Suliniummut uunga ilisarnaat: SULINIUT MII
ILISARNAAMIK UNAMMISITSINEQ – 5.000 DKK-inik eqquerusuppit? Taava atuaannarit!
NAPA-p suliniutaanut SULINIUT MII (meeqqat inuusuttullu ilaapput) atatillugu uummaarissumik inuusuppaluttumillu ilisarnaateqartariaqarpugut.
Suliniut pillugu
NAPA-p kalaallit atuarfinni atuartut meeqqat inuusuttullu nunani avannarlerni suleqatigiinnermi periarfissaat pillugit oqaluttuuttarpai. Meeqqat qanoq ilillutik nunani avannarlerni nunani allani atuarfinni atuartut suleqatigilersinnaavaat, aamma Savalimmiuni, Norgemi Ålandimi il.il. tikeraarnissaannut taperneqarnissamik qinnuteqarsinnaappat.
Aamma inuusuttut qanoq ilillutik nunanut avannarlernut allanut suliartorlutik misigisassarsioriartorlutillu angalasinnaanersut aalisakkanut tunisassiorfinni imaluunniit hotelini il.il. aasaanerani suliartorsinnaanersut qanorlu qinnuteqarsinnaanersut oqaluttuuttarpagut.
Meeqqat inuusuttullu qanoq ilillutik assersuutigalugu qitinnermik takutitsinissamut, rappernermik erinarsornermik, qalipaanermik workshoppeqarnissamik imaluunniit isiginnaartitsinissamut il.il. atatillugu qanoq isumassarsiorsinnaanersut oqaluttuuttarpagut.
Aamma inersimasunit NAPA-mut suliniutip ineriartortinneranut imaluunniit angalanissamut qinnuteqarnissamut qanoq ikiorneqarsinnaanersut pillugit oqaluttuuttarlugit. Meeqqat naggataatigut sinnattutik qalipattarpaat, guitarernermik ilinniarnermik allanilluunniit workshopperlutik.
Kikkut peqataasinnaappat
Meeqqat, inuusuttut inersimasullu, immaqa klasseqatigiit. Pinngorartitsinermik piginnaasatit atorlugit pilersitsigit, SULINIUT MII-mullu (meeqqat inuusuttullu ilaapput) ilisarnaatissatsinnut siunnersuutit uatsinnut nassiullugu.
Ilisarnaat piuminartoq qalipaatilillu ujartorparput.
- Akuersaartoq, qiimasoq inuusuppaluttorlu
- Ikasarpasittoq aamma aalaneqarpasittoq
- Kalaallit kinaassusaannik takutitsisoq
Ilisarnaammut siunnersuut NAPA-mut kingusinnerpaamik sisamanngorneq 15. april 2021-mi nassiunneqareersimassaaq. Siunnersuummi ilisarnaat pillugu nassuiarneqassaaq allagartaqassaaq, aamma SULINIUT MII-mut qanoq ililluni atanersoq ilanngullugu nassuiarneqarluni.
Unammisitsineq naammassippat ilisarnaat nutaaq aamma pilersitsisoq avammut suaarutigineqassapput.
Ilisarnaasiat e-mailikkut nassiutissavat uunga: napa@napa.gl
Siunnersuutivit kusanartup takunissaa qilanaarivarput!