Download NAPAs årsrapport 2020
Issitor miunut sammiliviiffik

Naak nalunaarusiaq?

2. March 2021 | by |
0 Likes
Picture of Malik Brøns
Malik Brøns
Norgemi pisoqartani ukiut 10-t sinnerlugit sulereerlunga nassuerutigissavara nalunaarusianik suliaqarnissara aamma killissarititaasut eqqorlugit tunniussinissara sungiusimalluarlugu. Allatarisimasalli inuit amerlavallaanngitsut atuartarpaat, nalunaarusiarlu sukkasuumik skuffemut ilineqartarpoq (imaluunniit digitalimik toqqorsivimmut toqqorneqartarluni).   Kisianni (qujanartumik) Nunani Avannarlerni Ministerit Siunnersuisoqatigiivini taamaanngilaq. Nalunaarusiamik tunniussinissamut ullup killissarititaasup aqaguani nalunaaqutaq 08.00 (Kalaallit Nunaanni nal. 04.00) mailisiara suli eqqaamavara.

Ukioq affakkaarlugu nalunaarusiaq ujartorneqarpoq!

Suleqatigisimasama, nunani tamalaani assigiinngitsuni sulisarsimasup oqaluttuuppaanga norskinngooq pinaattarput – “namminnerooq piumasartik malillugu” tamatigut sulerusuttarpaat. Allat tamarmik malittarisassat ileqqullu malittarpaat, kisiannigooq norskit allatut iliorniartarput. Immaqa misigissuseq “illit uatsinnut naalagaanngilatit” takkuttarpoq, uffa Norge Danmarkimit Sverigemilluunniit qangarsuarli naalagaaffigineqarunnaarnikuusoq.   Kisianni, taamaattorli niaqqunni nipiaraq oqarpoq:

"Uanga nammineq isumaga malillugu suliarissavara..."

Isumagalu malillugu suliarivarput – ukiallu ingerlanerani sunik tamanik paasisaqarniarninni, NAPA sulerisimanersoq pillugu atuarninni, Nunani Avannarlerni Ministerit Siunnersuisoqatigiivisa ataanni suliffeqarfiit allat qanoq iliortarsimanersut il.il. pillugit atuarninni ukiumut nalunaarusiornera isumaqartinneruara.   NAPA-p inissisimanera paasilluarnerugunarpara, aamma aningaasaliissutinut allakkani aningaasaliissutaasunut tunngatillugu  nalunaarusiornermut atatillugu pitsaanerusumik aaqqissugaalluarnerusumillu periaaseqalersinnaalluta paasivara. Kulturimut tapiisarneq pillugu ilikkagaqarluarpunga, aamma Nunani Avannarlerni tamani kulturilerisunut tamassuma qanoq pingaaruteqartigisimanera paasisaqarfigaara, – aamma taamaaliornikkut takorluukkagut pillugit suliaqarnerput erseqqissumik isumaqalerpoq. Taamaalillutik uatsinnit taperneqarsimasut nalunaarusiatik aqqutigalugit  imminnut suliatilllu pillugit avammut ilisaritissinnaalerput.   Taamaattumik, maanna norskip allaanerulaartumik iliorusussuseqarnerata kinguneratut digitaliusumik neriuppugullu atuaruminarnerusumik qinnuteqartarfittaarpugut. Aamma qangatut qinnuteqarusukkuit pdf-i aanissaanut periarfissaqarputit 😊   Maanna pissanganassaaq nalunaarusiaq atuarneqassanersoq. Atuartussatsinnit tusagaqalaarnissarput nuannaarutigissaqaarput. Maqaasisaqarpisi – imaluunniit arlaat annertunerusumik allaaserisimasinnaagaluarparput? Nalunaarfigisigut. Ilissinnummiuni nalunaarusiaq 😊
Deleruk
Pisortap blogiani allaaserisat allat
Februaarimi qinnuteqarsinnaaneq februaarip aallaqqaataanut siuartinneqarpoq

Suliniutit NAPA-mut februaarimi qinnuteqarfiginiarlugu pilersaarusiorsimaguit, taava qinnuteqaatit tunniunnissaannut killigititaq allanngortoq maluginiaruk. Nalinginnaasumik qinnuteqaatit qaammatit tamaasa 15.-iat tunniunneqartarput, februaarimili 1. februaarimut tunniunneqassapput. Sooq piffissaq killiliussaq allanngortinneqarpa? NAPAp qinnuteqartarfittaartussaammat killiliussaq allanngortinneqarpoq. Qinnuteqarnissamut periutsip atoruminarnerunissaa pitsaanerulernissaalu sulissutigiuarparput, ineriartortitsinermullu tamatumunnga atatillugu qinnuteqarsinnaaneq piffissami februaarip aappaanniit 17-iata tungaanut matugallartariaqarparput. Suut

Atuarnerugit »
ÎVA live on stage - from the Nordic Remix case video
Nordic Remix – qarasaasiaq atorlugu nipilersoqatigiinneq

Nipileruusiat atorlugit oqaluttuarneq, nunanit avannarlerneersunit peqataafigineqartoq, kulturit, nipilersorsinnaassutsit nunallu killeqarfiisa akornanni suliarineqassaaq. Suliniut “Nordic Remix” NAPA-p kulturimut aningaasaliissutigisartagaanit taperneqarpoq. Suliniuteqartut tassaapput ”Are We Europe” – videoliaallu uani takuneqarsinnaavoq “Suliniuteqarnitsinni siunertatsinni nipilersornerup oqaluttuarisaanera tunngavigalugu nunani avannarlerni nipilersortartut aamma tusagassiinermik suliallit suleqatigiissinnerisigut, apeqqut nipilersoriaatsit ilumut kulturikkut kingornussarsianut

Atuarnerugit »
Issittumi suliniuteqartut tapiiffigineqarnissaminnut maanna qinnuteqarsinnaapput

Ukiut tamaasa Nunat Avannarliit Naalakkersuisuisa Siunnersuisoqatigiivi Issittumi Suleqatigiinnermut Tapiissuteqartarfik aqqutigalugu 7,3 mio. kr.-nik agguaassisarpoq. Ukkatarineqartoq tassaavoq Issuttumi suliniuteqartut piujuartitsinissamut siuarsaaqataanissaat. Qinnuteqarneq maanna ammarpoq. Februarip 15-iata tungaanut qinnuteqartoqarsinnaavoq. NAPAp Ilisimatusarfiullu tapiissuteqarfik aquppaat.  Issittumi Suleqatigiinnermut Tapiissuteqartarfik 2023-imi makku ilaatigut tapiissuteqarfigaai: The Circumpolar Maternal and Child Health group,

Atuarnerugit »