Nunat Avannarlermiut nipilersortartui inuusuttut
GFD Collective, 2021 naalersoq nipilersortartut Kalaallit Nunaanniit, Savalimmiuniit Qalllunaat nunaaneersullu isumasioqatigiillutik nipilersorlutillu tusarnaartitsipput. Peqatigiillutik nipilersornermikkut nunat avannarlermioqatigiit immikkuutitaarlutik kulturiat, kinaassusiat oqaasiilu malugineqaqqullugillu soqutigineqalersinniarpaat.
GFD Collective tassaapput rappertartut erinarsortartut taalliortartut nipilersukkanillu immiussisartut Kalaallit Nunaanneersut, Savalimmiuneersut Qallunaat Nunaanneersullu. Arnat taakkuninnga suleqatigiinnik pilersitsisut tassaapput erinarsortartut nipilersukkanillu immiussisartoq Vibeke Falden, suliniummillu suleqataalluni aqutitsisuusoq isiginnaartitsinermik kulturilerinermi suliniutinut aqutsinermi nipilersortussallu inniminnertarnerinut pilersaarutillu ingerlanneqartut naammassineqarnissaanut aqutsisutut tunuliaqutaqartoq Sanne Wiwe. 2019-imi nipilersortartunik peqatigiillutik pilersitsipput normullu 10-t immiullugit. Tamatuma kingorna nipilersortartut katerisimaarlutik nipilersuusiortalerput, workshoppertarlutik tusarnaartitsillutillu angalaartalerlutik, tamakku tamaasa ataatsikkut ingerlallugit!
Siuariaateqartarlutillu kinguariaateqartarput
Piffissami kingullermi Kalaallit Nunaata iluani aaqqissuussiniarnerit ajornaatsuinnaasimanngillat. Tamanna aamma GFD Collectivemut atuussimavoq.
– Pilersaarutaasut ingerlanneqanngitsoortarnerinut corona pissutaasimavoq. 2020-mi 100.000 koruuninik NAPA-miit aningaasaliiffigineqarpugut Kalaallit Nunaanni tusarnaartitseqattaarsinnaaniassagatta tamatumalu kingorna 2021-mi Savalimmiunut kingusinnerusukkullu Qallunaat Nunaannut tusarnaartitsiartortussaagaluarpugut. Taamaallaalli Sisimiunut Ilulissanullu angalavugut Nuuliarnissaraluarpullu killilersuinerit pissutigalugit piviusunngunngitsoorluni. Anguniagarpulli anguarput! Allatigut periarfissarsiornitsigut anguniagarput anguarput, taama oqarpoq suliniutinut aqutsisoq Sanne Grothe Wiwe.
Nuannisarneq ilikkagaqarnerlu
Nipilersortartoqatigiit 2021-mi 10. november naapeqqipput 20. novemberimilu aallaqqillutik. Ullut taakku sioqqullugit Sisimiuni ulluni marlunni Ilulissanilu ulluni pingasuni workshoppertoqarpoq illoqarfinnilu tusarnaartitsisoqarluni. Workshoppini meeqqat inuusuttullu 25-t peqataapput.
Tusarnaartitsinerit Arctic Sounds – Music Festivalimit aaqqissuuneqarput taakkuuppullu aamma suliniummut tapersersuisut. Ulluni taakkunani sulerisoqarsimanersoq uunga quppernermut iserlutit takusinnaavat GFD Collectivip Facebookia.
Workshoppit inuusuttunit 15-20-nik ukiulinnit peqataaffigineqarsimapput, peqataasut namminneq erinniaminnik taalliaminnillu allallutillu immiussinissaminnut periarfissinneqarsimallutik. Workshoppertut sulinerminni, nipilersuusiornermi allaqqaarnermiit immiussinermut suleriaatsip qanoq ingerlasarneranik ilisimasalimmik ilitsersuisoqarput.
Worksoppernit suliat naammssineqartut uani tusarnaarsinnaavatit Sisimiuniit aammalu Ilulissaniit. Uanilu GFD Collectivep nammineq suliai tusarnaarsinnaavatit GFD Collectivip nammineq suliaavi.
– Workshoppit ingerlappagut inuusuttut uagut namminneq suleriaatsigut misilerarniassammatigit, taamalu siunissami nipilersornerup silarsuaani suliaqalissagaluarunik misileereersimaniassammata. Sapinngisarpullu tamaat inuusuttut suleqatigilereersimasavut attaveqarfigiuaannarniarpagut. Tamanna inuit attaveqatigiittarfiisigut ingerlattarparput, taamaalilluta GFD Collectivep suliaannut malinnaatittuarniartarlutigit, oqarpoq Sanne.
GFD Collectivep assiliisoq Malene Porup ikiortigalugu Kalaallit Nunaanni suliaqarnertik immiuttuarsimavaat. Malenep Kalaallit Nunaanni assilisat katitersorsimavai piviusulersaarusiaralugillu. Piviusulersaarusiaq kollektivemi isumasioqatigiinneersunit apersuinernik imaqarput. Pivisusulersaarusiaq uani takusinnaavat. (Kingusinnerusukkut ikkukkumaarpoq).
Tamatuma saniatigut GFD Collective Facebook aammalu Instagram aqqutigalugu malinnaaffigisinnaavatit.
- Kalaallit Nunaat, Kinaassuseq, Meeqqat inuusuttullu, Nunat Avannarliit, Suliniutit tapiiffigineqarsimasut
- Foto af Nuka Kristiansen
GFD Collectivemut ilaasortat:
Sanne Grothe Wiwe – GFD Collectivemik Vibeke peqatigalugu pilersitsisoq (Qallunaat Nunaannersoq).
Eqqumiitsuliortoq Kalaallit Nunaanneersoq: Zika, Jens Kleist aamma Hans-Ole Amossen.
Eqqumiitsuliortoq Qallunaat Nunaanneersoq: Vibeke Falden, Banditte aamma Fjer.
Eqqumiitsuliortoq Savalimmiuneersoq: Jasmin, Silvurdrongur, Harald Fonsdal Johannesen aamma Karl Andrias Stórá.
Nutaarsiassat takunngitsoorpigit?
Aningaasaateqarfiit tapiissutillu pillugit unnuk paasissutissiineq
Atuagaqarniarlutit, filmiliarniarlutit, nipilersukkanik saqqummersitsiartorniarlutit allatigulluunniit angalaniarlutit takorluuisarpit? NAPA Nunafondenilu pingasunngornermi januaarip 22-ani Katuap inersuaaqqaani aningaasaateqarfiit tapiissutillu pillugit paasissutissiinermut qaaqqusipput. Unnuk paasissutissiineq nalunaaqutaq 19.00-miit 21.00-mut ingerlanneqassaaq, aningaasaateqarfiit assigiinngitsut naatsumik saqqummiussissapput. Facebook-ikkut Youtube-kullu toqqaarnartumik isiginnaarneqarsinnaavoq. Saqqummiisussat: NAPA, Aningaasaateqarfik – Den Grønlandske Fond, Tips- aamma lotto-mit aningaasaliissutit, Eqqumiitsuliornermut
Maanna Issittumi Suleqatigiinnermut Tapiissuteqartarfimmut qinnuteqartoqarsinnaalerpoq
1. december Nunani Avannarlerni Ministerit Siunnersuisoqatigiivisa issittunut aningaasaateqarfia ammarpoq. Ulloq 13. januar NAPA Issittumi Suleqatigiinnermut Tapiissuteqartarfik pillugu webinarertitsissaaq. Issittumi Suleqatigiinnermut Tapiissuteqartarfimmut ukiumut qinnuteqarnissaq maanna ammarpoq. Qinnuteqartussat nutaat qinnuteqareersimasullu aningaasaliiffigineqarnissamut maanna nittartakkatsigut qinnuteqarsinnaalereerput. Qinnuteqarnissamut piffissaliussaavoq ulloq 15. februar 2023. Aamma ullorsiutinni ulloq 13. januar nal. 10.00
Nunat Avannarlermioqatigiinni inuusuttunut aningaasaateqarfik
DUF – Dansk Ungdoms Fællesråd – 1940-kkunnili inuusuttut tamat oqartussaaqataanerannut ataatsimoornermullu ineriartortitsinissaanut soqutigisaqalersimavoq. Tassannga suliniut Nordens Unge i Bæredygtige Fællesskaber – NUBF – pilersinneqarsimavoq, avannarlermioqatigiit inuusuttai nutaatut ataatsimooqatigiinnermut nukittorsaanissaminnut periarfissinneqarsimallutik. NUBF-ip piujuartitsinermik tunngaveqarluni ataatsimooqatigiinnissamut kulturikkullu suniutinut peqataatitaqarnisamut Nunat Avannarliit akimorlugit suliniuteqartuuvoq inuusuttullu periarfissinniarlugit aningaasaliissuteqarsinnaasunik pilersitsisimallutik.
NAPAmi Kulturimut Tapiisarfik 200.000 kr. tungaanut aningaasanik qinnuteqarfissaq kingusinnerpaamik qinnuteqarfigineqarsinnaavoq oktobarip 15-ianni
NAPA, Nunani Avannarlerni Piorsarsimassutsikkut Attaveqaat, Kulturimut Tapiisarfia qinnuteqaatinik amerlasuunik nuannersunik pisarpoq. Kisianni kulturilerinermi siunissaq piujuartoq pillugu suliniutinik qinnuteqartut amerlavallaanngillat. NAPA suliniutinik piujuartitsinermut immikkut sammisaqartunik ujartuivoq. 100.000-niit 200.000 kr. tungaanut NAPAp Kulturimut Tapiisarfimmut qinnuteqarnissaq oktoberip 15-ianni killeqarpoq. NAPA, Kulturimut Tapiisarfia nunarsuarput siunissaa ukkataralugu eqqumiitsuliornikkut kulturilerinikkullu