Drømmeworkshop

Suliniut MII

NAPA nunani avannarlerni periarfissat Kalaallit Nunaanni ilisimaneqarnerulernissaat pillugu suliaqarpoq, taamaattumillu NAPA meeqqanut, inuusuttunut inersimasunullu paasissutissiiffiusumik workshoppertitsisalersimavoq, taannalu taaguuteqarpoq SULINIUT MII. MII “Meeqqaat Inuusuttullu ilaapput”-mit naalisagaavoq.

NAPA-p angalanermini inuusuttut inersimasullu kulturikkut suliniutinik suliaqartut naapittarpai. Aamma innuttaasut nunani avannarlerni suleqatigiinnermik soqutigisallit naapittarpagut, matumani ass. Nunat Avannarlermioqatigiit, Nordplus aamma Nordjobb.

SULINIUT MII-p nunatsinnilu angalanernut siunertaq
Drømmeworkshop
Sinnattut pillugit workshoppit

Meeqqanut inuusuttunullu eqqumiitsuliortoq suleqatigalugu workshoppertitsisarpugut. Tasiilami Sisimiunilu inuusuttut sinnattutik tungujortunik qalipaaserlutik qalipappaat, taakkulu kingorna iikkamut nivinngarneqarput. Sorpassuit pillugit sinnattuupput, snescooterertaarnissamit tusaamasanngornissamut imaluunniit terminalarbejderisut ilinniagaqarnissamik sinnattuullutik.

Isfjorden ved Ilulissat
Inuusuttut nunani avannarlerni kulturilerisut

NAPA-p inuusuttut nunani avannarlerni ilinniagaqarnissamut, højskolernissamut imaluunniit atuarfinni suliniutinut Nordplus aqqutigalugu taperneqarnissamut periarfissat pillugit oqaluttuuttarpai. Inuusuttut aammattaaq nunani avannarlerni allani Nordjobb aqqutigalugu aasakkut sulisinnaapput.

Kulturimut tapiisarneq pillugu paasissutissiineq

Nunatsinnit suliniutinit meeqqanit inuusuttunillu peqataatitsisunit amerlanernik qinnuteqartoqartalernissaa kissaatigaarput.

NAPA-p inuusuttut aamma allat kulturilerisut qanoq ilillutik kulturikkut suliniutinik ineriartortitsisinnaanersut, aamma qanoq NAPA-p kulturimut tapiisarfianut qinnuteqarsinnaanersut pillugit siunnersortarpai. Aamma nunani avannarlerni qinnuteqartarfiit pillugit, ass. Nordisk Kulturkontakt tusagaqarfigisarpaat.

Sumiiffinni innuttaasunik suleqateqarneq

NAPA angalatinnani sumiiffinni inuusuttut illui, kulturikkut illorsuit, atuarfiit, nipilersornermik atuarfiit aamma kulturilerisut nunani avannarlerni periarfissat aamma meeqqanut inuusuttunullu workshoppit naleqqussakkat pillugit aaqqissuunissaat suleqatiseralugit attavigisarpai. NAPA-p Tasiilami inuusuttut illuat Igdlo, Sisimiunilu Kulturip illorsua Taseralik suleqatigisimavai. Aamma NAPA-p sumiiffinni perorsaanikkut sulisut, eqqumiitsuliortut kulturilerisullu nunatsinni attaveqaatini amerlisarusullugit ataatsimeeqatigisarpai.

Uangapajuk
NAPA-p kulturilerinermik pinngorartitsinikkut atorneqartarnissaanut kaammattuineq

Innuttaasut nutaanik pilersitsinikkut aamma kulturikkut suliniutinik ineriartuinissaminnut peqataanissamut periarfissarpassuaqarput, aamma NAPA-p kulturimut tapiisarfianut qinnuteqaqqullugit kaammattorpagut.

Suliniutit allat
Vi er Vestnorden
Nunat Avannarliit Killermiuuvugut

Norden i Skolen, Reykjavikimi Nunat Avannarlermiut Illuat kiisalu Savalimmiuni Nunat Avannarliit Illuat suleqatigalugit suliniutigaarput “Vi er Vestnorden” / Nunat Avannarliit Killermiuuvugut. Tassani 7.-10. klassinut atuartitsissutitigut suleqatigiissuterput qulequtaqarpoq: Kinaassutsitsinnut oqaatsit qanoq pingaaruteqartigippat.

Uani atuarnerugit »
(N)ORD podcast
(N)ORD podcast

(N)ORD podcast (N)ORD NAPA-p Nunani Avannarlerni oqaatsit pillugit nammineq podcastiliaraa, tassani nunat avannarliit kulturillu akornanni oqaatsit atorneqartut pillugit paasisaqassaagut, misissuillutalu.   Nunani Avannarlerni inuit katillugit 27 millionit najugaqarput, tamarmillu oqaatsit assigiinngitsut arfineq pingasut inuiaqatigiinni atorneqartut oqaaseraat. Ilaasa nunani avannarlerni oqaatsit ataatsit oqalussinnaavaat, allallu arlallit oqalussinnaallugit, kisianni

Uani atuarnerugit »
Drømmeworkshop
Suliniut MII

Suliniut MII NAPA nunani avannarlerni periarfissat Kalaallit Nunaanni ilisimaneqarnerulernissaat pillugu suliaqarpoq, taamaattumillu NAPA meeqqanut, inuusuttunut inersimasunullu paasissutissiiffiusumik workshoppertitsisalersimavoq, taannalu taaguuteqarpoq SULINIUT MII. MII “Meeqqaat Inuusuttullu ilaapput”-mit naalisagaavoq. NAPA-p angalanermini inuusuttut inersimasullu kulturikkut suliniutinik suliaqartut naapittarpai. Aamma innuttaasut nunani avannarlerni suleqatigiinnermik soqutigisallit naapittarpagut, matumani ass. Nunat

Uani atuarnerugit »