Tapiinissamut piumasaqaatit
NAPA-p kulturimut tapiisarfik aqqutigalugu nunat avannarlermiut aamma issittormiut pinngorartitsinikkut suleqatigiinneri tapertarpai, ukuninngalu ataatsimik arlalinnilluunniit naammassinnittut:
- NAPA-p meeqqat inuusuttullu nunatsinneersut assigiinngisitaartumik ataatsimoorfiusuni peqataanissaannut suleqataassaaq.
- Suliniutip inuusuttut nunatsinneersut kulturilerinermik kulturilu pillugu sullissinermik peqataanissaannut peqataatilerlugillu kajumissaassavai.
- Ass.: Atortut avatangiisinik ajoqusiineq ajortut atorneqassapput, qarasaasiakkut periarfissat atorneqassapput, aamma atortut suliniutini arlalinni atoqqinneqarsinnaapput
- Ass.: Sivisuumik angalanerni ataasiinnaanngitsumik arlalinnilli suliaqarsinnaavutit. Assersuutigalugu tusarnaartitsissaguit workshoppertitsisinnaavutit, isiginnaartitsissaguit oqalogiarsinnaavutit, saqqummersitsissaguit podcastiliorsinnaallutit. Tapiinermut naleqartitsinerulersumik.
- Ass.: Ilisimasat aamma piginnaasat suliniutip nunami ingerlanneqarfianiiginnarnissaat eqqumaffigissavat, taamaalillutik suliniutip naammassereernerani piginnaasat pigiinnarneqassammata.
- Takusinnaavarput nunatsinni nunat avannarlermiut kulturiannut takussutissat periarfissallu amerlasuujusut. Akerlianilli kalaallit kulturiat aamma isummertariaasiat pillugu Nunat Avannarliit sinnerini ilisimasat ikittuinnaapput.
- Nunani Avannarlerni tatiginninneq annertusassappat taava Nunani Avannarlerni tamani kulturitsinnik isummertariaatitsinnillu ilisimasaqarnissarput pingaaruteqarpoq
- Nunatsinnit minnerpaamik ataatsimik nunanit ukuninngaanneersunik suleqateqartoqassaaq Sverige, Norge, Danmark, Finland, Island, Færøerne imaluunniit Åland. Qinnuteqarniaraanni tamanna piumasaqaataavoq minnerpaaq.
- Suliniut nunani avannarlerni kulturilerinermi inuunermut aamma inuinnaat akornanni sumiiffinni aamma Nunani Avannarlerni tamarmi nunani avannarlermiut attaveqaataannik patajaallisaataassaaq.
- Nunani avannarliit akornanni assigeequtit assigiinngissutsillu pillugit paasisaqarnerunissamut peqataassapput.
- Suliniutit aallartereerneqarsimasut imaluunniit naammassineqareersimasut. Qinnuteqaat suliniutip aallartinnissaanut kingusinnerpaamik qaammatit 2-t sioqqullugit NAPA-mut nassiunneqassaaq.
- Peqatigiiffiit kattuffiillu ingerlatsinerat imaluunniit amigartooruteqarnerat
- Ilisimatusarneq (kisianni ilisimatusaatit pillugit paasisitsiniaanerit tapertarpagut).
- Inuuniutigalugu aningaasannanniarlutik suliffeqarfiit imaluunniit taperneqartumut iluanaarutissaqartitsisut.
- Suliniutit imaluuniit angalanerit timersorneq siunertaralugu sammisassartallit.
- Atuartut ilinniartullu paasisassarsiorlutik angalaneri.