En mand og en kvinde står, og kigger op på hinanden med røg omkring dem.
Issitor miunut sammiliviiffik, Kalaallit Nunaat, Kinaassuseq, Kulturi, Nunat Avannarliit, Nutaarsiassat, Suliniutit tapiiffigineqarsimasut

Kalaallit Nunaata oqaluttuarisaanera isiginnaartitsissutaasoq

11. February 2022 | by |
0 Likes
Det Kongelige Teater, Københavnimiittup isiginnaartitsissiffik januarimi Kalaallit Nunaannut tunniuppaa, tassani “Præsten og åndemaneren” (Palasi angakkorlu) kalaallimit Makka Kleistimit allanneqarsimasoq isiginnaartitsissutigineqaqqaarmat. Isiginnaartitsissut Kalaallit Nunaata Danmarkillu ataatsimut oqaluttuassartaata aallaqqaataata ilaannik paasisimasaqartitsilerpoq.  
Kalaaleq Makka Kleist uinilu Svenn B. Syrin januarimi Det Kgl. Teaterimi danskip-norskip palasip Hans Egedep aamma kalaallip angakkup Inuk-p tiguartinnartumik naappinnerat isiginnaartitsissugitaat, tassani Makkap isiginnaartitsissutiliaa nutaaq ”Præsten og åndemaneren” isiginnaartitsissutigineqarluni. Oqaluttualiap nutaap isiginnaartitsissutigineqarata kingorna Makkap siusinnerusukkut isiginnaartitsisutiliaa “Udsigt” (Isikkivik) takutinneqarpoq, tassani arnap utoqqaap piffissaq allanngorarfiusimaqisoq pillugu eqqaamasaasa ilai isiginnaartitsissutigineqarlutik. Isiginnaartitsissutit marluk Makka Kleistimit allanneqarsimasut, isiginnaartitsiviup Teater freezeProductions pisortaanit ilitsersuisumillu Hanne Trap Friis ilitsersorneqarsimapput. Isiginnaartitsissut kalaallit/qallunaat suleqatigiillutik ingerlatsisuuffigisimavaat. Isiginnaartitsissut pikkunartunik takusassalik tusarnaagassalillu Isiginnaartitsissut ”Præsten og åndemaneren” palasip Hans Egedep ullorsiutaanik aamma angakkup Inuk-p oqaluttuanik tunngaveqarpoq. Tassani inuit marluk assigiinngitsunik inuunermik paasinnittariaasillit naapinnerat isiginnaartitsissutigineqarpoq, piffissamilu siusinnerusumi pisimasut ullutsinni suli qanoq sunniuteqarnersut paasissutissiissutigineqarlutik. Palasip angakkullu assigiinngitsunit “silarsuarneersut” naapinnerat oqaloqatigiinnertut ingerlanneqarpoq, isiginnaartitsissullu filmit takusassiallu atorlugit aamma nipilersukkanik nutaaliaasunik, torlorsortunik oqaluffiullu siarngata nipaanik aaqqissuunneqarsimavoq. Arnap utoqqaap eqqaamasai ”Udsigt” tassaavoq Makkap kisimiilluni isiginnaartitsissutaa, tassani arnaq utoqqaq kalaaleq kisimiilluni attortinnaqisumik oqaluppoq, tassanilu eqqaamasani eqqartorpai Kalaallillu Nunaanni 1970-ikkunni illoqarfinnut nutserneq oqaluttuaralugu. Oqaluttuaq quianartoq nuannersorlu piviusumit aallaaveqarpoq, tassanilu inuuneq nunaqarfimmit illoqarfimmut nuunnermi qanoq allanngortinneqarsinnaanersoq takutinneqarluni. Piffissami maanna Hanne Trap Friis Nunatta Isiginnaartitsisarfia suleqatigalugu isiginnaartitsissutip ”Præsten og åndemaneren” Kalaallit Nunaanni ukiut tulliuttut 2-t iluanni isiginnaartitsissutigineqarnissaa sulissutigaat. Isiginnaartitsissutit ukuninnga taperneqarsimapput NAPA, Statens Kunstfond, Århus Kommunes Kunstråd, Wilhelm Hansen Fonden aamma Salling Fonden. Isiginnaartitsissutit pillugit paasissutissat:
PRÆSTEN & ÅNDEMANEREN Isiginnaartitsissummik allattoq: Makka Kleist (KAL) Isiginnaartitsisut: Makka Kleist (KAL) aamma Svenn B. Syrin (NO) Ilitsersuisoq: Hanne Trap Friis (DK) Scenografi: Maya Sialuk Jacobsen (KAL) Nipilersorneq: Hans Ole Amossen (KAL) Qullilerisoq: Morten Ladefoged (DK) Film: Mikael Lindskov Jacobsen Isiginnaartitsinermi atisat: Bibi Chemitz (KAL/DK) Najoqqutaq: Hanne Trap Friis aamma Makka Kleist (Leise Johnsenip oqallissaarutaa malillugu  (Kalaallit Illuutaat, København)
En kvindes ansigt er indrammet af en hul grønlandsk tromme.
UDSIGT  Isiginnaartitsissummik allattoq: Makka Kleist (KAL), iluarsartuussisoq Hanne Trap Friis (DK) Isiginnaartitsisoq: Makka Kleist (KAL) Ilitsersuisoq: Hanne Trap Friis (DK) Film: Anorak Film (GL) Filminit qiortakkat: Mikael Lindskov Jakobsen (KAL) Qullilerisoq: Morten Ladefoged (DK)
En kvinde, som sidder ved et bord alene på en teaterscene peger ud mod publikum.
Ingerlateqqiguk
Nutaarsiassat takunngitsoorpigit?
Allatta!-mik ajugaasimasoq Nunani Avannarlerni Siunnersuisoqatigiit 2021-mi atuakkiortunut nersornaasiuttagaannik nersornaasigaavoq

Nunani Avannarlerni Siunnersuisoqatigiit atuakkiortunut nersornaasiuttagaat siullermeertumik atuakkiortumut kalaallimut tunniunneqarpoq, novemberip aappaani Niviaq Korneliussen nersornaasiinermut ajugaammat. Isiginnaartitsisarfik Københavnimiittoq nipaaruteqqammilerpoq. Tina Dickow Helgi Jónsson, Vocal Linelu peqatigalugit ”Hjertestorm” appisimaareerlugu scenemit ingerlaqqammerpoq. Scenip saneraaninngaanniit Naalakkersuisut siulittaasuat Múte Bourup Egede Lagmandilu Bárður á Steig Nielsen, sassarput pissanganersuaqalerporlu. Savalimmiormioq kalaalerluunniit

Læs mere »
Niviaq og Katti
Nunani Avannarlerni kulturilerinermi kalaallisut oqaloqatigiinnerit: Atuakkialerineq

Atuakkiortoq Niviaq Korneliussen aamma atuakkanik naqiteritsisarfimmik piginnittoq Katti Frederiksen Kalaallit Nunaanni atuakkiortut atugassarititaat pillugit oqaloqatigiipput. Oqaloqatigiinneq takuuk imaluunniit tusarnaaruk. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Immikkoortumi uani Atuakkiortoq Niviaq Korneliussen aamma atuakkanik naqiteritsisarfimmik piginnittoq Katti Frederiksen oqaloqatigaagut. Ilisarititsineq Inuit apersorneqartut oqaloqatiginerisa oqariartuutaasalu

Læs mere »
Naapitta – Let’s meet! NAPA Sorlak-lu Nuummi inuusuttunik saamit inuusuttut naapinnissaanut kulturikkut avitseqatigiinnissaannullu ujaarlerput

NAPA, Nunani Avannarlerni Piorsarsimassutsikkut Attaveqaat aamma Sorlak Dansk Ungdomsfællesråd peqatigalugu Saamit kulturikkut avitseqatiginissaanut suleqatigiipput. Nuummi inuusuttunut periarfissatsialak. NAPA, Nunani Avannarlerni Piorsarsimassutsikkut Attaveqaat aamma Sorlak, Kalaallit Nunaanni meeqqat inuusuttullu siunnersuisoqatigiiffiat, Dansk Ungdoms Fællesrådi peqatigalugu Nuummi inuusuttut saamillu inuusuttut kulturikkut avitseqatigiinneq pillugu suleqatigiipput. “Naapitta – Let’s meet!”-ip

Læs mere »
omslag til bogen Tarnima Nammatai
Tarnima nammatai

Hanne Gukkilu 2018 aasaagaa Tivolimi naapimmata suliniut naalaatsornerinnakkut pinngorpoq. Eqqumiitsuliortut taakku marluk isumaqatigiipallapput arlaanik pilersitsisariaqarlutik. Isiginnaartitsinissamik isumassarsiaat erniinnaq pingasoqiusanngorluni ineriartorpoq, isiginnaartitsissut, saqqummersitsineq atuagarlu. ”Tarnima nammatai” isiginnaartitsissusiaavoq isiginnaartunut attaveqartoq. Isiginnaartitsissussap isiginnaartitsinermini inuttaaffissani ilikkareersimallugu isiginnaartitsiffissaminut iserpoq isiginnaariartorlu isiminik attaveqarfigilereerlugu. Qungujuppoq isiminillu ilassilluni, apererususulersitsilluni, ”ajunngik?” Isiginnaartitseqatissanili saakkamigit, isiginnaarianut

Læs mere »
NAPA-mit nutaarsiassat kingulliit