Oqaluttaaraliat Allattamut nassiunnissaa angumerinngitsoorpiuk? Taava suli angumerisinnaavat!
Inuusuttut amerlanerit unammisitsinermut peqataanissaanut periarfissinniarlugit tunniussinissamut killigitinneqartoq ulloq 7. marts 2023-mut kinguartinneqarpoq.
Allatta! Inuusuttunut oqaluttuaaralianik nuannersunik ersinarluinnartunillu NAPA-mi tigusisimavugut, tamannalu nuannaarutigeqaarput. Kisianni unammisitsinermut inuusuttut amerlanerit peqataatikkusuppagut, nalunnginnatsigummi suli amerlanerusunik ersinartulikkersaaruteqartoq, taamaammat Allatta! Inuusuttunut tunniussinissamut killigitinneqartoq kinguartinneqarpoq.
Peqataaniaraanni piumasaqaatit annikittuararsuupput. Qulequtaq pingaarnersaq tassaavoq ”oqaluttuat ersinartut”, inuusuttullu 15-25-t akornanni ukiullit tamarmik peqataasinnaapput, oqaluttualiaararlu annerpaamik quppernernik 20-nik qupperneqassaaq. Kalaallisut, qallunaatut tuluttulluunniit allattoqarsinnaavoq.
Tunniussineq nallereerpat taava kingorna oqaluttualiaaqqat tamarmik naliliisuniit atuarneqarumaarput, naliliisullu oqaluttuaaraliaaqqat pitsaanerpaat qulit toqqarneqarumaarput. Inuusuttut qulit ajugaasut Niviaq Korneliussen aamma Paninnguaq Boassen peqatigalugit ulluni 1.-4. maj Nuummi Bootcampissapput, tassanilu inuusuttut oqaluttuaaraliaminik suliareqqiinissaminnut ikiorneqassapput.
Ukiaru ajugaasut inuusuttut qulit oqaluttualiaat atuakkiamut katersorlugit saqqummersinneqarumaarput.
Oqaluttualiat allallugu naammassigukku sumut nassiutissaviuk?
Ulloq tunniussiffissaq kingulleq: 7. marts 2023, nal. 23:59 Oqaluttualiat Word- imaluunniit PDF fil-itut nassiutissavat uunga: napa@napa.gl
nassiutilerukkuttaaq uku ilanngunnissai eqqaamassavatit:
– Atit
– Ukiutit
– Najugaqarfiit
– Mobil normullu
Qulaaniittut tamaasa ilanngutereerukkit e-mail “Allatta Inuusuttunut”-mik qulequtserlugu nassiutissavat.
Nassiutereernerani ilimagissavat martsip naalernerata aprilillu aallartilaarnerata nalaani tusagaqassallutit. Tamanna peqqutaavoq naliliisussat oqaluttuat tamarmik atuarluarnissaannut nalilernissaannullu piffissaqarluarniassammata.
Allalluarnissassinnik kissaappatsigit!
Allannermut pikkorissaanerit immiunneqartut
Unammisitsinerup nalaani NAPA, Nunat Avannarlerni Piorsarsimassutsikkut Attaveqaat, suleqatigullu, Nunat Avannarlerni Ministerit Siunnersiosoqatigiivisa atuakkiortunut nersornaasiuttagaanut 2021-imi ajugaasoq, Niviaq Korneliussen aammalu Paninnguaq Boassen, 2013-mi Allatta!-mi peqataasimasoq,
kingornalu Københavns Universitetimi litteraturvidenskabimi bachelorgradimik ilinniarsimasuunikoq, peqatigalugit allannermut pikkorissaanerit ingerlannikuuagut.
Allannermut pikkorissaanerit immiunneqarnikuupput taakkulu Youtube-kkut isiginnaarneqarsinnaapput.
Imaluunniit Facebook-ikkut.
Allatta! Pillugu
Allatta! tassaavoq oqaluttuaaraliornermik unammisitsineq NAPA, Nunat Avannarlerni Piorsarsimassutsikkut Attaveqaat-imiit, ingerlanneqartartoq.
Allatta! siullermik 2013-imi ingerlanneqaqqaarpoq ”Inuusuttut – nunatsinni nunarsuarmilu”-mik qulequtserlugu. Taamani inuusuttut qulit nunatsinni inuusuttuuneq pillugu oqaluttualiaat atuakkiamut katersorlugit saqqummersinneqarput.
Sørine Steenholdt, Pivinnguaq Mørch aamma Niviaq Korneliussen ingerlaqqittut qulit akornaniipput, Allatta!-lu aqqutigalugu atuakkiortartutut aallarniipput. Niviaq Korneliussen unammeqataareernermi kingorna ukioq ataaseq qaangiutiinnartoq Milik Publishing aqqqutigalugu atuakkiaqqaatini siulleq HOMO sapienne saqqummersippaa.
2015-imilu Allatta! aappassaa ingerlanneqarnerani oqaluttualiaaqqat qulit nutaat, siunnissamut tunngasut ”2040”, katiterlugit saqqummiunneqarput. Inuusuttut qulit aatsitassarsiorneq, pissaanillit, asanninneq, pisuut aamma piitsut, nappaatit sorsunnerillu pillugit allaaserinnissimapput.
Allatta! pingajussaa 2018-imi ingerlanneqarmat ”Paasinninneq” qulequtaralugu saqqummersinneqarpoq.
Maannalu NAPA Kalaallit Atuakkiortut peqatigalugu Allatta! sisamassaa ingerlappaa oqaluttuat ersinartut qulequtaralugit.
Suliniut NAPA-miit aamma Kalaallit Atuakkiortunit pigineqarpoq.
Suleqatit allat: Arctic Media / Sørine Steenholdt, Oqaasilerinermik, Atuakkialerinermik Tusagassiuutilerinermillu immikkoortortaqarfik, Ilisimatusarfik.
NAPA-mi suliniutinut ataqatigiissaarisoq aamma Allatta! 4.0-imik suliniummik aqutsisoq Maannguaq Rosing: Maannguaq@napa.gl imaluunniit 53 33 30 apeqqutissaqartoqarnermi attavigineqarsinnaavoq.
Nutaarsiassat takunngitsoorpigit?
Aqqaluk Lyngep NAPA ullaakkorsioqatigalugu peqataaffigigaa
Kalaallit Nunaat nunarsuarlu sammineqqarput, kalaallip politikeriusimasup atuakkiortullu Aqqalyk Lyngep NAPA ullaakkorsioqatigalugu peqataaffigimmagu Tallimanngornerit nalinginnaasut ilaanni Nuummi aputip aattorfiani inummik ataqqinartumit NAPA-mi ullaakkorsioqatigineqarpugut. Qaammatini tallimanngornerni siullerni NAPA ullaakkorsioqatigalugu ingerlanneqartarpoq, kulturilerisup inuup saqqummiiffigisartagaanik. Aprilimi Aqqaluk Lynge nunani tamalaani “Kalaallit Nunaat aamma Inuit Issittormiut Siunnersuisoqatigiiffianni / Circumpolar Councilimi
Tusagassiortoq NAPA-mi attaveqatigiinnermut akisussaasunngorpoq
Ukiuni pingasuni KNR-ip nutaarsiassaqartitsivianeereerluni, Malik Brøns maanna NAPA-mi attaveqatigiinnermut akisussaasunngorpoq. Aggustip aallaqqaataani aallartippoq, nunatsinnilu eqqumiitsuliornerup piorsarsimassutsillu silarsuaanni pisorpassuit pillugit nutaarsiassiisarnissani qilanaaraa. NAPA-mi inuk nuannarineqarluartoq ilisimaneqarluartorlu suliunnaarpoq. Attaveqatigiinnermimi suleqataasoq Bula Larsen 2019-miilli allaffeqarfimmiinnikoq Danmarkimut nooqqammerpoq. Maannalu Malik Brøns NAPA-mi attaveqatigiinnermut akisussaasussanngorpoq. Malik Nuummi inunngorlunilu peroriartornikuuvoq Ilisimatusarfimmilu
Nunani Avannarlerni suliniutinnut aningaasaliiffigineqarit
Nunani Avannarlerni suliniutinnut aningaasaliiffigineqarit Nunani Avannarlerni kulturikkut suliniutinut taperneqarnissamut periarfissarpassuaqarpoq. Taakku ilagaat NAPA-p kulturimut tapiisarnera, kisianni allarpassuaqarpoq. Nordisk Kulturkontakt aqqutigalugu aningaasaateqarfiit arlallit qinnuteqarfigineqarsinnaapput, taanna Helsingforsimi Finlandimi nunat avannarliit ataanni kulturikkut suliffeqarfiuvoq Nordisk ministerrådip kulturikkut suleqatigiinnermut aningaasaateqarfinnut arlalinnut programmia Nordisk Kulturkontaktip aqutaraa, aamma nunani avannarlerni-baltikumimi nunani
Kalaallit nipilersornerat Nuummit Spaniamut aamma Amerika Kujallermut
Nipilersortartoq aamma nipilerilluni angakkuartartoq Hans-Ole Amossen Kalaallit Nunaanni nipilersortartoqatigiinilu Da Bartali Crew tusarnaartitsillutik nipilersortartut nuannarineqarnerpaaat ilagaat. Nunani Avannarlerni, Europami aamma Sydamerikami nipilersoriarlutik angalaarsimapput aamma scenemi allanik ”pulaartunik” rapperinik erinarsortartunillu nipilersoqateqartarsimalluni. 2019-imi Nunani Avannarlerni Siunnersuisoqatigiit Nipilersortartunut Nersornaasiuttagaannut innersuussaasimapput. NAPA-p Hans-Ole nipilersornerup silarsuaani aamma nipilersoriartarluni angalarsimanini pillugit