Nunat Avannarlermioqatigiinni inuusuttunut aningaasaateqarfik
DUF – Dansk Ungdoms Fællesråd – 1940-kkunnili inuusuttut tamat oqartussaaqataanerannut ataatsimoornermullu ineriartortitsinissaanut soqutigisaqalersimavoq. Tassannga suliniut Nordens Unge i Bæredygtige Fællesskaber – NUBF – pilersinneqarsimavoq, avannarlermioqatigiit inuusuttai nutaatut ataatsimooqatigiinnermut nukittorsaanissaminnut periarfissinneqarsimallutik.
NUBF-ip piujuartitsinermik tunngaveqarluni ataatsimooqatigiinnissamut kulturikkullu suniutinut peqataatitaqarnisamut Nunat Avannarliit akimorlugit suliniuteqartuuvoq inuusuttullu periarfissinniarlugit aningaasaliissuteqarsinnaasunik pilersitsisimallutik. Inuusuttut aningaasaliissuteqarfigisinnaanerannut periarfissaq kingullermik ammarpoq!
Nunat Avannarlermioqatigiinni inuusuttunut aningaasaateqarfik
Susassaqartitsinerit inuusuttunit nammineq aaqqissuunneqarsimasut inuusuttut minnerpaamik nunanit avannarlernit marluneersut peqataatinneqarnerisigut Inuusuttunut aningaasaliissuteqarfik tapiissuteqartarpoq. Avannarlermioqatigiit inuusuttaasa ataatsimooqatigiinnissaat kisimi nukittorsarneqarneq ajorpoq aammali inuusuttut avannarlermioqatigiinneersut imminnut ilikkarnissaannut periarfissiisarluni.
Nunat Avannarlermioqatigiit inuusuttai peqatigalugit susassaqartitsilluni aaqqissuussinernik peqaruit taava aningaasaateqarfik una ilinnut periarfissatsialaavoq!
Susassaqartitsilluni aaqqissuussat politikkikkut isumasioqatigiinnerusinnaapput, pisummik angalaarnerusinnaapput, silaannaap pissusaata allanngoriartornera pillugu suliaqartitsinerusinnaapput imaluunniit allarluinnaasinnaallutik. ”avannaamioqatigiit inuusuttaannut ataatsimoorfiusinnaasunik nukittorsaasinnaasunilluunniit oqallitsitsinernik sammisunik aammalu Avannaamioqatigiit suliutigerusutaat imarisaat Nunarsuarmi anguniarneqartunut sammisuusinnaallutik.” Taama QII (qallunaatut DUF) inuusuttunut aningaasaateqarfik pillugu quppernerminni allappoq. Uani annertunerusumik paasisaqarsinnavutit.
Siorna Karen Olsen-Lyberth Kalaallit Nunaanni SORLAK-meersoq Savalimmiormioq peqatigalugu Inuusuttut Aningaasaateqarfiannut qinnuteqarpoq. Qinnuteqaamminnut 70.000DKK-nik aningaasaliiffigineqarput, taakku Sisimiuniit Kangerlussuarmut nunakkut pisutsitsinninissaminnut pilersaarusiorsimapput aasakkut julimi 2022-mi pisussamik.
Suna pingaaruteqarpa ilisimassallugu?
– Qinnuteqarnissamut killigititaq ukioq manna 2022-mi qinnuteqartunut 20. april 2022-voq.
– Nunat marluk peqataaffigisassaannik suliaqartitsinissamut pilersaaruteqaruit qinnutigisinnaavatit 10.000 – 70.000 DKK
– Suliaqartitsinissamut pilersaarutit nunat pingasunik (amerlanernilluunniit) peqataatsitsiniarpata taava 10.000 – 100.000 DKK qinnutigisinnaavatit.
– Suliaqartitsinissamut pilersaarutit tamarmik inuusuttunit nammineq namminerlu piumassuseqarneq tunngavigalugu pilersaarusiorneqarsimassapput, pilersaarutillu taakku minnerpaamik FN-ip anguniagaanik ataatsimik arlalinnilluunniit imaqassallutik.
– Inuusuttut peqatigiiffii tamarmik aammalu inuusuttut namminneq aaqqiissuusineranneersut, Nunanilu Avannarlerni angerlarsimaffeqartut tamarmik aningaasaateqarfimmut qinnuteqarsinnaapput, minnerpaamillu nunat avannarlermioqatigiit marluk suliaqaqatigiissitsiniarlutik pilersaarusiaannik imaqassallutik.
– Qinnuteqaat tuluttut allanneqassaaq!
– Uani qinnuteqartoqarsinnaavoq: https://nordicyouth.org/puljen
- Meeqqat inuusuttullu, Nunani avannarlerni tatiginneqatigiinneq, Nunat Avannarliit, Nutaarsiassat, Tapiisartut
- Foto af Morten Rode
Nutaarsiassat takunngitsoorpigit?
NAPA-p kulturimut tapiisarfianut nutaamut qinnuteqaat siulleq tigusimavaa
NAPA nutaamik nittartagartaarpoq nutaamillu Kulturimut tapiisarfimminut qinnuteqartarfittaarluni. Nittartagaq nutaaq atulerniariartoq qinnuteqaat siulleq takkuppoq: Ilulissani Maniitsumilu meeqqanik inuusuttunillu pinngorartitsinikkut workshoppertitsineq pillugu qinnuteqaat. Qinnuteqartarfiup nutarsarneratigut NAPA-mut qinnuteqarneq ajornannginnerulerpoq. NAPA-p nittartagartaavani ilaatigut suliniutit taperneqarsimasut pillugit atuartoqarsinnaavoq aamma nammineq qinnuteqaatissamut isumassarsiortoqarsinnaalluni. Oqaatsit soorunami pingasut atorlugit atuartoqarsinnaavoq: Kalaallisut, skandinaviamiusut tuluttullu.
Kalaallit Nunaanni nersornaaserneqarnissamut innersuussat qaffasissumik pitsaassuseqarput
Ulloq 31. oktober Oslomi Operaen nunani avannarlerni eqqummiitsulianut kulturilerinermullu nalliuttorsiutiginninnermut qitiussaaq, Nunani Avannarlerni Siunnersuisoqatigiit ataqqinaammik nersornaatinik agguaalerpata. Ukiumi pisumi Nunani Avannarlerni nunanit tamanit eqqumiitsuliortut, atuakkiortut, nipilersortartut aamma filmiliortartut alutornartut katersuutsinneqassapput, nunani avannarlerni kulturilerinermut malunnaatilimmik taperseeqataanerat nersorniarlugu. Marlunngorneq ulloq 31. oktoberimi kalaallit eqqumiitsuliortut kulturilerinermillu suliaqartut arlallit
Team Kalaallit Nunaat Kultoorip Arctic Winter Gamesimut inuusuttut peqataasussat nanivai
Alaskami Arctic Winter Games 2024-imi ingerlasussamut nunatta kultoorikkut takutitassaanut inuttassarsiorneq taamaatippoq, inuusuttullu peqataasussat arfinillit nanineqarput. Septembarimi NAPA Tasiilamiippoq AWG-mut takutitsisussanik inuusuttunik kajumissaajartorlutillu ujaasiartorlutik. Tassani inuussuttut 21-t auditionerlutik peqataapput. Saniatigut inuusuttut nunatsinneersut periarfissaqarput digitalimik auditionernissaminnut. Inuusuttut piginnaaneqarluarput siunissamilu nutaaliorlutik suliaqalerumaartussat qularnanngillat. “Auditionerlutik videonik nassiussisut ikigisassaanngeqaat, assut
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu