Nunat Avannarliit Issittumut Tapiissuteqartarfiannut qinnuteqartut aatsaat taama amerlatigipput
Nunat Avannarliit Issittumut Tapiissuteqartarfianut qinnuteqartunut qujanaq! Ukioq manna aatsaat taama amerlatigisunik qinnuteqartoqartigisimavoq — katillugit 64-it!
NAPA-p pisortaata Susanne Andreasenip qinnuteqaatit amerlassusaat nuannaarutigaa:
“Qinnuteqaatit piukkunnaatillit aatsaat taama amerlatigisut tigusimavavut, taakkulu nunani avannarlerni issittumilu suleqatigiinnermut tunngassuteqarput. Nunat Avannarliit Issittumut Tapiissuteqartarfianni Issittumi inuiaqatigiit nukittuut pingaarnertut siunertaavoq. Tamannalu qinnuteqartunit tigulluarneqarsimaqaaq, tamatumalu takutippaa suliniut taanna pisariaqartinneqartoq. Maanna qinnuteqaatit tamaasa suliarinissaat tamatumalu kingorna suliniutinik tigussaasunik aallartitsinissamut aningaasaliissutinik agguaassinissaq qilanaaraarput.”
Maanna qinnuteqaatit tamarmik naliliisartunut ingerlatinneqarput. Ilisimatusarfimmi nalilersuisartunit nalilersorneqassapput, taakkualu suliamut tunngasumik piginnaasatik tunngavigalugit allakkatigut naliliissapput.
Ilisimatusarfimmi ilisimatusarnermik ataqatigiissaarisup Clement Pindstrup Scaveniusip nalilersuisoqatigiinnik pilersitsinissaq aamma qilanaaraa:
“Naliliisartut qinnuteqaatit aatsaat taama amerlatigisut misissornissaat qilanaaraat. Qinnuteqaatit sorliit aningaasaliissutinik pissarsinissamut innersuunneqarnissaat unamminiarnartuussaaq, suliassarli pingaaruteqarpoq. Ukioq manna unammillerneq taama sakkortutigimmat siunnersuutillu pitsaasut taama amerlatigimmata suliaq suli ilungersunarnerussaaq – aammali pingaaruteqarnerullunilu pissanganarnerussaaq.”
Nunani Avannarlerni Issittumut Tapiissuteqartarfiat nunanit allanit qinnuteqartunut, inunnut ataasiakkaanut peqatigiiffinnullu, siunertaavoq, Nunanilu Avannarlerni Issittumilu najukkami suleqatigiinnermik tapersersuivoq.
Tamanna pillugu amerlanerusunik paasissutissaqarpoq uani.
- Tapiisartut, Nutaarsiassat, Nunat Avannarliit Issittumut Tapiissuteqartarfiat
- Aningaaq Rosing Carlsen - Visit Greenland
Ingerlateqqiguk
Nutaarsiassat allat
Nunani Avannarlerni suleqateqarneq nipilersortartunut periarfissatsialaavoq
Nipilersoqatigiit Nuija NAPA-miit tapiiffigineqareerlutik immiussileruttorput. Nuijami nipilersortartoq Magnus Biilmann Trolle tamanna atatillugu nipilersoqatigiit pillugit oqaluttuarpoq nipilersortartunullu nutaanut siunnersuuteqarusuppoq. – NAPA piorsarsimassutsikkut aningaasaateqarfittut nunatsinni tapiiffiginissatsinnut periarfissatut uagutsinnut pitsaanerpaavoq, tassami NAPA-miit tapiiffigineqarnikkut ingerlariaqqissinnaagatta. Magnus Biilmann Trolle, Nuija-mi guitarertartoq erinarsortartorlu taama oqarpoq. NAPA 35.000 koruuninik Nuija tapiiffiginikuua, taamalillutik
Qinnuteqarnissamut piffissarititaasup tullia tassaavoq januarip 15-at
NAPAp Kulturimut Tapiisarfia ukioq 2023-mi aningaasaliissutissatut immikkoortitarisimasai nungupput. Taamaalilluni aamma qinnuteqarneq, decembarip 15-iat nallertinnagu qinnuteqarfiusussaagaluartoq taamaatinneqarpoq. Kulturimut Tapiisarfimmut soqutiginnittoqarsimaqaaq. Inuit amerlasuut NAPA atorluarnikuuaat, tamannalu pillugu qinnuteqartorpassuarnut tamanut qujarusuppugut. 2024-mi aningaasanik agguaasseqqinnissatsinnut qilanaarpugut, qinnuteqarnissamut piffissarititaasoq tullia pissaaq januaarip 15-ianni. 2024-mi 3.000.000 koruuninik Kulturimut Tapiisarfik aningaasaliissutissanik agguagassaqassaaq.
Inuusuttut piginnaanillit ilippanaatitik pituussaarpaat, Kalaallit Nunaanni nutaalianik isumassarsiaqarlutik
Inuusuttut 200-t sapaatip akunnerani Nuummi katersuussimapput Issittuni unammillernartut misigisartakkagut nutaalianik aaqqiissutissarsiorniarlugit. Qassutit immap naqqaniittut suli aalisartut, qaqeqqinneqarnerlu ajortut. Sumiiffinni ilinniarfissanik amigaateqarneq. Illoqarfiit nunaqarfiillu imminnut ungasissut. Tassaapput Kalaallit Nunaanni unammilligassatta ilaat. Unammilligassat, inuusuttut 200-t issittormiut nunanilu avannarlermiut nutaalianik aaqqiissutissarsiorlugit suliaqarfigisimavaat. Nunarsuarmi aningaasarsiutaanngitsumik suliniaqatigiiffiup, Unleaship, Nuummi ulluni
Issittormiut sapaatip akunnerat Nunallu Avannarlermiut ulluat
Ullut 21. – 26. marts 2022 arlalinnik sammisassaqartitsiffiullutillu nalliuttorsiorfiupput. Siullermik Kulturip Illorsuata Katuap Katuarpalaaq, qilaatersornermik festival ingerlappaa. Aappassaanik ulloq 23. marts Nunat Avannarlermiut ullorivaat + Nunallu Avannarlermioqatigiit ukiumik ataasinngortorsiuffigalugu! Nalliuttorsiorneq nuannersoq! Sapaatip akunneranik ataatsimik sivisussusilimmik Inuit qilaatersortarnerat pillugu ataqqinninnermik aaqqissuissagaanni, taava pikkunartukullammik aallarnertariaqarpoq! Katuarpalaaq taama