Kalaallit Nunaanni nersornaaserneqarnissamut innersuussat qaffasissumik pitsaassuseqarput
Ulloq 31. oktober Oslomi Operaen nunani avannarlerni eqqummiitsulianut kulturilerinermullu nalliuttorsiutiginninnermut qitiussaaq, Nunani Avannarlerni Siunnersuisoqatigiit ataqqinaammik nersornaatinik agguaalerpata. Ukiumi pisumi Nunani Avannarlerni nunanit tamanit eqqumiitsuliortut, atuakkiortut, nipilersortartut aamma filmiliortartut alutornartut katersuutsinneqassapput, nunani avannarlerni kulturilerinermut malunnaatilimmik taperseeqataanerat nersorniarlugu.
Marlunngorneq ulloq 31. oktoberimi kalaallit eqqumiitsuliortut kulturilerinermillu suliaqartut arlallit Operaenimi inunnik tikilluaqqusisarfimmut appakaatissapput, taanna ukiumi Nunani Avannarlerni Siunnersuisoqatigiit nersornaasiinissaannut aallaaviussammat. Kalaallit Nunaannit pissangalluta malinnaassaagut aamma neriulluta innersuunneqarsimasut nunanit tamalaanit nersornaasiuttakkanik nassarlutik uterumaartut.
Nersornaasiuttassanut piumaneqaqisunut unammillerlutik innersuunneqarsimasut akornanniipput Kalaallit Nunaannit piginnaasallit arlallit, taakku qaffasissusilimmik pitsaassuseqartumik suliarisartakkatik pillugit maluginiarneqarsimapput.
Nunani Avannarlerni Siunnersoqatigiit Avatangiisinut nersornaasiuttagaat: Pikumini
Pikumini Nuummi inuinnaat pikuannik atornikuerniarfiuvoq. Tassannga aallartitsisuuvoq Nivé Lynge Biilmann.
Nunani Avannarlerni Siunnersoqatigiit Nipilersornermut nersornaasiuttagaat: SIGU
Nipilersortartoqatigiit SIGU Johannes Sigurdsen siuttoralugu, rock, pop, jazz-funkimillu akuleruussillutik nipilersortartut.
Nunani Avannarlerni Siunnersoqatigiit Meeqqanut Inuusuttunullu atuakkiortunut nersornaasiuttagaat: Pipa Sulullu Qaangiipput, atuakkiortoq Naja Rosing-Asvid
Naja Rosing-Asvidip meeqqanut atuakkiaa assiliartalik Nunani Avannarlerni Siunnersoqatigiit Meeqqanut Inuusuttunullu atuakkiortunut nersornaasiuttagaannut innersuussaasimavoq.
Atuakkami assiliartalimmi pineqarput timmiaaraqatigiinni ilaqutariit marluk, tassanilu oqaatsit aamma inersimasut “uagut-ilissilu” isummat pigiliutiinnagaat akimorlugit meeqqat ikinngutigiilersinnaanerat oqaluttuarineqaroq .
Nunani Avannarlerni Siunnersoqatigiit Filmiliortartunut nersornaasiuttagaat: Alanngut Killinganni (The edge of the Shadows)
Filmi ersinartulikkersaarut/pissanganartuliaq ”Alanngut Killinganni”, Malik Kleistimit allanneqarsimasoq ilitsersorneqarsimasorlu kalaallinit filimiliat siullersaattut Nunani Avannarlerni Siunnersuisooqatigiit Filmiliortartunut nersornaasiuttagaannut innersuunneqarsimavoq.
Filmi Malik Kleistip siullerpaamik filimiliaanut 2011-meersumut ”Qaqqat Alanngui”-nut nanginneruvoq.
Nunani Avannarlerni Siunnersoqatigiit Atuakkiortunut nersornaasiuttagaat: Qivittuissuit akornanniinnikuuvunga, Katrine Rasmussen Kielsenimit atuakkiarineqarsimasoq
Oqaluttualiatut atuakkiaq Qivittuissuit akornanniinnikuuvunga, Katrine Rasmussen Kielsenimit atuakkiarineqarsimasoq, suliaavoq arajutsisassaanngitsoq, oqaluttuatut takisuutut ingerlaannavissumik allassimasoq, illoqarfinnit nunaqarfinnillu takuneqarsinnaanatik pinngortitami inoqartoq pillugu kalaallit upperisaannik tunngaveqartoq.
Innersuussinerit taakku ajasoornartut Kalaallit Nunaanni Nunanilu Avannarlerni tamani tupinnaannartumik piginnaasaqarnerit aallussinerillu takutitsiffigaat. Oslo Operaenimi ulloq 31. oktoberimi pisussat malinnaaviginissaat qilanaaraagut, tassani ajugaasut nunani avannarlerni kulturikkut kingornussanut tapeeqataanertik pillugu nalliuttorsiutigineqassammata.
Innersuunneqarsimasut ataasiakkaat pillugit paasisaqarnerorusuttoqarpat atuartoqarsinnaavoq uani: https://www.norden.org/da/nordisk-raads-priser
Paasissutissat:
· Niviaq Korneliussen 2021-mi Nunani Avannarlerni Siunnersooqatigiit Atuakkiortunut nersornaasiuttagaannik nersornaaserneqarpq: Oqaluttualiani “Naasuliardarpi” pillugu Uani atuarit
· 2018-imi Attumi piniartut aalisartullu Nunani Avannarlerni Siunnersooqatigiit Avatangiisinut nersornaasiuttagaannik nersornaaserneqarput. Uani atuarit
· 1996-imi ICC, Inuit Circumpolar Conference Nunani Avannarlerni Siunnersooqatigiit Avatangiisinut nersornaasiuttagaannik nersornaaserneqarpoq. Uani atuarit
Nutaarsiassat takunngitsoorpigit?
NAPAmi Kulturimut Tapiisarfik 200.000 kr. tungaanut aningaasanik qinnuteqarfissaq kingusinnerpaamik qinnuteqarfigineqarsinnaavoq oktobarip 15-ianni
NAPA, Nunani Avannarlerni Piorsarsimassutsikkut Attaveqaat, Kulturimut Tapiisarfia qinnuteqaatinik amerlasuunik nuannersunik pisarpoq. Kisianni kulturilerinermi siunissaq piujuartoq pillugu suliniutinik qinnuteqartut amerlavallaanngillat. NAPA suliniutinik piujuartitsinermut immikkut sammisaqartunik ujartuivoq. 100.000-niit 200.000 kr. tungaanut NAPAp Kulturimut Tapiisarfimmut qinnuteqarnissaq oktoberip 15-ianni killeqarpoq. NAPA, Kulturimut Tapiisarfia nunarsuarput siunissaa ukkataralugu eqqumiitsuliornikkut kulturilerinikkullu
Issittormiut sammiviliiffiat aamma nunani avannarlermiut nipaat Arctic Soundsimi Sisimiuni
NAPA-p Kalaallit Nunaanni nipilersornikkut pikialaaqatigiinnermi annerpaami Arctic Sounds Festivalimi Sisimiuni pisumi workshoppertitsinerni, attaveqarfeqalerfiusuni nunanilu avannarlernit nipinik tusarnaartitsinerni peqataaneranit oqaluttuaqArctic Sounds 2021 aprilimi sapaatip akunnerisa naanerini marlunni ingerlanneqarpoq. Kalaallit issittormiullu nipilersortartut eqqumiitsuliortullu Sisimiuni nipilersorneq, nipilersoqatigiinneq aamma nipilersornikkut piginnaasalinnik paarlaateqateqarneq ataatsimoorutigaat. Tusarnaartitsinernut tamarluinnarnut isissutissat nunguissimaneranni – tusarnaariarnissamut
Issittumi nukissiorneq pillugu unammisitsineq
Nordisk Energiforskning (NEF) nunani avannarlerni nukissiuutit pillugit suleqatigiinnermik tapersersuinermik siunertaqarpoq. Taakku ukiut tamaasa nunani avannarlerni nukissiutit pillugit unammisitsisarpoq (Nordic Energy Challenge), nukissiuutinillu isumaginnittoqarfinni suliaqartut ukiumi sammisamut isumassarsiatik nassiussinnaavaat. Ukioq manna qulequtaavoq Issittumi nukissiorneq. Tassani 7,792 DKK-niit 38,963 DKK-nut eqqugassaassapput! Nunat issittormiut assigiinngiiaartunik unammilligassarpassuaqartut aamma ataavartumik
Kulturimut Tapiisarfimmut suli qinnuteqartoqarsinnaavoq
NAPA-p Kulturimut Tapiisarfia ukioq manna qinnuteqarfissaq kingullermut suli agguaassassaqarpoq. Suliniutinut qinnuteqartut tamarmik 100.000 koruunit ataallugu qinnuteqartoqarsinnaapput. Ukioq 2022 NAPA-mut eqqumiitsuliornermik kulturilerinermillu suliaqartunutnuannerluinnarnikuuvoq, ilami ukioq ataaseq killilersuuteqartoqarnikuunngimmat. Tamatta katerissimaaqqissinnaalluta kulturinut aaqqissukkanullu peqataaqqilersimalluta Nunani Avannarlerniit suleqatit aamma nunatsinnukartartut killersugaanatik tikittalersimapput. Taamaakkaluartorli aningaasanik tapiiissutigisinnaasagut ukioq manna nungukkusuppagut. Kulturimut