Nunat Avannarliit Ministeriisa Siunnersuisoqatigiivisa generalsekretæria Karen Ellemann Nuummut tikeraarnermini NAPA-mi kalaallit kulturiannik misigisaqarpoq.
NAPA Nunat Avannarliit Ministeriisa Siunnersuisoqatigiivisa ataani kulturikkut ingerlatsiviuvoq, Kalaallit Nunaanni aamma Kalaallit Nunaata Nunallu Avannarliit akornanni eqqumiitsuliornermik kulturimillu suliniutinik tapersersuillunilu ineriartortitsisartoq.
Siullermik inuusuttut eqqumiitsuliortut Aviaaja aamma Qarsoq Arctic Winter Gamesimi erinarsuutitik saqqummiuppaat. Kulturikkut takutitsinermi misigisatik oqaluttuaraat, peqataanertillu inuttut eqqumiitsuliornertillu qanoq ineriartortissimagaat oqaluttuaralugu.
Taava atuakkiortup inuusuttup Gertrud-Marie “Kiitu”-p, NAPA-p atuakkiortunik unammisitsineranut, Allatta!, allakkani saqqummiuppaa.
Qillaq Sipineq+-imeersoq aamma Karen Sorlammeersoq ataatsimoorussamik suliniuteqarnerminni ”Let’s Meet, Naapitta“-mik taaneqartumi, Dansk Ungdoms Fællesråd suleqatigalugu, inuusuttut samit Kalaallit Nunaannut qaaqquneqarput kulturikkut paarlaasseqatigiinnissamik ataatsimiinnermut peqataajartorlutik.
Karen Ellemann inuusuttut suliniutaanik soqutiginninnera pulaarneralu NAPA-p qutsavigaa.
Nutaarsiassat takunngitsoorpigit?
Arctic Winter Games pillugu piviusulersaarut: Kulturimik takutitsineq ataatsimoorluni eqqaamasassanngorlugu
Kulturimik takutitsineq qanoq ililluni inuunerup sinnerani eqqaamasassanngortarpa? Piviusulersaarummi nutaami tamanna oqaluttuarineqarpoq, inuusuttut Arctic Winter Games 2026-mi Kalaallit Nunaata kulturilerinikkut takutitaanut peqataasut malinnaavigalugit. Filmi pisut tunuannut qaaqqusivoq, inuusuttullu angalanerat pillugu paasisaqartitsilluni, piareersarnerit siulliit sungiusarnerillu aallartinneranniit angalanermut, misigisassanut aamma piffissap ingerlanerani pilersimasumut ataatsimoornermut. 27. august Katuami piviusulersaarut
Viktoria Joelsen Allatta! Inersimasunut ajugaasoq: Silarsuaq nutaaq alla iserfigilerpara
Atuakkiami “Qilaappali”-mi nukappiaraq 1930-kkunni Tunumi peroriartortoq oqaluttuarineqarpoq. Ukiut marluk matuma siorna NAPA-p allannermik unammisitsineq Allatta! sisamassaat aallarteqqippaa, siullermeersumillu inersimasunut unammisitsineq ingerlanneqarluni. 2023-mi decembarimi tunniussinissamut killigititaq sioqqullugu atuakkiat sisamat nassiunneqarsimapput. Atuakkianit nassiunneqartunit sisamaasunit Viktoria Joelsenip ataatami 1930-kkunni meeraanerani inuusuttuaraaneranilu Tunumi inuunera pillugu oqaluttualiaa naliliisunit tigulluarneqarpoq. Viktoria
Eqqumiitsuliorneq ataatsimoortitsisarpoq
Eqqumiitsuliorneq ataatsimoortitsisarpoq Eqqumiitsuliorneq kulturilu akiuussinnaanermut tunngatillugu oqallinnermi tamanna inerniliunneqarpoq. Ukioq manna NAPA-p Unnummi Kulturisiorfimmi internetikkut aaqqissuussivoq. Eqqumiitsuliortut kulturimillu aaqqissuussisut nunanit tamalaaneersut arfinillit qaaqquneqarput eqqumiitsuliornermut kulturimullu isiginnittaatsiminnik oqaluttuarinissaannut. NAPA-p pisortaa Susanne Andreasen internetikkut aaqqissuussinermut aqutsisuuvoq, oqaloqatigiinnerlu uani isiginnaarneqarsinnaavoq. Kuupik Kleist, politikeriusimasoq eqqumiitsuliortorlu misilittagaqarluartoq, aaqqissuussinermut peqataavoq oqaloqatigiinnerlu
NAPA Arctic Winter Gamesimut inuusuttunik isiginnaartitsisussanik ujartuivoq
Inuusuttut Kalaallit Nunaanni tamaneersut Arctic Winter Games 2026-imi kulturikkut aaqqissuussamut Canadami Whitehorsemi ingerlanneqartussamut misiliinissamut qaaqquneqarput. 14-it 20-llu akornanni ukioqaruit, kulturi, isiginnaartitsineq nunanullu allanut Kalaallit Nunaat sinnerlugu peqataanissaq nuannarigukkit, maannakkut Arctic Winter Games 2026-mi Canadami Whitehorsemi kalaallit kulturikkut aallartitaannut ilaanissamut periarfissaqarputit. NAPA – Nunani Avannarlerni Piorsarsimassutsikkut