Nunani Avannarlerni suleqateqarneq nipilersortartunut periarfissatsialaavoq
Nipilersoqatigiit Nuija NAPA-miit tapiiffigineqareerlutik immiussileruttorput. Nuijami nipilersortartoq Magnus Biilmann Trolle tamanna atatillugu nipilersoqatigiit pillugit oqaluttuarpoq nipilersortartunullu nutaanut siunnersuuteqarusuppoq.
– NAPA piorsarsimassutsikkut aningaasaateqarfittut nunatsinni tapiiffiginissatsinnut periarfissatut uagutsinnut pitsaanerpaavoq, tassami NAPA-miit tapiiffigineqarnikkut ingerlariaqqissinnaagatta.
Magnus Biilmann Trolle, Nuija-mi guitarertartoq erinarsortartorlu taama oqarpoq.
NAPA 35.000 koruuninik Nuija tapiiffiginikuua, taamalillutik Islandimi tumerparpaartortartik Danmarkimilu nipilerisortik akissarsitissinnaanngorpaat.
Allaaserisap uuma allannerani Nuija erinarsuutit 11-t immiutileruttorpaat, neriuppullu nittartagatigut saqqummiiumaarlutik.
Allatut eqqarsartariaaseqarlutik Nuija teknikkikkut eqqumiitsuliornermillu nipilersortartunik katersuusimapput.
Nunatsinnimi nipilersoqatigiinik nassaarniarnissaq ajornakusoorsinnaammat. Magnus Biilmann Trolle taama nassuiaavoq:
– Nipilersortartutut aallartinnissaq ajornakusoornartorujussuusinnaasarpoq, nipilersullaqqittummi tamarmik allamik suliaqartaramik. Nipilersullaqqittut tusarnaartitsinermut, immiussinermut suliassanullu allanik ulapputeqartaramik.
Taamaammat Nuija nipilersortartunik allaanerulaartunik nassaarsimapput.
– Maani nipilersortartut uagut nipilersoriaasitsinnik misilinikuunngitsunik ujaasinikuuvugut. Soorlu agiartartorput Najannguaq, orkesterini erinarsoqatigiinnilu kisimi misilittagaqarnikuuvoq, pop-rockimik nipilersornermik misiliinikuunngilaq. Taamaakkaluartoq erinarsuutitsinnut agianik ilanngussisarnera tulluartorujussuuvoq, Magnus Biilmann Trolle oqarpoq nangillunilu:
– Bassertorput, Lona aamma taamaappoq, taannami eqqumiitsuliornermik soqutiginnittuuvoq. Guitarersinnaalluni erinarsorsinnaavoq, Eqqumiitsuliornermik Ilinniarfimmilu atuarnikuuvoq, taamaammat aamma nuuteeraliatsinnut titartaasussaavoq.
Nunani avannarlerni nipilersornermik suleqatigiinnerulernnissamut allanut aamma isumassarsisitseqataasinnaasut nipilersoqatigiit neriuuteqarput, nunanimi avannarlerni nipilersornikkut soqutigisallit amerlaqimmata, suleqatitaarnissaminnullu utaqqiinnarput.
Nipilersoqatigiit Nuija ilaatigummi nunani avannarlerni issittumilu nutaamik suleqatiginnikkut pilersitseqataaniarput.
NAPA-miit Kulturimut tapiisarfimmiit taperneqarniaraanni piumasaqaatitta ilarivaat arlaatigut nunanut avannarlernut tunngassuteqassasoq, nunatsinnit minnerpaamik ataatsimik nunanit avannarlerniit suleqateqartoqarnissaa.
Kulturimut tapiisarfik pillugu uani paasisaqarnerusinnaavutit.
Nipilersoqatissarsiorneq
Nunani avannarlerni nipilersoqatissarsiornermut eqqarsaatigissagaanni, taava nipilersornermut aalajangersimasumik genre assinganik soqutigisalimmik nassaarsinnaalluni ilaatigut iluaqutaasinnaavoq.
– Assersuutigalugu inuusuttoq nunatsinneersoq goth-imik nipilersoqatigiiliorusulluni sinnattorpoq, nunatsinnili nipilersoqatigiinnik assinganik soqutigisalimmik nassaarnissaq ajornakusoorsinnaavoq. Kisianni immaqa Ålandimi, Islandimi imaluunniit Savalimmiuni inuusuttoqarpoq illit soqutigisappit assinganik soqutigisalimmik.
Kisianni aamma takutittariaqarsinnaassavat qanoq nipilersullaqqitsiginerlutit. Qujanartumillu ullumi inoqatinut attaveqaatikkut takuneqarnissaq nassaarineqarnissarlu periarfissaqarluarpoq.
Soorlu qanoq guitarillaqqitsiginertutit imaluunniit erinarsullaqqitsiginerlutilluunniit smartphonit atorlugu imminut immiussinnaavutit. Angerlarsimaffimmilu immiussisalerusukkuit, taava Magnus Biilmann Trolle siunnersuutissaqarpoq.
– Ajornannginnerpaamik imatut aallartittoqarsinnaavoq, siullermik qarasaasiamut nipilerinermut atortumik pisisinnaavutit, soorlu ”Focusrite 2i2”-imik atilik. Taanna guitarit imaluunniit bassit qarasaasiamut atatilersinnaavaa. Tulliullugulu qarasaasiami immiussissut akikinnerpaaq iluarnerpaarlu ”Reaper”-imik atilik aasinnaavat.
– Inoqatinut attaveqaatikkut pikkoriffigisatit tamaasa takutissinnaavatit, taamaatut Nuijami immitsinnut nassaarivugut. Soorlu erinarsortorput Nick Ørbæk suli nipilersortartunga attaveqaatikkut paasivaa. Aamma soorlu tumerparpaartorput Islandimeersoq, Valgeir, naapinnikuunngisara, qanoq tumerparpaallaqqitsiginerluni takutinniarlugu videonik Instagramikkut ikkussisarpoq.
Magnus Biilmann Trolle aamma nammineq qanoq guitarillaqqitsiginersoq Instagrammimi ikkussisarpoq, tassanilu ikkusseqaarmat takuneqangaatsiareerpoq.
– Pikkorikkaanni amerlusuunit takuneqartarpoq, uanga nipilersornermut tunngasunik Instagrammimi ikkusisarpunga, tassanilu ikkusseqqaarama 3.4.000-eriaq videoliara takuneqarsimavoq.
Magnus Instagrammia uani takusinnaavat.
Nuija pillugu:
Nuija tunumiut oqaaserivaat, isumaqarlunilu nuiaq. Nipilersoqatigiillu Nuija-mik ateqalernerata peqqutigivaa Tunu Islandi nunattalu kitaata qeqqata missaaniikkami. Nipilersoqatigiimmi tumerparpaartartuat Islandimeersuummat nipilersoqatigiillu sinneri nunatta kitaaniillutik.
NUIJA ukuupput:
Najannguaq Qvist: Agiartoq, erinarsortoq
Magnus Biilmann Trolle: Ataasiakkaarisoq, erinarsortoq
Lona F. Platoú: Qatitoortoq, erinarsortoq
Valgeir Skorri Vernharðsson: Tumerparpaartoq
Nick Ørbæk Jacobsen: Erinarsortoq, guitarertoq
Kasper Roland Høberg: Producer, nipilerisoq, manager
- Nutaarsiassat, Suliniutit, Suliniutit tapiiffigineqarsimasut, Uncategorized @kl
- Magnus Biilmann Trolle
Ingerlateqqiguk
Nutaarsiassat takunngitsoorpigit?
Issittumi Suleqatigiinnermut Tapiissuteqartarfik agguaassivoq: Kalaallit Nunaanni piujuartitsinermik suliniutit tapiiffigineqarput
Nunat avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, nunat avannarliit Issittumi nunallu allat iluaqutissaannut suleqatigiinnermik siuarsaanissamik siunertalik, suliniutinut pissanganartunut arlalinnut aningaasaliissuteqarsimavoq, ilaatigut Siu-Tsiu-mut aamma MIO-mut. Nunat Avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, NAPA-mit – Nunat Avannarlerni Piorsarsimassutsikku Attaveqaatimit aamma Ilisimatusarfimmit aqunneqartoq, ukioq manna suliniutinut 22-nut aningaasaliissuteqarpoq.
Team Kalaallit Nunaat Kultoorip Arctic Winter Gamesimut inuusuttut peqataasussat nanivai
Alaskami Arctic Winter Games 2024-imi ingerlasussamut nunatta kultoorikkut takutitassaanut inuttassarsiorneq taamaatippoq, inuusuttullu peqataasussat arfinillit nanineqarput. Septembarimi NAPA Tasiilamiippoq AWG-mut takutitsisussanik inuusuttunik kajumissaajartorlutillu ujaasiartorlutik. Tassani inuussuttut 21-t auditionerlutik peqataapput. Saniatigut inuusuttut nunatsinneersut periarfissaqarput digitalimik auditionernissaminnut. Inuusuttut piginnaaneqarluarput siunissamilu nutaaliorlutik suliaqalerumaartussat qularnanngillat. “Auditionerlutik videonik nassiussisut ikigisassaanngeqaat, assut
Atuakkiortunik oqaloqateqarneq – Niviaq Korneliussen aamma Johanne Lykke Holm
Nunani Avannarlerni Siunnersuisooqatigiit atuakkiortunut nersornaasiuttagaannut 2021-mut atatillugu atuakkiortut innersuussaasimasut oqaloqatigiissapput. Pingasunngorneq 5. maj nal. 14 (kalaallit piffissaat) Niviaq Korneliussenip svenskeq innersuussaasimasoq Johanne Lykke Holm oqaloqatigissavaa. april Nunani Avannarlerni Siunnersuisooqatigiit nutaamik nangeqattaartuliaani livestreami atorlugu Nunani Avannarlerni Siunnersuisooqatigiit atuakkiortunut nersornaasiuttagaannut atuakkiortut innersuunneqarsimasut atuakkiortutut oqaloqatigiittassapput. Sapaatip akunneri tamaasa
NAPA upernaaq 2022-mi aallartittussamik attaveqatigiinnermut praktikkertussarsiorpoq
Nunani Avannarlerni tamani Issittormiut isiginnittaasiannik siuarsaaqataarusuppit?Nunani Avannarlerni Piorsarsimassutsikkut Attaveqaat – NAPA Katuami allaffitsinni attaveqatigiinnermut 1-2-nik praktikkertussarsiorpoq. Kalaallit Nunaanni, Nunani Avannarlerni, Issittormiuni aamma nunani baltiskiusuni kulturimik paarlaasseqatigiittarnermik suliaqartut suleqatigilissavatit. Issittormiut Nunani Avannarlerni tamani eqqumaffigineqarlutillu akuerineqarnissaat suliassatta pingaarnerit ilagaat. Tamatuma saniatigut paasissutissiisarfik Info Norden Grønland ingerlapparput, tassani