Nunat Avannarlermiut inuusuttai peqatigalugit weekend-camperneq
NUBF – Nordens Unge i Bæredygtige Fællesskaber – DUF, Dansk Ungdoms Fællesrådimit suliaavoq – Nunat avannarliit tamat inuusuttaasa patajaannerusumik imminnut ataqatigiilernissaannut siunertaqarluni pilersinneqartoq. NUBF 2020-mi ukiumoortumik inuusuttunik sungiusaatitsivoq, tassanilu nunat avannarlernit inuusuttut weekendimi imminnut naapeqatigiissimapput. Tassani sammisaqartitsinerit assigiinngitsut ingerlanneqartarput, ilaatigut suliniutit pillugit allaaserinninnissamut sungiusarnerit aamma nunani avannarlerni ataatsimooqatigiinnerit pillugit paasititsiniaanerit ingerlanneqartarlutik – inuusuttut taamaalillutik nunat avannarlermioqatigiminnik attaveqarfigisartakkatik annertusarsinnaavaat.
Ukioq manna ukiumut inuusuttunik sungiusaanerit pingajuat kingullerlu Utøyami, Norgemi ulluni 6. – 8. maj 2022 ingerlanneqassaaq. Sammisaqartitsinerup qulequtaraa: Nunat Avannarlermiut inuusuttaasa sungiusarneqarnerat 2022: Kalmar eqqarsaatigeqqiguk!
Qinnuteqarnissamut piffissaq kingulleq tassaavoq 30. marts 2022.
Inuusuutut sungiusarnerat tuluttut ingerlanneqassaaq, peqataanissarlu akeqanngilaq!
Uani tamat oqartussaanerannut aammalu peqataatitsinermut tunngasut suleqataaffigissavatit.”Sammissassani pineqarput qanoq ilillutit peqataatitsinerit aqqutigalugit illit sumiiffinni ataatsimooqatigiinnernik nukittorsaaqataasinnaanerit – aamma siunissaq ungasinnerusoq eqqarsaatigalugu – ataatsimut isigalugu tamat oqartussaaqataanerat.” Taama NUBF nittartakkamini allappoq manna inuusuttut sungiusarneqarnissaanut tunngatillugu. Uani annertunerusumik paasisaqarsinnaavutit.
Qulequtaq ”Kalmar eqqarsaatigeqqiguk”, nunat avannarlermiut peqatigiinneranneersuuvoq, ukioq 1400-kut missaanni Margrethe I-p katersuutsitsineranut tunngasuulluni: ”Kalmarunionen”. Peqatigiinneq ukiut 100-t missaanni atavoq. Maanna nunat avannarlermiut immikkuutitaarlutik namminersortunngorfigisimasaanni, maannalu nunat avannarliit imminut nassaareqqinnissaannut piffissanngoqqippoq, aamma nunanilu avannarlerni suleqatigiinnerup eqqarsaatigeqqinnissaanut periarfissiisumik peqataatitsinermut, tamallu oqartussaaqataanerannut iluaqutaasussamik.
Nunat Avannarlermiut inuusuttai peqatigalugit weekendterneq
Ukioq kingulleq inuusuttunik sungiusartitsinnerni sammisat ukusimappupt: Piujuartitsineq peqataatsitsinerillu, tassani Nunanit Avannarlernit tamaneersunit inuusuttut 50-t peqataasimapput. Tassani sammisassaq suliaqarfigerusutamik toqqaasoqarsimavoq. Kalaallit Nunaanniit peqataasut marluupput. Karen Olsen-Lyberth SORLAK-meersoq aamma Nina Tittussen SUKORSEQ-meersoq. Karenip toqqarsimavaa qulequttat piujuartitsineq peqataatitsinerlu sulissutiginiarlugit.
– Qinnuteqaasiornissamut ilikkagaqarpunga, nunanilu avannarlerni inuusuttut allat suleqatigisinnaasakka naapippakka. Ingammik Savalimmiormiut inuusuttaannik naapitsilluarpunga. Taakkulu peqatigiilluta inuusuttut Kalaallit Nunaannneersut Savalimmiuneersullu pisuttarnissaannik pilersaarusiussaagut, kingornalu angaasaliissutissanik qinnuteqarumaarluta. Sisimiunit Kangerlussuarmut pisoqatigiinnerit pilersinneqarnissaat ineriartortinniarparput. Pisoqatigiinnerni inuusuttut imminnut tatiginerulernissartik anguniassavaat. Angalaneq akisoorujussuuvoq taamaattumik angalanissamut aningaasartuutissatik siumoortumik eqqarsaatigivallaartariaqassanngilaat, taama Karen oqarpoq.
Kikkut peqataasinnaappat?
Inuusuttut nunani avannarlermiut 18 – 30-nik ukiullit peqataasinnaapput. Tamanna pisinnaavoq inuusuttut namminneq aaqqissuussaqarneratigut (gymnasiani atuaqatigiit akornanni imaluunniit ikinngutigiit akornanni) inuusuttulluunniit peqatigiiffianeersunit, kisimiilluni ikinngutigisarluunniit peqatigalugu. Uanilu iluassaaq qulequttamik sulissutigerusutannik eqqarsaatersuuteqareersimaguit, tamannali peqataanissamut piumasaqaataanngilaq.
Qanoq ililluni qinnuteqartoqarsinnaava?
Qinnuteqaat linkimiittoq immersorlugu qinnuteqarsinnaavutit. (Qallunaatut tuluttullu kisimi immersorneqarsinnaavoq).
- Meeqqat inuusuttullu, Nunani avannarlerni tatiginneqatigiinneq, Nunat Avannarliit, Nutaarsiassat, Pisussat, Uncategorized @kl
- Foto af Morten Rode
Nutaarsiassat takunngitsoorpigit?
Nunatsinniit nutaaliorlutik aallarniisut nunarsuaq tamakkerlugu aaqqisuukkami peqataasut
Bolt Lamar aamma Angunnguaq Larsen nunatsinneersut 4.-5. juni nunat assigiinngitsorpassuit peqataaffigisaanni aaqqissuussami Creative Business Cup-mi peqataapput. Creative Business Cup nunat tamalaaniit nutaaliornermik aallarniisut katerinnittarfiuvoq tassanilu aaqqissuussaq niueqatigiinnissamut attaveqaqatigiissinnaalernissamullu periarfissiisarpoq. Kalaallit Nunaat kulturilerinermut nutaaliornermut tunngasuni pikkorissut amerlapput. Taakkulu nutaaliortartuni ilaat aallarniisuupput inuussutigalugulu. Nunani allani niueqateqarnissaq attaveqaqateqarnissarlu
Suliniut tapiiffigineqartoq: Kalaallit Nunaanni meeqqat naammagittaalliortarfiata pilersinneqarsinnaaneranik misissuineq
Meeqqat pisinnaatitaaffii pillugit Kalaallit Nunaanni sullissivik MIO 2024-miit 2025-mut Kalaallit Nunaanni meeqqat naammagittaalliortarfeqarnissaanik pilersitsinissamut periarfissanik misissuivoq. Nunavumi, Islandimi Danmarkimilu assingusunik ingerlatsivinnik oqaloqateqarneq paasisassarsiorlunilu tikeraarneq tunuliaqutigalugu MIO 15-inik inassuteqaateqarpoq, nunatsinni taamatut pilersitsinissamut qanoq atuutilersinneqarsinnaanersoq pillugu. Inernerit tunngaviusumik allakkiami aamma naatsumik politik briefimi katersorneqarput, tassani takuneqarsinnaavoq naammagittaalliornermut
Issittormiut sammiviliiffiat aamma nunani avannarlermiut nipaat Arctic Soundsimi Sisimiuni
NAPA-p Kalaallit Nunaanni nipilersornikkut pikialaaqatigiinnermi annerpaami Arctic Sounds Festivalimi Sisimiuni pisumi workshoppertitsinerni, attaveqarfeqalerfiusuni nunanilu avannarlernit nipinik tusarnaartitsinerni peqataaneranit oqaluttuaqArctic Sounds 2021 aprilimi sapaatip akunnerisa naanerini marlunni ingerlanneqarpoq. Kalaallit issittormiullu nipilersortartut eqqumiitsuliortullu Sisimiuni nipilersorneq, nipilersoqatigiinneq aamma nipilersornikkut piginnaasalinnik paarlaateqateqarneq ataatsimoorutigaat. Tusarnaartitsinernut tamarluinnarnut isissutissat nunguissimaneranni – tusarnaariarnissamut
Suialaa Arts Festival 2025-mut kingumut qiviarneq
Suialaa Arts Festival 2025 Nuummi ulluni 23.–26. oktober ingerlanneqarpoq. Festivali tassaavoq Kalaallit Nunaanni kulturilerinermik festivalit annersaat, taanna ukioq allortarlugu ingerlanneqartarpoq. NAPA festivalimik tanngassimaarluni piginneqataavoq Kommuneqarfik Sermersooq peqatigalugu. Ukioq manna festivalip Nuuk tamaat siaruarterfigisimavaa tusarnaartitsisoqarluni, qitinnermik isiginnaartitsisoqarluni, saqqummersitsisoqarluni, atuakkialerinermik aaqqissuisoqarluni, isumasiortoqarluni, workshoppertitsisoqarluni aamma eqqumiitsuliortunut isiginnaarianullu ataatsimut