Kalaallit Nunaat, Kulturi, Nutaarsiassat, Suliniutit tapiiffigineqarsimasut

The Lost Norsemen

8. February 2021 | by |
0 Likes
The Lost Norsemen: Qallunaatsiaat naapikkit – nunatsinni vikingit. 
Kalaallit Nunaata pinngortitaani kusanaqisumi vikingit tumaat illukuilu misigisassarsiorfigikkit. Norse Theme Parksip Trida Mediallu suleqatigiillutik saqqummersitsinerminni nunatsinni pinngortitami angalaartissavaatsit, tassani vikingit qanoq najugaqarsimanersut inuusimanersullu misigisaqarfigisinnaavatit, saqqummersitsinermilu oqaluttuat piviusullu akulerunneqassapput.   Itsaq ullumikkullu piffissaq ataatsikkut misigisaqarfigikkit. Nunami ingerlaarnermi naleqqat ukiunik tuusintilikkaanik pisoqaassusillit takusinnaavatit, taakku kingunissagut pillugit eriagisassatut aamma vikingit inuillu kulturiannik paasinninninnermut atorneqartussatut Unescomit nunarsuarmioqatigiinnut kingornussassanut allattorsimaffimmut ilaasussatut nalilerneqarput. Nunatsinni qallunaatsiaat, tassa nunatsinni vikingit qanoq nunatsinni inunnut attaveqarsimanersut pillugu paasisaqarit, tamannalu nunatsinnut qanoq sunniuteqarsimanersoq paasisaqarfigalugu. Piviusungatitamik oqaluttuaq, angisuunut mikisunullu tupigusutsitsisoq. Soorlu tassa nammineq misigalugu. Piviusungatitami Nuummukarit Kujataanukarlutillu, unammillerneqarit aliikkusersorneqarlutillu, aamma nunat avannarlermiut oqaluttuatoqaannik, taakkulu kalaallit oqaluttuatoqaannut qanoq assingunersut pillugit, ilisimasaqalerit. Saqqummersitsineq piviusunngortinneqarpoq uku qanimut suleqatigiinnerisigut: Katuaq, Kulturip Illorsua, Royal Arctic Line, Air Greenland aamma NAPA – Nunani Avannarlerni Piorsarsimassutsikkut Attaveqaat. www.greenlandontherocks.com
Nutaarsiassat allat
Oqaluttaaraliat Allattamut nassiunnissaa angumerinngitsoorpiuk? Taava suli angumerisinnaavat!

Inuusuttut amerlanerit unammisitsinermut peqataanissaanut periarfissinniarlugit tunniussinissamut killigitinneqartoq ulloq 7. marts 2023-mut kinguartinneqarpoq. Allatta! Inuusuttunut oqaluttuaaralianik nuannersunik ersinarluinnartunillu NAPA-mi tigusisimavugut, tamannalu nuannaarutigeqaarput. Kisianni unammisitsinermut inuusuttut amerlanerit peqataatikkusuppagut, nalunnginnatsigummi suli amerlanerusunik ersinartulikkersaaruteqartoq, taamaammat Allatta! Inuusuttunut tunniussinissamut killigitinneqartoq kinguartinneqarpoq. Peqataaniaraanni piumasaqaatit annikittuararsuupput. Qulequtaq pingaarnersaq tassaavoq ”oqaluttuat ersinartut”, inuusuttullu

Atuarnerugit »
Inuusuttut piginnaanillit ilippanaatitik pituussaarpaat, Kalaallit Nunaanni nutaalianik isumassarsiaqarlutik

Inuusuttut 200-t sapaatip akunnerani Nuummi katersuussimapput Issittuni unammillernartut misigisartakkagut nutaalianik aaqqiissutissarsiorniarlugit.  Qassutit immap naqqaniittut suli aalisartut, qaqeqqinneqarnerlu ajortut. Sumiiffinni ilinniarfissanik amigaateqarneq. Illoqarfiit nunaqarfiillu imminnut ungasissut. Tassaapput Kalaallit Nunaanni unammilligassatta ilaat. Unammilligassat, inuusuttut 200-t issittormiut nunanilu avannarlermiut nutaalianik aaqqiissutissarsiorlugit suliaqarfigisimavaat. Nunarsuarmi aningaasarsiutaanngitsumik suliniaqatigiiffiup, Unleaship, Nuummi ulluni

Atuarnerugit »
Journalistpraktikant, Isabella Borg
Suliffimmut sungiusartoq pissangasoq

Isabella H. Borg NAPA-p tusagassiortunngorniaq ilinniarnerminut atatillugu suliffimmiittuutigaa nutaaq. 2022-mi februarip aallaqqaataani aallartippoq, 2022-mi julip tungaanut uagutsinniissalluni. Maanna attaveqaqatigiinnerup iluani suliassat assigiinngitsut suliarisalereerpai  – pissangagaalu piffissap sinnerata ingerlanissaa qanoq isikkoqarumaanersoq. Isabella Qaqortumi inunngorsimavoq nunatsinnilu peroriartorluni. Kujataaniinnerusimalluni. Ilinniarnerminulli atatillugu angalasimaqaaq. Meeqqat atuarfianni atuareerami AFS aqqutigalugu Portugalimiissimavoq,

Atuarnerugit »
Nunat Avannarliit Issittumut Tapiisarfiat pillugu webinari

(Malugiuk: Webinari tuluttut ingerlanneqarpoq.) Nunat Avannarliit Issittumi suliniutaat (NAP) pillugu paasisaqarnerugit – tapiisarfik nunani avannarlerni issittumilu suleqataasut suleqatigiinnerannik tapiissuteqartarpoq, inuiaqatigiit nukittorsarneqarnissaat, piujuartitsisumik mingutsinngitsumillu ineriartortitsinissaq Issittumilu inuiaqatigiinnik nukittuunik uummaarissunillu siunertaralugu. Webinaarimi minutsini 35-ni sivisussuseqartumi matumani uku sammineqarput: Qinnuteqaat sunik imaqassava Qinnuteqarnermi suut eqqaamasariaqarpigit Nalilersuineq qanoq ingerlanneqartarpa

Atuarnerugit »