Workshop: Kalaallit Nunaanni eqqumiitsuliornermik kulturimillu suliaqartunik ataqqinnittumik suleqateqarneq
Kalaallit Nunaanni najugaqarpit, eqqumiitsuliornermillu kulturimilluunniit suliaqarpit? Workshopimut peqataagit. Tassani Kalaallit Nunaata avataaneersut maani eqqumiitsuliornermik kulturimillu suliaqartunik suleqateqarusukkaangamik suut ilisimassagaat ataatsimoorluta oqaasertaliissavagut.
Kalaallit Nunaat pillugu soqutiginninneq annertusiartorpoq. Tamanna suleqatigiinnernut nutaanut suleqatigeeriaatsinullu nutaanut pissanganartunik periarfissiivoq. Peqatigisaanik suleqatigiinnerit qanoq pilersinneqartarnissaat ingerlanneqartarnissaallu piumasaqaateqarfigineqarput.
Taamaattumik suleqatigiinnissamut pitsaasumut tunngavissanik ataatsimoorussanik ineriartortitserusuppugut. Tunngavissat taakku kalaallit isiginnittaasiinik, misilittagaannik kulturiannillu ataqqinninnermik tunngaveqassapput.
Workshopimut peqataatikkusuppatsigit!
Workshopit marluk aaqqissuussavagut. Workshopini nunanit tamalaanit suleqatigisartakkat Kalaallit Nunaanni eqqumiitsuliornermut kulturimullu tunngasunik suliniuteqarusukkaangamik suut ilisimassagaat, paasisariaqaraat ataqqisariaqaraallu ataatsimoorluta oqaloqatigiissutigissavagut.
Eqqumiitsuliornermik kulturimilluunniit suliaqaruit workshopit arlaannut peqataanissamut qaaqqusaavutit:
Nuuk
Oktobarip 8-ani 2026, nal. 09.00–16.00
Hotel SØMA
imaluunniit
Sisimiut
Oktobarip 10-ani 2026, nal. 09.00–16.00
Taseralik
Ullup ingerlanerani ulloqeqqasiorneqassaaq, kaffilu tiilu sassaalliutigineqassallutik. Peqataanermut qujassutitut peqataasut tamarmik 2.000 DKK-inik honorareqartinneqassapput.
- Workshopini oqalutseqassaaq danskisut kalaallisullu toqqaannartumik nutserneqartassallutik, taamaalillutik kikkut tamarmik peqataasinnaassallutik.
Qanoq nalunaassaanga?
Nalunaarfissaq:
https://forms.gle/dg4oUU9AraZ6DU7x8
Nalunaarnissamut killigititaq: Septembarip 24-ani 2026, imaluunniit inissat tamarmik inuttaqalernissaasa tungaanut.
Malugiuk: Nuup Sisimiulluunniit avataani najugaqaruit NAPA-milu angalanermut tapiissutinik qinnuteqarusukkuit, qinnuteqarnissamut killigititaq septembarip 7-anniippoq.
Suliniummi suleqatigiissitami uku ilaasortaapput:
- AneMarie Ottosen, suliniummik aqutsisoq siunnersortilu
- Naja A. Lynge Møretrø, NAPA-mi attaveqaqatigiinnermut akisussaasoq
- Pipaluk Lykke, NAPA-mi siunnersortaaneq
“Suleqatigiikkusuppugut, kisianni nammineq piumasaqaatitsinnik tunngaveqarluta. Pingaaruteqarpoq avataaneersut kulturerput ataqqissagaat, aammalu uagut pisussaaffigaarput Kalaallit/Inuit kulturiat qanoq ittuunersoq takutinnissaa. Taamaaliornikkut siunissami Kalaallit Nunaanni kulturiit assigiinngitsut akornanni suleqatigiinneq ajornannginnerulissaaq.”
– AneMarie Ottosen, suliniummik aqutsisoq
Apeqqutissaqarpit?
NAPA-mi attaveqaqatigiinnermut akisussaasoq Naja attavigiuk:
E-mail: naja@napa.gl
Oqarasuaat: 497978
Nutaarsiassat takunngitsoorpigit?
Isiginnaartitsissut Tarnima Nammatai maanna Kalaallit Nunaanni angalaarpoq
Assimi takuneqarsinnaapput Naleraq Eugenius, Nukakkuluk Kreutzmann, Rasmus Lyberth, Hans Ole Amossen, Karina Møller aamma Klaus Geisler. Upernaaq 2021 Teaterip freezeProductions isiginnaartitsissut Tarnima Nammatai suliaraa, ukuninnga taperneqarluni Isumaginninnermut Aqutsisoqarfik, Statens Kunstfond, NAPA-p kulturimut tapiisarfia, Katuaq Kulturip Illorsua, Århus Kommune, Nunafonden aamma Nuummi Najukkami Ataatsimiititaq. Isiginnaartitsissut Kujataani
Kalaallit nipilersornerat Nuummit Spaniamut aamma Amerika Kujallermut
Nipilersortartoq aamma nipilerilluni angakkuartartoq Hans-Ole Amossen Kalaallit Nunaanni nipilersortartoqatigiinilu Da Bartali Crew tusarnaartitsillutik nipilersortartut nuannarineqarnerpaaat ilagaat. Nunani Avannarlerni, Europami aamma Sydamerikami nipilersoriarlutik angalaarsimapput aamma scenemi allanik ”pulaartunik” rapperinik erinarsortartunillu nipilersoqateqartarsimalluni. 2019-imi Nunani Avannarlerni Siunnersuisoqatigiit Nipilersortartunut Nersornaasiuttagaannut innersuussaasimapput. NAPA-p Hans-Ole nipilersornerup silarsuaani aamma nipilersoriartarluni angalarsimanini pillugit
Kalaallit Nunaat-Nunat Avannarliit pillugu isumaqatigiissutip ukiunik 40-nngortorsiornera nalliuttorsiutigineqarpoq
Ullumikkut ukiut 40-t qaangiupput Namminersornerullutik Oqartussat aamma Nunani Avannarlerni Ministerit Siunnersuisoqatigiivisa isumaqatigiissutigimmassuk nunatsinni Kalaallit Nunaat-Nunat Avannarliit pillugu allaffimmik pilersitsisoqassasoq. 1985-imi 11. december taamanikkut Nunani Avannarlerni Ministerit Siunnersuisoqatigiivini siulittaasuusimasoq Bertel Haarder aamma Kulturimut, Ilageeqarnermut Ilinniartitaanermullu Naalakkersuisuusimasoq Stephen Heilmann NAPA-mik pilersitsinissamik isumaqatigiissummik atsiorput. Isumaqatigiissut 1986-imi januaarip aallaqqaataani
Issittumi Suleqatigiinnermut Tapiissuteqartarfik agguaassivoq: Kalaallit Nunaanni piujuartitsinermik suliniutit tapiiffigineqarput
Nunat avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, nunat avannarliit Issittumi nunallu allat iluaqutissaannut suleqatigiinnermik siuarsaanissamik siunertalik, suliniutinut pissanganartunut arlalinnut aningaasaliissuteqarsimavoq, ilaatigut Siu-Tsiu-mut aamma MIO-mut. Nunat Avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, NAPA-mit – Nunat Avannarlerni Piorsarsimassutsikku Attaveqaatimit aamma Ilisimatusarfimmit aqunneqartoq, ukioq manna suliniutinut 22-nut aningaasaliissuteqarpoq.