Susanne Andreasen Nunani Avannarlerni Piorsarsimassutsikkut Attaveqaatimi, NAPA-mi, pisortanngorpoq. Andreasen nunatsinni kulturikkut isiginnaartitsisartullu silarsuaanni ukiorpassuarni misilittagaqarluarpoq.
Susanne Andreasen ilaatigut ukiuni 2016-2023 Nunatta Isiginnaartitsisarfiani pisortaasimavoq, isiginnaartitsisarfimmut isiginnaartitsisartullu ilinniarfiannut akisussaasuunikuulluni.
2023-mi oktobarimiilli kulturikkut festivalimi Suialaa Arts Festivalimi (siornatigut Nuuk Nordisk Kulturfestival) pisortaavoq.
Aammattaaq ilaatigut suliniutinik aqutsisutut namminersortutut sulisimavoq, kiisalu Katuami ilinniartitsisutut aaqqissuussinermullu ataqatigiissaarisutut sulisimalluni.
Andreasen Aarhus Universitetimi isiginnaartitsinermik ilinniarsimasuuvoq aqutsinermillu ilinniagaqarluni.
– Eqqumiitsuliortut kulturimillu suliaqartut tusarnaarnissaat taakkulu peqatigalugit suliamik tapersersuisinnaaneq ineriartortitsisinnaanerlu qilanaareqaakka. Isumaqarpunga NAPA suliffeqarfittut aamma issittumi nunani avannarlerni takuneqarsinnaanissaat akuerineqarsinnaanissaallu pingaartut.
Andreasen NAPA-mi pisortatut septembarip aallaqqaataani atorfinissaaq Søren Würtz taarserlugu.
NAPA Nunani Avannarlerni Ministerit Siunnersuisoqatigiivisa ataani kulturikkut ingerlatsiviuvoq Kalaallit Nunaata illoqarfiisa pingaarnersaanni, Nuummi, allaffeqarluni. NAPA-p nunatsinni nunallu avannarliit kulturiannik ineriartortitsillunilu tapersersuillunilu siuarsaasarpoq, meeqqanut inuusuttunullu immikkut sammisaqartitsilluni.
Nutaarsiassat takunngitsoorpigit?
Issittormiut sammiviliiffiat aamma nunani avannarlermiut nipaat Arctic Soundsimi Sisimiuni
NAPA-p Kalaallit Nunaanni nipilersornikkut pikialaaqatigiinnermi annerpaami Arctic Sounds Festivalimi Sisimiuni pisumi workshoppertitsinerni, attaveqarfeqalerfiusuni nunanilu avannarlernit nipinik tusarnaartitsinerni peqataaneranit oqaluttuaqArctic Sounds 2021 aprilimi sapaatip akunnerisa naanerini marlunni ingerlanneqarpoq. Kalaallit issittormiullu nipilersortartut eqqumiitsuliortullu Sisimiuni nipilersorneq, nipilersoqatigiinneq aamma nipilersornikkut piginnaasalinnik paarlaateqateqarneq ataatsimoorutigaat. Tusarnaartitsinernut tamarluinnarnut isissutissat nunguissimaneranni – tusarnaariarnissamut
Creative Business Academy Greenland novembarip 23-ani aallarniineq
Nunatsinni kulturerput immikkuullarippoq, nunatsinnilu pinngorartitsisartut pikkorissorpassuupput. Soorlu ilusilersuisartut, eqqumiitsuliortartut, atisaliortartut, filmiliortartut aamma nipilersortartullu. Inuussutissarsiutigalugu kulturilerisut aamma pinngorartitsisut niuernermut ilippanartut atorluarneq ajorpagut. Tamanna NAPAp allanngortikkusuppaa. Taamaammat niuernermik ineriartornermut tunngasumik kulturilerisunut pinngorartitsisunullu ilinniarfik pilersipparput. Inuussutissarsiutigalugu kulturilerisut pinngorartitsisullu ineriartussagunik, taava pisariaqartitaat tunngavigalugit suliaq ingerlasariaqassaaq. Creative Business Academy novembarip
Nordjobb aqqutigalugu Nunani Avannarlerni suliffissarsiorit!
18-it 30-llu akornanni ukioqarpit? Islandimi naasorissaasoqarfimmi, Norgemi cafémi, Savalimmiuniluunniit receptionistitut imaluunniit Finlandimi Laplandimi takornarianut takornariartitsinermik sulilernissat takorloorsinnaaviuk? Nordjobb suliffimmi misilittagaqalernissamut nunallu allat ilinniarnissamut periarfissatsialaavoq. Nordjobbimik suleqateqarnermi nunami avannarlermi allami inuuneq qanoq ittuunersoq misigissavat. 1985-imiilli ukiut 40-t ingerlaneranni Nordjobbi inuusuttunut katillugit 30.000-init amerlanerusunut piffissap ilaani suliffittaartitsisimavoq!
Workshop: Kalaallit Nunaanni eqqumiitsuliornermik kulturimillu suliaqartunik ataqqinnittumik suleqateqarneq
Kalaallit Nunaanni najugaqarpit, eqqumiitsuliornermillu kulturimilluunniit suliaqarpit? Workshopimut peqataagit. Tassani Kalaallit Nunaata avataaneersut maani eqqumiitsuliornermik kulturimillu suliaqartunik suleqateqarusukkaangamik suut ilisimassagaat ataatsimoorluta oqaasertaliissavagut. Kalaallit Nunaat pillugu soqutiginninneq annertusiartorpoq. Tamanna suleqatigiinnernut nutaanut suleqatigeeriaatsinullu nutaanut pissanganartunik periarfissiivoq. Peqatigisaanik suleqatigiinnerit qanoq pilersinneqartarnissaat ingerlanneqartarnissaallu piumasaqaateqarfigineqarput. Taamaattumik suleqatigiinnissamut pitsaasumut tunngavissanik ataatsimoorussanik ineriartortitserusuppugut.