Familien Norden
Issitor miunut sammiliviiffik, Kinaassuseq, Meeqqat inuusuttullu, Nunat Avannarliit, Nutaarsiassat, Suliniutit tapiiffigineqarsimasut

Ilaqutariit qanoq ittuuppat – Nunat Avannarliit suuppat?

26. January 2022 | by |
0 Likes
Isiginnaartitsisartut arfinillit inuusuttut isiginnaartitsissummi ZeBU-mi naapipput, tassanilu piviusup piviusulersaarutillu akornanni nunani avannarlerni “ilaqutariinneq” eqqartorpaat aamma tamanna imminnut qanoq isumaqarnersoq – aamma suut avissaartuutaanersut ilanngullugit eqqartorlugit.
Kalaallit marluk, qallunaat marluk aamma norskit marluk isiginnaartitsisartut isiginnaartitsissummi Familien Norden Nunat Avannarliit ataatsimoortutut oqaatigineqartarnerat oqallisigisimavaaat. Nunat taakku pingasut ataatsimut oqaluttuarisaanerat Hans Egedep Kalaallit Nunaannut ukiut 300-t matuma siorna tikinnerata kingorna isiginnaartitsisartut arfinillit namminneq oqaluttuatik, timitik nipilersornerlu aallaavigalugit ilaqutariit ajunngilluinnartut pillugit aamma siunissami sinnatutik pillugit takorluukkatik misissorpaat. Eqqartuinerminni ileqqut, nutaaliunnginneq aamma ilaqutariinni namminneq inissisimanertik misissorpaat. Nappaassuup tuniluuttup inuusuttut inuunerat sunnersimavaa, nunat killingi misigisassarsiorfissallu matusarsimallugit, taamatuttaarlu piffissami nunarsuarmiut imminnut qanilliffiata aamma inuit ataasiakkaartutut nammineernerulersutut pissusilersornerusalernerata kiisalu kiffaanngissuseqarnerullutik pissusilersornerusalernerata nalaani Nunat Avannarlerni Ilaqutariit naapiffeqarsimapput, tassani inuusuttut ilaqutariiussuseq sunaanersoq aamma nunani avannarlermiut ataatsimuussuseqarnersut eqqartorsimavaat. Nunat Avannarlerni Ilaqutariit inuusuttut silarsuaanni piviuppat? Isiginnaartitsissut ZeBU, Bergen Borgerscene aamma Kalaallit Nunaanni namminersorlutik isiginnaartitsisartut akornanni suleqatigiissutaasimavoq. Danmarkimi takutinneqarsimavoq, tulliatut Norgemi takutinneqareeruni Kalaallit Nunaanni takutinneqassaaq. Isiginnaartitsissut ukuninnga taperneqarsimavoq NAPA, Nordisk Kulturfond, Kulturpunkt 0-30, Norsk Kulturråd, Nuna Fonden, A.P. møller Fonden, Tips & Lotto GL, Amager Øst Lokaludvalg, Amager Vest Lokaludvalg aamma Bergen Kommune. Isiginnaartitsissut pillugu paasissutissat allat  
Ingerlateqqiguk
Nutaarsiassat allat
Inuummarilluni uteqqinneq

Nina Paninnguaq Skydsbjerg Kristiansen erninerminut atatillugu sulinngiffeqareerluni maanna NAPA-mut uteqqippoq. Nina august 2021-mi siunnersortitut sulilerpoq. Maanna uteqqikkami pissutsit allanngorsimapput. Nina maana pisortap tullersortaatut atorfinitsinneqarsimavoq – aamma pisortap sinniisuatut 1. august 2022-mi atorfeqalissalluni! Nina Paninnguaq Sisimiuni inunngorsimavoq, kisianni Nuummi peroriartorsimalluni. Isiginnaartitsisunngornissani sivisunerpaamik sinnattorisimavaa – kisianni 2004-mi

Atuarnerugit »
NAPA juulimi aasaanerani sulinngiffeqarallarpoq

NAPA, Nunani Avannarlerni Piorsarsimassutsikkut Attaveqaat, juulimi aasaanerani sulinngiffeqarallarmat piffissami tamatumani kulturimut tapiissutinik qinnuteqaatinik suliarinninneq ajorpugut. NAPA juulimi qinnuteqaatinik suliarinninngiffeqarallarpoq, kisianni sulinngiffeqareerutta aggustip 15-at kingorna qinnuteqaatit tigusimasagut  suliarigumaarpagut. Sulinngiffeqarnerup kingorna qinnuteqaatit pissanganartut takunissaat qilanaaraarput, tamassilu aasarsiorluarnissarsi kissaatigaarput! Apeqquteqaruit napa@napa.gl-imut allassinnaavutit. Ingerlateqqiguk Nutaarsiassat takunngitsoorpigit?

Atuarnerugit »
Inuusuttut piginnaanillit ilippanaatitik pituussaarpaat, Kalaallit Nunaanni nutaalianik isumassarsiaqarlutik

Inuusuttut 200-t sapaatip akunnerani Nuummi katersuussimapput Issittuni unammillernartut misigisartakkagut nutaalianik aaqqiissutissarsiorniarlugit.  Qassutit immap naqqaniittut suli aalisartut, qaqeqqinneqarnerlu ajortut. Sumiiffinni ilinniarfissanik amigaateqarneq. Illoqarfiit nunaqarfiillu imminnut ungasissut. Tassaapput Kalaallit Nunaanni unammilligassatta ilaat. Unammilligassat, inuusuttut 200-t issittormiut nunanilu avannarlermiut nutaalianik aaqqiissutissarsiorlugit suliaqarfigisimavaat. Nunarsuarmi aningaasarsiutaanngitsumik suliniaqatigiiffiup, Unleaship, Nuummi ulluni

Atuarnerugit »
Åbning af Nuuk Snow Festival
Nuummi Apummik ilusilersuineq 2021 ammarpoq

Nuummi Apummik ilusilersuineq 2021 ullumi sisamanngorneq 4. marts nal. 10 ammarpoq, sapaatiuppallu 7. marts tungaanut ingerlanneqassalluni. Holdit 8-t Nuummeersut Nuutoqqami aputit issoqqaarissut ulluni 4-ni suliarissavaat, sapaatiuppallu ualikkut nal. 14 ajugaasunik akissarsititsisoqassaaqi. Holdit ikittuinnaat peqataasinnaanerat pissutigalugu ukioq manna ilusilersukkanut piumasaqaatit atuutinngillat, tassaasut ilisarnanngitsuliat aamma piviusorsiorpalaartumik ilusilersuineq.

Atuarnerugit »