NAPAmi suliniutinut ataqatigiissaarisussaq sullarissoq
Ataasinngornermi aggustip 15-iani Maannguaq Rosing nuannaarluni NAPAmut iserpoq. Suliniutinut ataqatigiissaarisussatummi ulloq taanna Maannguaq sulileqqaarpoq.
Maannguaq kajumissuseqarluarluni suliassaq siulleq aallartippaa. Suliassarli imaannaanngitsuuvoq. Taassumami allagarpassuit digitalinngortittussaammagit. Ullulli pingasuinnaat qaangiutereersut pappilissat tuusintilikkaat skannereerlugit suliaq naammassivaa. Maannguaq eqqissisimasuuvoq sukkasuumillu sulisartoq.
Taamaammat immaqa tupaallannanngilaq angerlarsimagaangami nuersaaneq aamma sukkaniuttut Formel-1-mi fjernsynikkut malinnaaffigalugit nuannarisarmagit.
– Malinnaaffigalugit pissanganartarnermut. Ukiup ingerlanerani Grand Prix-it tamaasa isiginnaartarpakka, taavalu ukiup naalernerani pissanganarluinnartumik pissartanngorniullutik naggataartaramik, Maannguaq Rosing qungujulluni oqarpoq.
Eqqumiitsuliornermut piorsarsimassutsikkullu soqutiginnittoq
Maannguaq Rosing Nuummi inunngorsimavoq peroriartorsimallunilu, eventkoordinatoritullu ilinniagaqarnikuulluni. Nuummi Eqqumiitsuliornermik Ilinniarfimmi Maannguaq aamma atuarnikuuvoq. NAPAmi suleqatigisanut saaffissatut ilaatigut sulisussaavoq.
– Katuami sulillunga eqqumiitsuliornermut piorsarsimassutsikkullu sulinermut soqutiginninnilerpunga. Taamani eqqumiitsuliortut piorsarsimassutsikkullu sulisartut qanoq sulisarnerat takuvakka pikkugilerlugillu. Paasivaralu sutut sulisalerusunnerlunga, Maannguaq Rosing oqarpoq nangillunilu:
– Inuit allat nutaat naapillugit piorsarsimassutsikkullu sulisartut allat suleqatigisarlugit nuannertaqigami.
Taamaammat Maannguaq NAPAmi atorfittaarnera tulluartuuvoq, taassumami eventkoordinatoritut atuarnermini atatillugu Nuuk Snow Fest 2021-imi 2022-imilu aqutsisuunikuuvoq, aamma NAPAp piginneqataaffigisaani – Nuuk Nordisk Kulturfestivalimi, kajumissutsiminnik peqataasunik ataqatigiissaarisuunikuuvoq.
NAPA pillugu
Nunani Avannarlerni Piorsarsimassutsikkut Attaveqaat, naalisarlugu NAPA tassaavoq suliffeqarfik kulturimut tunngasunik suliaqartartoq, Nunani Avannarlerni Ministerit Siunnersuisoqatigiit ataanni inissisimasoq, kalaallit nunanilu avannarlermiut kulturikkut inuunerannik ineriartortitseqataasoq, tapiissuteqartartoq uummarissaasuusorlu, meeqqanut inuusuttunullu suliniutit salliutillugit.
NAPA Kalaallit Nunaanni inuuniutigalugu inuuniutiginagulu kulturilerinermik ingerlataqartunut tapiissuteqartarpoq. Kisianni aningaasaqarnikkut tapiissuteqartarneq NAPA-p suliaata ilaminiinnannguaraa.
NAPA-mi kulturilerinermik suliaqartut kulturikkut suliniutiginiakkaminnut atatillugu siunnersorneqarlutillu ilitsersorneqarsinnaapput. NAPA assersuutigalugu nunani avannarlerni aningaasaateqarfinnut kulturimut tunngasunut qinnuteqartarneq pillugu akeqanngitsumik siunnersuisarpoq, aamma nunani avannarlermiunik allanik imaluunniit kalaallinik attaveqarfissanik pitsaasunik nassaarniarnissamut siunnersuisinnaavoq ikiuussinnaallunilu.
Nutaarsiassat takunngitsoorpigit?
Aningaasaateqarfiit tapiissutillu pillugit unnuk paasissutissiineq
Pingasunngornermi januaarip 21-anni nal. 18.00 Katuap inersuaaqqaani paasissutissiisoqassaaq, tassani soqutiginnittut aningaasaateqarfiit tapiissuteqartarlullu assigiinngitsut naapinneqarsinnaapput. Uku naapissinnaavatit: NAPA, Nunani Avannarlerni Piorsarsimassutsikkut Attaveqaat EU-p Nuummi Sinniisoqarfia Eqqumiitsuliornermut Aningaasaateqarfik Den Grønlandske Fond NunaFonden Aaqqissuussaq tamanut ammavoq peqataanerlu akeqanngilaq. Aningaasaliisarfiit peqataasut naatsumik saqqummiussissapput, apeqquteqartoqarsinnaallunilu. Nuummi peqataasinnaanngitsut aamma toqqaannartumik internetikkut
New Arctic Kitchen – Issittumi najukkani nerisassat nutaaliorfigalugit
Nunani Avannarlerni Ministerit Siunnersuisoqatigiivisa New Arctic Kitchen, nerisassat takornariallu pillugit suliniut tapersersorsimavaat, tassani Issittumi najukkani igaassat pisariitsumik mamarunarsarlugit takornarianut neqeroorfigineqartarput. Tamanna piviusunngorsimavoq Nunat Avannarliit Issittumut tapiissuteqartarfiat aqqutigalugu. New Arctic Kitchenip siunertaraa ileqqutoqqat malillugit neqinik aamma aalisakkanik nerisassiassanik, Issittumi najukkani pisiniarfigisartakkat, takornarialerisartut aamma igasut takornarialerinermik inuussutissarsiutillit
Creative Business Academy Greenland novembarip 23-ani aallarniineq
Nunatsinni kulturerput immikkuullarippoq, nunatsinnilu pinngorartitsisartut pikkorissorpassuupput. Soorlu ilusilersuisartut, eqqumiitsuliortartut, atisaliortartut, filmiliortartut aamma nipilersortartullu. Inuussutissarsiutigalugu kulturilerisut aamma pinngorartitsisut niuernermut ilippanartut atorluarneq ajorpagut. Tamanna NAPAp allanngortikkusuppaa. Taamaammat niuernermik ineriartornermut tunngasumik kulturilerisunut pinngorartitsisunullu ilinniarfik pilersipparput. Inuussutissarsiutigalugu kulturilerisut pinngorartitsisullu ineriartussagunik, taava pisariaqartitaat tunngavigalugit suliaq ingerlasariaqassaaq. Creative Business Academy novembarip
Erniinnaq 15. februarinngussaaq!
Qinnuteqarnissamut killissarititaasoq 15. februar 2022 qanilliartorpoq, NAPA-llu aamma Ilisimatusarfiup paasissutissiinissamut qaaqquaatit: Piffissaq 18. januar nal. 10.00 Kalaallit Nunaanni / nal. 14.00 skandinaviami Ilisimatusarfiup auditoriaani takussaagut. Aggersinnaanngikkuit Facebookikkut streamerinermut peqataasinnaavutit. Aningaasaateqarfik pillugu apeqquteqarsinnaavutit, qanoq qinnuteqartarpat, qinnuteqaatit qanoq naliliiffigineqartarpat aamma qanoq ingerlaqqittoqarnissaa pillugu tusarfiginissaanut periarfissatsialassuuvoq. Qanorluunniit apeqquteqarsinnaavutit,