Nunat avannarliit Issittumut tapiisarfimmut aatsaat taama qinnuteqartigisoqartigaaq: Issittumi suliniutinut 21-nut 8,8 millionit koruunit
NAPA, Nunani Avannarlerni Piorsarsimassutsikkut Attaveqaat, Ilisimatusarfik peqatigalugu Nunani Avannarlerni Ministerit Siunnersuisoqatigiivisa Issittumi tapiissuteqartarnissamik pilersaarutaat aquppaat. Ukioq manna tapiisarfik tamanut ammasumik aningaasaliissutinut immikkoortortaqarfianut qinnuteqaatit aatsaat taama amerlatigipput. Suliniutit katillugit 21-t 8,8 million koruuninik tapiiffigineqarput.
Nunat Avannarliit Ministeriisa Siunnersuisoqatigiivisa allattaanerata Karen Ellemannip Nunat Avannarliit Issittumut Tapiisarfiat nutaaq januarimi saqqummiuppaa. ”Issittoq nukittooq”-mik qulequtaqartoq pilersaarut Nunat Avannarliit Ministeriisa Siunnersuisoqatigiivisa takorluugaannut ataqatigissavaa: Nunat Avannarliit 2030-mi nunarsuarmi piujuartitsinerpaajunissaat ataqatigiinnerpaajunissaallu.
Nunat Avannarliit Issittumut Tapiisarfianni 2025-2027-mi Issittumi inuiaqatigiit inuttut, aningaasaqarnikkut silap pissusianut naleqqussarsinnaanerat qulakkeerneqassaaq. Inuiaqatigiit nukittuut, piujuartitsisumik aningaasaqarnikkut ineriartorneq aamma mingutsitsinngitsumik nukissiornermik aaqqiissutissat aalajangiusimanninnerit sammineqartillugit, tapiisarfimmi Issittumi suliniutit suleqatigiinneq suleqatigiinnerulernissamut isumassarsisitsisut tapersersorneqassapput.
Allatsip pisortallu aalajangerneq nutaaq nuannaarutigaat
Nunat Avannarliit Ministeriisa Siunnersuisoqatigiivisa allattaanerata Karen Ellemannip nunani avannarlerni issittumilu suleqatigiinneq soqutigineqaleraluttuinnartoq nuannaarutigaa:
”Piffissami nunat politikkikkut eqqissiviilliorfiusumi silap pissusiatalu allanngoriartornerani Issittumi tatineqarneq malugineqarsinnaavoq. Taamaattumik nunat avannarliit suleqatigiinnerat aatsaat taama pingaaruteqartigaaq. Immitsinnut ilinniarfigeqatigiikkaangatta kulturillu nunallu akimorlugit ataatsimooraangatta, ataatsimoorutta nukittunerusinnaavugut. Aamma nuannaarutigeqaarput ukioq manna Issittumi nunat avannarliit suleqatigiinnerat immikkut aningaasaliiffigineqarnikkut soqutigineqarlualermat.”
Assi: Karen Ellemann, Nordic Council of Ministers
NAPA, Nunani Avannarlerni Piorsarsimassutsikkut Attaveqaat, Ilisimatusarfik peqatigalugu Nunani Avannarlerni Ministerit Siunnersuisoqatigiivisa Issittumi tapiissuteqartarnissamik pilersaarutaat aquppaat:
”NAPA-mi Nunat Avannarliit Issuttumi Tapiisarfik ilisimaneqarnissaa ersinnerulernissaalu ukkataraarput. Nunani avannarlerni suleqatigiinnerit naleqangaartutut isigaagut, ataatsimoorfimmik ineriartortitsinermillu ineriartortitsinermut NAPA-p ukkatarisaanut naapertuuttumik.“ Susanne Andreasen, NAPA-mi pisortaasoq oqarpoq.
Assi: Susanne Andreasen / NAPA
Attaveqarfigineqarsinnaasoq: Susanne Andreasen, pisortaq, susanne@napa.gl, +299 58 88 49.
Suliniutit tapiiffigineqartut:
Suliniut | Qinnuteqartoq |
Arctic Healthy Aging communities: Safe and inclusive outdoor environment and public spaces | University of Oulu |
UNLEASH Europe Regional Innovation Lab: Circularity in the Arctic Built Environment | UNLEASH |
Sailing4Science Arctic-a balanced timely BluePaper in tune with science,nature and local communities | Hrimfare Group AB |
Pan-ArcticVision 2025 | NORDTING |
Stemmer i Norden – Et kunstnerisk sprog for retfærdighed & inklusion | In Futurum ApS |
Infrastrukturel udsathed i Arktis | Tænketanken for Digital Infrastruktur |
Strengthening Local Voices in Arctic Governance | Arctic Mayors’ Forum |
Empowering Green Transition from the Grassroots in South Greenland, Northern Norway and Finland | University of Lapland |
Strengthening the Transfer of good practices in the Arctic Waste Management Cooperation (STRAWCO) | University of Lapland |
Sami Protocol on the Free, Prior and Informed Consent | Saami Council Headquarters |
The Future of Local Resilience: Entrepreneurship and Food Security in the North Atlantic | LinkNordic |
Recycling concrete for zero-emission cement in the Arctic – RECON | University of the Faroe Islands |
Knowledge Centre for Responsible Sourcing of Deep-Sea Minerals in the Arctic Region | De Nationale Geologiske Undersøgelser for Danmark og Grønland |
Crowberry, the overlooked, understudied, but valuable natural resource of the Arctic | University of Oulu |
Shifting Dynamics in Kola Metal Industry Emissions: Environmental Impacts on Northern Fennoscandia | Finnish Meteorological Institute |
Mapping Memories: Spatial Storytelling for Arctic Heritage Preservation in Times of Climate Change | Nordregio |
Sustainable Nordic and Arctic Educational Leadership in Times of Opportunities and Challenges | University of Akureyri |
Empowering European Arctic Cooperation | The International Barents Secretariat |
Development of a planning tool for area-based conservation of Arctic species and ecosystems | CAFF International Secretariat |
Arctic Shipping & Invasive Alien Species | PAME-skrifstofan á Íslandi |
Preventing loss of fishing gear parts and net cuttings from fisheries in the Arctic and near-Arctic | PAME-skrifstofan á Íslandi |
- Nordic Arctic Programme, Nunat Avannarliit Issittumut Tapiissuteqartarfiat, Nutaarsiassat
- Aningaaq Rosing Carlsen - Visit Greenland
Ingerlateqqiguk
Nutaarsiassat takunngitsoorpigit?
Inuusuttut atuakkiortunngortussamaatit oqaluttualiatik ersinartulikkersaarutiliatik Nuummi allannermut bootcampini aaqqissorpaat
Inuusuttut allannermik piginnaasallit Allatta!-mut peqataasimapput. Peqataasullu Paninnguaq Boassen aamma Sørine Steenholdt peqatigalugit ersinartulikkersaarutitik pitsaanerulersillugit suliarisimavaat. Atuakkialerineq aamma allannissamut kajumissuseq kalaallit oqaasiisa ineriartortinnissaannut pingaaruteqarput, aamma nunat tamalaani atuakkiortunut naleqqiunneqarsinnaasunik amerlanerusunik atuakkiortoqalissagutta piginnaasanik ineriartortitsineq pingaaruteqarpoq. Taamaattumik Nunani Avannarlerni Piorsarsimassutsikkut Attaveqaat (NAPA) aamma Kalaallit Atuakkiortut piginnaasanut suliniuteqarfik Allatta!
Inuusuttut arfinillit Arctic Winter Games 2026-mi kulturikkut aallartitassatut toqqarneqarput
Arctic Winter Games 2026-mi kulturikkut aallartitat toqqarneqarput. Inuusuttut arfinillit uku Arctic Winter Gamesimi kulturikkut sammisassami nunarput sinnerlugu takutitsissapput: Nikku, Ayla, Simmujooq, Zoe, Uilu aamma Smilla. Oktobarip ingerlanerani toqqagaasut Nuummi katersuupput, siullermeerlutillu imminnut naapillutik ilitsersuisorlu Varna Marianne Nielsen naapillugu. Inuusuttut Varnalu 2026-mi februaarip tungaanut ataavartumik attaveqarumaarput,
NAPA juulimi aasaanerani sulinngiffeqarallarpoq
NAPA, Nunani Avannarlerni Piorsarsimassutsikkut Attaveqaat, juulimi aasaanerani sulinngiffeqarallarmat piffissami tamatumani kulturimut tapiissutinik qinnuteqaatinik suliarinninneq ajorpugut. NAPA juulimi qinnuteqaatinik suliarinninngiffeqarallarpoq, kisianni sulinngiffeqareerutta aggustip 15-at kingorna qinnuteqaatit tigusimasagut suliarigumaarpagut. Sulinngiffeqarnerup kingorna qinnuteqaatit pissanganartut takunissaat qilanaaraarput, tamassilu aasarsiorluarnissarsi kissaatigaarput! Apeqquteqaruit napa@napa.gl-imut allassinnaavutit. Ingerlateqqiguk Nutaarsiassat takunngitsoorpigit?
Siunnersuinissamut piareersimasoq
NAPA-mi siunnersortitta (Nina Skydsbjerg) erninerminut atatillugu sulinngiffeqarnerani erninermut sulinngiffeqarnermi paarlattaagallartumik atorfinitsitivugut. Tassunga atorfinippoq Pauliina Oinonen, suullu pikkoriffiginerlugit takutitsinissaminut piareersimalluinnarpoq!Pauliina Finlandimeersuuvoq, nunanili avannarlerni assigiinngitsuni arlalinni Islandimi Savalimmiuni Qallunaat Nunaanni Ålandimilu najugaqareersimavoq. Taassuma saniatigut aatsaat Kalaallit Nunaanni najugaqarluni siullermiilinngilaq. Ukiummi affaani 2019/2020-mi Nuummi najugaqareersimavoq. Kalaallit Nunaanni najugaqarnermini