Issittumi nukissiorneq pillugu unammisitsineq
Nordisk Energiforskning (NEF) nunani avannarlerni nukissiuutit pillugit suleqatigiinnermik tapersersuinermik siunertaqarpoq. Taakku ukiut tamaasa nunani avannarlerni nukissiutit pillugit unammisitsisarpoq (Nordic Energy Challenge), nukissiuutinillu isumaginnittoqarfinni suliaqartut ukiumi sammisamut isumassarsiatik nassiussinnaavaat. Ukioq manna qulequtaavoq Issittumi nukissiorneq. Tassani 7,792 DKK-niit 38,963 DKK-nut eqqugassaassapput!
Nunat issittormiut assigiinngiiaartunik unammilligassarpassuaqartut aamma ataavartumik piujuartitsinermut periarfissaqartuusutut ilisimaneqarput. Taamaattumik ukioq manna Nordic Energy Challengep Issittumi nukissiuutit sammivai. Uani Nordisk Energiforskningip uku apeqqutigai:
– Issittumi nukissiuutini unammilligassat imaluunniit iluarsiissutit qanoq ittut, Nunat Avannarliit sinneri peqatigalugit, nunarsuarmi piujuartitsinerpaanngornissamut aamma peqataatitsinerpaaffinngornissamut aqqutissiuussissappat?
– Qanoq ililluni nunani avannarlerni nukissiuutitigut suleqatigiinnerunerup qaffasissumik avatangiisit pillugit angusaqarusunneq aamma aningaasaqarnikkut ineriartorneq aqqutissiuussinnaavai?
– Taakku angorusutat qanoq ilillutik pisortanit, inuussutissarsiornermit, nioqqutissiornermit aamma inuinnarnit atituumik annertuumillu suleqataaffigineqalersinnaappat?
Ataavartumik piujuartitsinermut ikaarsaariarnermut iluarsiissutit nassaariniaraanni suliaqartut assigiinngitsut isumassarsiaat atorfissaqartinneqarput. Suliaqartut tassaapput suliffeqarfiit nukissiuutinik allanillu suliassaqarfimmeersut, ilisimatuut, kattuffiit aningaasarsiorfiunngitsut, inuussutissarsiornermik nioqquteqarnermillu ingerlataqartut peqatigiiffiit, ilinniagaqartut aamma inuit ataasiakkaat.
Suliaqartut assigiinngitsut soqutiginnittut suleqatigiillutik nukissiuutit pillugit nutaanik isumassarsianik aamma suleqatigiiffeqalerniassammata Nordic Energy Challenge (nunani avannarlerni nukissiutit pillugit unammisitsineq) pilersinneqarsimavoq.
Ukioq manna sammisaq pillugu uani atuarsinnaavutit Nordic Energy Challenge. Tassani aamma abstraktimut piumasaqaatit unammisitsinerullu sinnera qanoq ingerlassanersoq atuarsinnaavatit.
Siunnersuutinnut abstrakti uunga nassiutissavat tender@nordicenergy.org. Tamatuma saniatigut apeqqutissaqaruit e-mailimut aamma nassiussisinnaavutit.
Nassiussinissamut ulloq killissarititaavoq kingusinnerpaamik 1. maj 2022.
- Issitor miunut sammiliviiffik, Nunani avannarlerni tatiginneqatigiinneq, Nunat Avannarliit, Nutaarsiassat, Pisussat
- Foto af Nordisk Energiforskning
Nutaarsiassat takunngitsoorpigit?
Pauliina Oinonen NAPA-mi pisortaagallartutut atorfinippoq
Pisortamik nutaamik atorfinitsitsisoqarnissaata tungaanut ingerlalluartumik ikaarsaariartoqarnissaa qulakkeerniarlugu, NAPA-mi pisortaagallartussamik toqqaanissaq aalajangerneqarpoq. Søren Würtz, NAPA-mi pisortaq, nalunaarpoq NAPA-mi atorfimminit apriilip 30-ani soraarniarluni. Pisortassamik nutaamik nassaartoqarnissaata tungaanut NAPA ingerlalluarnissaa qulakkeerniarlugu, Nunat Avannarliit Ministeriisa Siunnersuisoqatigiivisa Pauliina Oinonen pisortaagallartussatut toqqarsimavaat. Pauliina Finlandimeersoq januaarimi 2022-mi siunnersortitut NAPA-mi ilannguppoq. Taamanimiilli NAPA-p
Eqqumiitsuliorneq ataatsimoortitsisarpoq
Eqqumiitsuliorneq ataatsimoortitsisarpoq Eqqumiitsuliorneq kulturilu akiuussinnaanermut tunngatillugu oqallinnermi tamanna inerniliunneqarpoq. Ukioq manna NAPA-p Unnummi Kulturisiorfimmi internetikkut aaqqissuussivoq. Eqqumiitsuliortut kulturimillu aaqqissuussisut nunanit tamalaaneersut arfinillit qaaqquneqarput eqqumiitsuliornermut kulturimullu isiginnittaatsiminnik oqaluttuarinissaannut. NAPA-p pisortaa Susanne Andreasen internetikkut aaqqissuussinermut aqutsisuuvoq, oqaloqatigiinnerlu uani isiginnaarneqarsinnaavoq. Kuupik Kleist, politikeriusimasoq eqqumiitsuliortorlu misilittagaqarluartoq, aaqqissuussinermut peqataavoq oqaloqatigiinnerlu
NAPA, Nunat avannarliit Kalaallit Nunaanni piorsarsimassutsikkut attaveqaataat attaveqarnermut akisussaasumik sulisussarsiorpoq
Saqqummiillaqqissuuit aammalu Nunani Avannarlerni issittumit isiginnittaatsinik saqqummiussisarusuppit? Nunat Avannarliit Ministeriisa Siunnersuisoqatigiivi ataani nunat avannarliit akornanni attaveqaataavugut anginngitsoq, kajumittunik sulisoqarluta, suleqatissarsiorlutalu! Suliassat pingaarneq tassaavoq kikkunnut uagutsinnut attuumassuteqartunut tikillugit attaveqartassasutit kiisalu attaveqaatit atorlugit attaveqartassallutit. Nittartagarput napa.gl aamma nittartakkatigut inuit naapittarfiini attaveqaativut akisussaaffigissavatit kiisalu Kalaallit Nunaanni nunallu avannarliit
Siunnersuinissamut piareersimasoq
NAPA-mi siunnersortitta (Nina Skydsbjerg) erninerminut atatillugu sulinngiffeqarnerani erninermut sulinngiffeqarnermi paarlattaagallartumik atorfinitsitivugut. Tassunga atorfinippoq Pauliina Oinonen, suullu pikkoriffiginerlugit takutitsinissaminut piareersimalluinnarpoq!Pauliina Finlandimeersuuvoq, nunanili avannarlerni assigiinngitsuni arlalinni Islandimi Savalimmiuni Qallunaat Nunaanni Ålandimilu najugaqareersimavoq. Taassuma saniatigut aatsaat Kalaallit Nunaanni najugaqarluni siullermiilinngilaq. Ukiummi affaani 2019/2020-mi Nuummi najugaqareersimavoq. Kalaallit Nunaanni najugaqarnermini