tanngassimaarutigaara.
Pisortap tullersortaatut sulinissaq Ninamut isumaqarpoq sorpassuit ataatsikkut suliarisinnaanissaat – kiisalu qanoq inerneqassanersut siumut takusinnaanissaa. Peqatigitillugu aamma aaqqissuulluagaasumik sulisinnaaneq nuannarineqartariaqarpoq. Sooq NAPA-mi sulinissani toqqarsimavaa? “Nerriviup illua’ tungaaniinneq qanoq innersoq” takorusussimagamiuk.
– Ukiorpassuarni qinnuteqaasiortarneq inuuniutigisimavara, aamma inuunerma ilaani takorusutsassimavara suleriaaseq qanoq ittuunersoq. NAPA-p suliniutit assigiinngitsorpassuit tapiiffigisarpai aamma suliniutit assigiinngitsut ingerlattarlugit. NAPA aamma uanga ukiut ingerlanerini pissarsiaqarfigisimasama ingerlatitseqqiffissaattut isigisimavara. Ikiorneqarneq, ilitsersorneqarneq minnerunngitsumillu tapersersorneqarneq. Meeqqat inuusuttullu inuunerminni namminneq aqqutissaminnik nassaarniarnerini kajumitsilissallugit soqutigilluinarpara – soorlu uanga aamma nammineq taamaaliorsimasunga, Nina naggataagut oqarpoq.
Nina pisortap tullersortaatut utersimagaluarluni, aamma 1. august 2022 aallarnerfigalugu pisortaagallartutut sulissaaq, pisortap nutaap sulilernissaata tungaanut.
Nutaarsiassat takunngitsoorpigit?
Nordplus allaffissornikkut qullersaqarfiata Kalaallit Nunaanni siullerpaamik ataatsimiisitsinerannut NAPA aamma Namminersorlutik Oqartussat qaaqqusisuupput
Ulluni 12 – 15. juni Nordplus’ip allaffissornikkut qullersaqarfiata ilinniagaqarneq nuttarnerlu pillugit suleqatit attuumassutillit Kalaallit Nunaanni ataatsimeeqatigissavai. Nordplus, Nunani Avannarlerni Ministerit Siunnersuisoqatigiivisa ataanni suliniut, nunani avannarlerni nunanilu baltiskiusuni ilinniartitaaneq pillugu patajaallisaanermik ineriartortitsinermillu pingaarutilimmik inissisimavoq. Programmi ilinniartitaanermi suliniutinut assigiinngitsorpassuarnut aningaasaliisarpoq tapersersuisarlunilu, matumani ilinniagaqarnerup nalaani paasisassarsiorluni angalanerit, ilinniarnermut
Issittumi Suleqatigiinnermut Tapiissuteqartarfimmut qinnuteqartarfik atulersinneqartoq!
Kalaallit Nunaata puljeap ingerlanneqarneranut akisussaaffik tigummaguli NAPA-p aamma Ilisimatusarfiup Issittumi Suleqatigiinnermut Tapiissuteqartarfimmut nittartagaq amma qinnuteqartarfik atulersippaat. Taamaalilluni suliniutit Issittumi piujuartitsinermik ineriartortitsinermik ukkatarinnittut maanna puljeamut qinnuteqarsinnaalerput. Issittumi Suleqatigiinnermut Tapiissuteqartarfimmik Kalaallit Nunaat ingerlatsinermik akisussaalissasoq 2. november 2021 naggataarutaasumik aalajangerneqarmalli NAPA aamma Ilisimatusarfik nittartakkap qinnuteqartarfiullu naammassinissaat ulapputigisimavaat. Taamaattumik assut
NAPA juulimi aasaanerani sulinngiffeqassaaq
Kulturimut tapiisarfimmut qinnuteqartunut NAPA-mi, Nunat Avannarliit Piorsarsimassutsikkut Attaveqaatimi sulisut juulimi aasaanerani sulinngiffeqassapput. Tamanna isumaqarpoq juulimi qinnnuteqaatinik suliarisinnaanngilavut. Suliniutit aggustimi septembarimiluunniit ingerlanneqassappat taava innersuutigaarput qinnuteqaatit kingusinnerpaamik juunip 15-ianni nassiunnissaa, taamaalilluni qinnuteqaatit juunimi suliarineqarsinnaaniassammata. Sulinngiffeqarnerup kingorna qinnuteqarsinnaanermut killissarititaq tulliuttoq tassaavoq aggustip 15-iat. Qinnuteqaatisi tigunissaat qilanaaraarput aasarsiorluarisilu. Apeqquteqaruit
Siunissamut ikaartarfik
Nunani Avannarlerni Piorsarsimassutsikkut Attaveqaat – NAPA-p ukiorpaaluit inuusuttut namminneq ineriartorsinnaanissaannut periarfissanik tuniorartarsimavai. Periarfissat eqqumiitsuliornerminnaq atuutsinngillat, ilinniagaqarnermulli aamma attuummassuteqarlutik. Taamaammat NAPA ilinniartunutNuummi allaffeqarfitsinni praktikkersinnaanissamut periarfissiisarpoq. NAPA suliffeqarfiuvoq assigiingitsunik kulturimut tunngasunik suliaqartartoq. Anguniakkatta akornanniippoq, kalaallit nunallu avannarlermiut allat kulturilerisut inuunerannik ineriatortitseqataanissaq, tapiisarneq uummarissaanerlu, meeqqanut unuusuttunullu suliniutit salliutillugit.