Team Kalaallit Nunaat Kultoorip Arctic Winter Gamesimut inuusuttut peqataasussat nanivai
Alaskami Arctic Winter Games 2024-imi ingerlasussamut nunatta kultoorikkut takutitassaanut inuttassarsiorneq taamaatippoq, inuusuttullu peqataasussat arfinillit nanineqarput.
Septembarimi NAPA Tasiilamiippoq AWG-mut takutitsisussanik inuusuttunik kajumissaajartorlutillu ujaasiartorlutik. Tassani inuussuttut 21-t auditionerlutik peqataapput. Saniatigut inuusuttut nunatsinneersut periarfissaqarput digitalimik auditionernissaminnut. Inuusuttut piginnaaneqarluarput siunissamilu nutaaliorlutik suliaqalerumaartussat qularnanngillat.
“Auditionerlutik videonik nassiussisut ikigisassaanngeqaat, assut tuppallernarpoq. Misinnarpoq inuusuttut tupinnaannartumik pikkorissorsuit peqataanialersut. Kissaatiginarpoq peqataasut amerlanerusinnaaneri, peqataasussanik qinersiniarneq assut ajornarsimammat”, oqarpoq Kuluk Helms, AWG-mi takutitsinermut ilitsersuisoq.
Inussuttut arfinillit nanipput
Inuusuttu arfinillit piginnaasaqarluarlutillu pikkorissut qinerneqarput. Peqqutaapput:
Hans Karlsen, Kullorsuaq
Petra Bidstrup, Kullorsuaq
Louisa Ignatiussen, Tasiilaq
Poul-Erik Kristiansen, Tasiilaq
Qarsoq Rasmussen, Nuuk
Aviaaja Korneliussen, Nuuk
-
- Qarsoq Rasmussen, Nuuk
-
- Poul-Erik Kristiansen, Tasiilaq
-
- Petra Bidstrup, Kullorsuaq
-
- Louisa Ignatiussen, Tasiilaq
-
- Hans Karlsen, Kullorsuaq
-
- Aviaaja Korneliussen, Nuuk
AWG-mut piareersarnerit
NAPA, Nunani Avannarlerni Piorsarsimassutsikkut Attaveqaat, Arctic Winter Games 2024-mi kultoorikkut ilanngutassiaq ingerlappaa. Nunatsinnit kulroorimik suliaqarlutik aallartitat
Alaskameereerunik Island Savalimmiullu tikissavaat, taakkunani inuusuttut allat
naapinneqassallutik.
“Nuannaarpugut taamatut inuusuttunik periarfissiisinnaagatta. Misilittakkat aallaavigalugit takutippaat Arctic Winter Gamesimi kultoorikkut sammisaqartitsinernut peqataasarsimasut ilai kultoorilerinerup silarsuaani inuussutissarsiuteqalertartut. Inuusuttunut periarfisseeqataaneq suliatta pingaarnersaraat”, oqarpoq Søren Würtz, NAPAmi pisortaq.
Arctic Winter Games kultoorikkut ilanngutassiaa ukunanit aningaasaliiffigineqarpoq: Tips- og Lottomidlerne, Sermeq Puljen, Grønlands Kunstfond, Nuuk Lokaludvalg, Nordisk Ministerråds VOLT-program, GIF Grønlands idrætsforbund aamma NAPA.
Inussiarnersumik Inuulluaqqusilluta,
Jaqqa Petersen, Kuluk Helms aamma Søren Würtz.
-
- Jaqqa Petersen
-
- Kuluk Helms
-
- Søren Würtz
Nutaarsiassat takunngitsoorpigit?
NAPA pisortartaarpoq – Nina pisortatut atorfia Sørenimut ingerlatikkaa
Søren Würtz 2023-imiit NAPA-mi pisortanngulerpoq. Nina NAPA-mi sulilluarsimanera qujassutigaarput. Søren Würtz ukiortaami pisortanngoruni suliassat pisortaagallartumit Nina Paninnguaq S. Kristiansen-mit ingerlateqqinneqassapput. Naak Nina Paninnguaq S. KristiansenNAPA-mi uninniarnini nalunaarutiginikuugaluarlugu, pisortanngortussaq aallartilluarnissaanut ilinniartilluarnissaanullu piffisaqarluarumaarpoq. Nina namminersortutut sulileqqinniarluni aalajangiinikuuvoq. – Namminersortutut sulileqqinnissannut qamannga ilunnit aallutarileqqissallugu misigaara. NAPA-miinnera assut nuannarinikooqaara, tulluusimaarutigaaralu
Nunani Avannarlerni suliniutinnut aningaasaliiffigineqarit
Nunani Avannarlerni suliniutinnut aningaasaliiffigineqarit Nunani Avannarlerni kulturikkut suliniutinut taperneqarnissamut periarfissarpassuaqarpoq. Taakku ilagaat NAPA-p kulturimut tapiisarnera, kisianni allarpassuaqarpoq. Nordisk Kulturkontakt aqqutigalugu aningaasaateqarfiit arlallit qinnuteqarfigineqarsinnaapput, taanna Helsingforsimi Finlandimi nunat avannarliit ataanni kulturikkut suliffeqarfiuvoq Nordisk ministerrådip kulturikkut suleqatigiinnermut aningaasaateqarfinnut arlalinnut programmia Nordisk Kulturkontaktip aqutaraa, aamma nunani avannarlerni-baltikumimi nunani
The Lost Norsemen
The Lost Norsemen: Qallunaatsiaat naapikkit – nunatsinni vikingit. Kalaallit Nunaata pinngortitaani kusanaqisumi vikingit tumaat illukuilu misigisassarsiorfigikkit. Norse Theme Parksip Trida Mediallu suleqatigiillutik saqqummersitsinerminni nunatsinni pinngortitami angalaartissavaatsit, tassani vikingit qanoq najugaqarsimanersut inuusimanersullu misigisaqarfigisinnaavatit, saqqummersitsinermilu oqaluttuat piviusullu akulerunneqassapput. Itsaq ullumikkullu piffissaq ataatsikkut misigisaqarfigikkit. Nunami ingerlaarnermi naleqqat ukiunik tuusintilikkaanik
NAPAmi suliniutinut ataqatigiissaarisussaq sullarissoq
Maannguaq Rosing NAPAmi suliniutinut ataqatigiissaarisunngorpoq. Taanna Formel-1-imi sukkaniuttartutut sukkatigaluni aallartilluareerpoq. Ataasinngornermi aggustip 15-iani Maannguaq Rosing nuannaarluni NAPAmut iserpoq. Suliniutinut ataqatigiissaarisussatummi ulloq taanna Maannguaq sulileqqaarpoq. Maannguaq kajumissuseqarluarluni suliassaq siulleq aallartippaa. Suliassarli imaannaanngitsuuvoq. Taassumami allagarpassuit digitalinngortittussaammagit. Ullulli pingasuinnaat qaangiutereersut pappilissat tuusintilikkaat skannereerlugit suliaq naammassivaa. Maannguaq eqqissisimasuuvoq sukkasuumillu