Pineqartut aningaasaannaanngillat
Nuuk International Film Festivali 18. september naammassineqarpoq, ulluni sisamani nunarsuarmi tamaneersunik filmertitsisoqarlunilu filmiliaaqqanik naatsunik aliikkusersuisoqarpoq. Taamaalillunilu suliaqarfimmut ataqatigiissaarisup Emile Hertling Péronardip ukiumut ataasiarluni Nuummukartarsinnaanera qulakkeerneqarpoq.
COVID-19 tuniluutilereersoq Nuuk International Film Festivali (NIFF) aappassaanik ingerlanneqarsimavoq, naammassineqarnissaa piffissaanngitsukkullu unitsiinnarneqarsinnaanera nalorninartorsiorfiugaluartoq..
Siunertarli anguneqarsimavoq – 2020-mi aammalu ukioq manna – festivalimi pilersaarutigineqartut tamakkerlutik ingerlanneqarput. Filminut programmit, nutaaliornernik imaqartut, immikkoortunik arlalinnik imaqarput, matumani Nunat Avannarlermiut filmiliaannik takutitsinissanut pilersaarut ilaalluni, NAPA-p peqataaffigisimasaa.
“Filmfestivali NAPA-mit aningaasalersorneqartoq aningaasanut tunngaannanngilaq. Piviusumimmi suleqatigiinneq ingerlanneqarpoq, ataatsimoorluta Nunat Avannarlermiut filmiliaannik takutitsinissamut pilersaarut ilassinninnertaqarluni ingerlapparput. Taama ataatsimut suleqatigiinnitta NAPA-p aningaasaliissutaanut qujaniarnerput naqissuserpaa, pisumullu ilutigitillugu NAPA-p aningaasanik tapiisartuuneranik eqqumaffiginnitsitsilerluni”, oqarpoq Emilie Hertling Péronard.
Tapiisut tapiissusaasa annertussusaat qiviaraanni NIFF-imut aningaasaliinerit annertussusaat kisimik pineqanngillat. Festivalimi aaqqissuunneqartut ingerlanneqarnerinut Kulturip illorsua Katuaq qitiullunilu pingaarutilimmik inissisimasarpoq. Taamatuttaaq NAPA immikkuullarissumik pingaarutilimmillu suleqataasarpoq, aningaasaliissutinik tapiissuteqartarnini pissutigalugu soorlu Nunat Avannarlermiut filmiliaannik takutitassanik pilersaarummut ilasseqatigiinnermullu ataatsimoorluta aaqqissuussisaratta.
NAPA: Nunat Avannarlermiut ilasseqatigiissitsinerat attaveqateqalernissamut periarfissaavoq
NAPA-p NIFF-imik suleqateqarnera nunaqavissunut nunarsuarmioqatigiinnullu kulturikkut sulialinnut ammaassisuuvoq.
“Ilasseqatigiinneq festivalimi peqataasorpassuit attavigiillualernissaannut aqqutissaalluarpoq. Nunaqavissut kulturikkut suliniuteqartut kisimik ilaaneq ajorput aammali Nunat Avannarlermiut kulturikkut suliniuteqartut peqataasarput. NAPA-mut suliniuteqartut imminnut nassaariortorlutik attaveqalernissaat pingaaruteqarpoq, kisianni aamma uagut sulerisarnitsinnik isummatsinnillu avitseqatigiiffeqarnissarput pingaaruteqarluni”, oqarpoq NAPA-p pisortaa Anne Mette Gangsøy.
NAPA-p anguniagaraa Issittumi isummertariaatsitta Nunani Avaalerni paasineqarnissaat akuerineqarnissaallu Nunani Avannarlerni tamani akuerineqarnissaat anguniagaraa, sapinngisamillu siamasissumik attaveqaateqarneq pilersissaallugu pingaarteqarpoq.
“Oqaluttuartarnermik ileqqut qangaaniilli ileqqorineqarput, filmillu isiginnaartut tiguarnissaannut aqqutissatsialaasarlutik. Oqaluttuarineqartut aqqutigalugit kulturit assigiinngitsut imminnut ilikkariartorluarnerusarput, isummagullu nunarsuarmioqatigiit akornatsinni siammartertarpagut”, NAPA-p pisortaa ilassusiivoq.
NAPA-p Nuuk International Festivali arlaleriarluni aningaasaliiffigisarsimavaa.
Filmfestivali tulliani 14.-17. september 2022 ingerlanneqassaaq.
Nutaarsiassat allat
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu
Nunani Avannarlerni Siunnersuisoqatigiit nersornaasiuttagaannik nersornaaserneqarnissamik innersuussaasimasut naapikkit
Ulloq 14. April Nunani Avannarlerni Siunnersuisoqatigiit Atuakkiortunut nersornaasiuttagaannik nersornaaserneqarnissamik innersuussaasimasut atuakkiortut livestreamikkut oqaloqatigineqarneri nangeqattaartut nutaat aallartissapput. Sapaatit akunneri tamaasa atuakkiortut atuakkiaminni eqqartugaat soorlu inuunermi aniguineq, silanngajaarneq, attassuteqaatit, angalajumatussuseq, pisinnaajunnaarneq aamma allat atuakkiaminni allaaserisimasaat oqaluuserineqartassapput. Nersornaasigassatut innersuussat aamma atuffassisassapput. Ukioq manna atuakkiatik pillugit nersornaasigassatut innersuunneqartut Nunanit
NAPA Kalaallit Nunaanni
Nunani Avannarlerni suleqatiiinneq periarfissallu pillugit NAPA-p suliai pillugit ilisimasakippallaartoqarpoq. Taamaattumik ukiaq manna angalanermut missingersuutigut atorlugit kulturilerisut, inuusuttut inersimasullu ilisimasaqarnerulertinniarlugit Kalaallit Nunaata ilaani angalaarsimavugut. Angallat TU ilaaffigalugu Nuup Kujataanilu Aappilattup akornanni illoqarfiit nunaqarfiillu ukiaq 16-it ornissimavagut, novemberimilu Tasiilamiippugut Sisimiuniillutalu. Meeqqat, inuusuttut inersimasullu kulturilerisut naappinnissaat ilaatigullu NAPA-p
Inuusuttut piginnaanillit ilippanaatitik pituussaarpaat, Kalaallit Nunaanni nutaalianik isumassarsiaqarlutik
Inuusuttut 200-t sapaatip akunnerani Nuummi katersuussimapput Issittuni unammillernartut misigisartakkagut nutaalianik aaqqiissutissarsiorniarlugit. Qassutit immap naqqaniittut suli aalisartut, qaqeqqinneqarnerlu ajortut. Sumiiffinni ilinniarfissanik amigaateqarneq. Illoqarfiit nunaqarfiillu imminnut ungasissut. Tassaapput Kalaallit Nunaanni unammilligassatta ilaat. Unammilligassat, inuusuttut 200-t issittormiut nunanilu avannarlermiut nutaalianik aaqqiissutissarsiorlugit suliaqarfigisimavaat. Nunarsuarmi aningaasarsiutaanngitsumik suliniaqatigiiffiup, Unleaship, Nuummi ulluni