Arctic Winter Gamesimi takutitseqataanissamut inuttassarsiorneq

14-it 19-illu akornanni ukioqarpit? Ukiut 2004-2009-llu akornanni inunngorpit?

Piorsarsimassutsip silarsuaa nuannaraajuk? 

Aappaagu marsimi Alaska, Savalimmiut Islandilu tikikkusuppigit? 

Taava Arctic Winter Gamesimi kultoorerput pillugu takutinneqartussamut naqqaniit suleqataallutillu takutitseqataagit!

Kikkut auditionersinnaappat?2023-imi 14-it 19-illu akornanni ukiullit qinnuteqarsinnaapput, tassa ukiut 2004-2009-illu ingerlanerini inunngortut. Inuusuttut arfinilillit peqataarusuttut ujarpagut.

 

Qanoq auditionersinnaavunga?Filmiaraliorlutit – oqarasuaat atorlugu immiussisinnaavat.

Filmiliaraq sunik imaqassua?

  • Imminut ilisaritigit! Kinaavit? Susarpit? Suna siunissami sinnattoraajuk? Sooq illiffaarik ilaasssavit?Illit inuttut kinaassutsit takorusupparput. Pingaaruteqarpoq immiussami ersarilluarnissat.
  • Pikkoriffigisatit takorusuppagut!Nipilersortarpit? Erinarsortarpit? Qitinneq, timersorneq, timilluunniit aalatillugu nuannaraajuk? Nipilersorneq, eqaarsaarneq, qilaatersorneq, uaajeerneq, oqaluttuarneq, quiasaarnerluunniit nuannarigukku – takutiguk!
    Illit inuttut pikkoriffigisatit soqutigisatillu takorusuppagut kisianni namminneq aaliangissuutit suut takutikkusunnerlugit.

 

Filmiaraq minutsit 2-5-llu akornani sivisussuseqassaaq.

 

Filmiliaraq kikkunnit takuneqassua?Arctic Winter Gamesimi pilersaarusioqataasut takussavaat. Inuit allat takussanngilaat aamma siammarterneqassanngilaq.

 

Qanoq iliorlunga nassiussinnaavara?www.wetransfer.com atorlugu uunnga nassiussuat: kuluk@napa.gl

 

Ulloq nassiussiffissaq kingulleq: Oktobarip 10. 2023, nalunaaqutaq 20:00. 

 

Nassiunnera kingorna susoqassua?Filmiaraq naliliiffigineqareerpata aalingertoqassaaq kikkut oqaloqatigiinnermut qaaqquneqassanersut. Nassiussisimasut tamarmik nalunaarfigineqarumaarput 16 oktober qanoq pisoqassanersoq.

Qilanaarpugut immiussatit takunissaat.

Jaqqa & Kuluk

Ingerlateqqiguk

Facebook Twitter
Suliniutit
Issittumi Suleqatigiinnermut Tapiissuteqartarfik Kalaallit Nunaata tiguaa

10 millionit danskit koruunii. Tassa Nordisk Rådgivningskomité for Arktis (NRKA)-p Issittumi piujuaannartitsinermik suliniuteqartunut ukiumut agguaattagassai.  Pulje ammasoq ukiumut aalajangerneqartassaaq, aningaasartassaviillu decemberimi aalajangiunneqartassapput.  Issittumi Suleqatigiinnermut Tapiissuteqartarfik Kalaallit Nunaata 2024-p tungaanut tigussagaa Nunani Avannarlerni Siunnersuisoqatigiit 73-issaannik ataatsimeersuarneranni Nunat Avannarliit Ministeriisa aalajangerpaat. Kalaallit Nunaata Nunat Avannarliit Suleqatigiinnerannut Naalakkersuisuata

Atuarnerugit »
Smilende kvinde med armene på kryds
Siunnersuinissamut piareersimasoq

NAPA-mi siunnersortitta (Nina Skydsbjerg) erninerminut atatillugu sulinngiffeqarnerani erninermut sulinngiffeqarnermi paarlattaagallartumik atorfinitsitivugut. Tassunga atorfinippoq Pauliina Oinonen, suullu pikkoriffiginerlugit takutitsinissaminut piareersimalluinnarpoq!Pauliina Finlandimeersuuvoq, nunanili avannarlerni assigiinngitsuni arlalinni Islandimi Savalimmiuni Qallunaat Nunaanni Ålandimilu najugaqareersimavoq. Taassuma saniatigut aatsaat Kalaallit Nunaanni najugaqarluni siullermiilinngilaq. Ukiummi affaani 2019/2020-mi Nuummi najugaqareersimavoq. Kalaallit Nunaanni najugaqarnermini

Atuarnerugit »
Nordiske unge diskuterer sprog over en middag
NAPA nunat avannarliit oqaatsit pillugit ataatsimooqatigiiffii pillugit webinarimi peqataassaaq

NAPA-p nunani avannarlerni oqaatsit pillugit podcastia (N)ORD aallaavigalugu podcastiliortut Malin Corlin aamma Per Bloch Nunani Avannarlerni Ministerit Siunnersuisoqatigiivisa nunat avannarliit oqaatsit pillugit ataatsimooqatigiiffii pillugit webinarianut “Har Norden et språkfellesskab?” (Nunat Avannarliit oqaatsitigut ataatsimoorfeqarpat?) pillugu peqataanissamut qaaqqusaasimapput. Webinari pissaaq sisamanngorneq 18. marts nal. 13-14.30 (CET). Malin

Atuarnerugit »
Udsigt fra Qasigiannguit
Angalanilikkersaarut immikkoortoq siulleq

«Nuummiiginnarsimaguit Kalaallit Nunaanniissimanngilatit» NAPA-p allaffianiinneq nuannareqaara, taanna nunatsinni kulturinut illorsuit annersaanni Katuami allaffeqarpoq. Katuaq assut inoqartuaannarpoq, ullullu tamaasa kulturilerisut assigiinngitsunik suliallit naapittarpagut. Pisortanngoqqammerlunga assigiinngitsunik ataatsimeeqateqartarlunga tusartarparput Nunani Avannarlerni Piorsarsimassutsikkut Attaveqaat / NAPA imaluunniit Nunani Avannarlerni Siunnersuisoqatigiit Kalaallit Nunaanni ilisimaneqarpianngitsuusut. Taamaattumik maanna inunnut ilisimaneqarnerulernissarput siunertaralugu suliaqarsimavugut:

Atuarnerugit »