Nunani Avannarlerni tamani Issittormiut paasinnittariaasiat takuneqarlunilu akuerineqassaaq

Issittormiut paasinnittariaasertik malillugu inuusaaseqarnerat isumassarsiorfigalugu Nunat Avannarlermiut piujuaannartitsisunik inuusaaseqalernissaminnik assut pisariaqartitsipput. Pinngortitaq qanilluinnarlugu inuusinnaassuseqarnermut, tassanngaanniillu kulturimik pinngorsimasumik paasinninnermik piginnaasaqarnernillu paasisitsiniaaniaraanni Issittormiut paasinnittariaasiat ilisimasaqarfigisariaqarpoq. Ukioq 2030 nallertinnagu Nunat Avannarliit nunarsuup ilaatut nunarsuarmi piujuaannartitsinerpaalernissamik akuutitsinerpaalernissamillu takorluugaat angussagutsigu nunat avannarlermiuussutsimik tatiginninnerulernissaq annertusarniarlugu suleqataasinnaalluta NAPA-mi paasivarput.  Tatiginnilissagutta immitsinnut ilisimasaqarfigalutalu piginnaasagut qanoq ittuusut nalunngittariaqarpagut, aamma Nunani Avannarlerni tamani Issittormiut paasinnittariaasiannik siaruarterisariaqarluta.

Kalaallit Nunaanni ullumi Nunani Avannarlerni nunanit allanit tamanit, ingammik Danmarkimit kulturimut – filmitigut, TV-kkut, nutaarsiassatigullu pullaveqarluarpugut. Nunani Avannarlerni allani Issittormiut paasinnittariaasiat tunngavigalugu annikitsuinnarmik paasisimasaqartoqarpoq, soorlu assersuutigalugu kalaallit oqaasii, kulturiat ingammillu Inuit kulturiat ilisimaneqarpianngillat – kulturi Inuillu ukiuni tuusintilikkaani pinngortitaq qanilluinnarlugu inuusimasut. Nunani Avannarlerni tamani Issittormiut paasinnittariaasiisa paasineqarnissaat akuerineqarnissaallu suleqataaffiginiarlugu NAPA susassaqarfiit assigiinngitsut akornanni suliassanik suliaqartarpoq aamma kulturimut tapiisarfik aqqutigalugu, nammineq suliniuteqarnikkut aamma nammineq isumalluutit atorlugit suliaqartarluni.   Assersuutit pingasut aaku:

Aamma una atuaruk ...