NAPA ullaakkorsioqatigalugu

Qaammatit tamaasa tallimanngornermi siullermi NAPA-mi ullaakkorsioqatigiinnermut qaaqqusisarpugut. Kikkulluunniit aggerusuttut nuannersumik ullaakkorsioqatigiittarput. Tamatigut inummik kulturilerisumik  suliaminut atatillugu oqaluttuartartumik pulaartoqartarpugut.

 

Ullaakkorsioqatigiilluta nuannersumik, qeratanngitsumik attaveqarfiusumillu naapittarpugut:
– Eqqumiitsuliortut kulturilerisullu naapittarput
– Suliniutit, qinnuteqaatit aamma paaserusutat avitseqatigiissutigineqartarput
– Suliniutigerusutanut takorluukkanut tunngatillugu siunnersuisoqartarpoq
– Nutaanik paasisaqalersitsisunik ullaakkorsioqatigiinnerit

 

Qaammatini tallimanngorneq siulleq ima ingerlasarpoq:
08.30: Ullaakkorsioqatigiinneq
09.00: Peqataasut imminnut ilisaritinnerat
09.10: Kulturilersoq saqqummiissaaq
09.30: Apeqqutit oqaaseqarusuttullu oqaaseqarnerat
10.00: Qujanaq ullumi – suliartortussat suliartorniaritsi

 

Aaqqissuussaq NAPA-mi pissaaq – Nunani Avannarlerni Piorsarsimassutsikkut Attaveqaat- Katuamiippoq kioskip qulaani.

  • Paasisaqarnerorusukkuit attavigiuk:
  • napa@napa.gl
Suliniutit allat
Nordiske glasflag i sneen
Avannaani Kalaallit oqaloqatigiinneri

Avannaani Kalaallit oqaloqatigiinneri – Streaming Podcast Debatter NAPA-p Nordisk Kulturfondenillu suleqatigiinnissamut isumaqatigiissuteqalernerisigut nutaamik suliniummik pilersitsisoqarpoq! Suleqatigiinnissamut isumaqatigiissut nunat avannarliit akimorlugit suleqatigiiffiuvoq 2022-2024-mi kulturikkut politikkikkullu naapeqatigiiffinnik pilersitsisussaq. Naapeqatigiinnerit Nunat Avannarlerni suleqatigiiffinni ukunani; Island, Åland Savalimmiut, Kulturcentrum Sverige-mi Finlandimilu, aamma Nordisk Kulturfond og a/nordi/c pissapput. Taassuma saniatigut

Atuarnerugit »
Creative Business Academy Greenland

Creative Business Academy Greenland Nunatta aningaasaqarnera aalisakkamik qalerualinnillu napatinneqarpoq. Tamanna aningaasaqarnerput sunnertiasupilussuuvoq tamannalu inuusuttut siunissami periarfissanik toqqaanissaanut killiliisuulluni. Aappaatigut nunarput kulturikkut pisuujuvoq soorlu nipilersornermik, takutitsinermik, atisaliornermik, filmiliornermik ilaalu ilanngullugit nunanut tamalaanut soqutigineqarsinnaasut. Kisianni tamanna anguneqassappat taava nunatsinni kulturilerisut aamma pinngorartitsisartut isumasioqateqatigiissinnaanermik periarfissaqassapput, nunat tamalaanut attaveqateqarnissaq

Atuarnerugit »
(N)ORD podcast
(N)ORD podcast

(N)ORD podcast (N)ORD NAPA-p Nunani Avannarlerni oqaatsit pillugit nammineq podcastiliaraa, tassani nunat avannarliit kulturillu akornanni oqaatsit atorneqartut pillugit paasisaqassaagut, misissuillutalu.   Nunani Avannarlerni inuit katillugit 27 millionit najugaqarput, tamarmillu oqaatsit assigiinngitsut arfineq pingasut inuiaqatigiinni atorneqartut oqaaseraat. Ilaasa nunani avannarlerni oqaatsit ataatsit oqalussinnaavaat, allallu arlallit oqalussinnaallugit, kisianni

Atuarnerugit »