Qitittartoqatigiit ukunannga aggersut: Malmö aamma Jokkmokk, Sverige
"NAPA-p tapiineratigut qitinnermik takutitassiarput "Noget lidt anderledes" (Allaalaartoq) Kalaallit Nunaanni angallassinnaasimavarput. Sisimiut, Ilulissat, Uummannaq, Paamiut, Nuuk aamma Kulusuk tikissimavagut, meeqqat 6-9-nik ukiullit naapillugit. NAPA-mi sulisunit taperneqarnerput, suliniutitta piviusunngorsinnaaneranik upperinninnerat suleqataanerallu iluareqaarput. Qujamasoqaasut!"
NAPA nunanut avannarlernut sammititanik eqqumiitsuliornermut kulturimullu tamanut tunngasunut suliniutinut ukiut tamaasa hunnorujut missaanniittunut tapiisarpoq. Eqqumiitsuliortut (pinngorartitsisut), isiginnaartitsisartut, nipilersortartut, atuakkiortut aamma allarpassuit ataasiakkaat eqimattallu taperneqartarput, Kalaallit Nunaanni Nunanilu Avannarlerni najugallit innuttaasut nuannaarutigisaannik.
"Nipilerisutut ilinniarnerma nalaani nipilersortarninnullu atatillugu NAPA-mit taperneqartarnera assut iluaqutigisimavara. Nunani Avannarlerni angalasimavunga inuppassuillu naapillugit."
"NAPA-p tapersersuisarnera pissutigalugu suliniutigissallugit sinnattukka piviusunngortissimavakka, kalaaleqatinnut aamma Nunani Avannarliit sinneranut tusarnaartitsiartortarsimallunga. Ilaatigut piviusulersaarutitut filmi Eskimo Diva aamma nipilersornermik suliniut BLACKOUT peqataaffigalugit."
"NAPA-p tapersersuineratigut Kalaallit Nunaat tikeraarsinnaasimavarput Nuuk nordisk festivalimilu nipilersorluta. Ikinngutitoqqat atassuteqarfiillu nutaat Nunani Avannarlermiut tamaneersut naapissimallutigit. Pilersaarutit suleqatigiinnerillu aallartinneqarsimapput, paasisaqangaatsiarsimavugullu."
"NAPA-p tapersersuineratigut Spot on Greenland-tourerluta angalassinnaasimavugut. Taperneqarnerput pissutigalugu Danmarkimi angalassinnaasimavugut. Sinnattut piviusunngorsimapput."
