Inuusuttut arfinillit Arctic Winter Games 2026-mi kulturikkut aallartitassatut toqqarneqarput
Arctic Winter Games 2026-mi kulturikkut aallartitat toqqarneqarput.
Inuusuttut arfinillit uku Arctic Winter Gamesimi kulturikkut sammisassami nunarput sinnerlugu takutitsissapput: Nikku, Ayla, Simmujooq, Zoe, Uilu aamma Smilla.
Oktobarip ingerlanerani toqqagaasut Nuummi katersuupput, siullermeerlutillu imminnut naapillutik ilitsersuisorlu Varna Marianne Nielsen naapillugu.
Inuusuttut Varnalu 2026-mi februaarip tungaanut ataavartumik attaveqarumaarput, tamatumalu kingorna februaarimi takutitsinissaq naammassiniarlugu Nuummi ataatsimeeqqissapput. Tamatuma atatillugu Nuummi takutitsinissaq pilersaarutaavoq
Parnuuna Kristiane Thornwood aamma peqataavoq, taanna inuusuttunut atisanik sananiarpoq. Hans-Ole Amossen teknikeritut sulissaaq Ulannaq Ingemannillu inuusuttut misigisaat filmiliarissavai.
NAPA-p Kalaallit Nunaanni Timersoqatigiit Kattuffiat suleqatigalugu Arctic Winter Gamesimut atatillugu kalaallit kulturiannik takutitsinissaq arlaleriarluni ineriartortillugulu suliarisimavaa. NAPA-p inuusuttut nunatsinneersut peqataasussarsiortarpai isiginnaartitsinermullu sinaakkutissaanik tunisarpai, taakku namminneq isumassarsiatik tunngavigalugit ilitsersuisumik peqateqarlutik isiginnaagassiornissaannut.
”Tulluusimaarutigaarput Arctic Winter Gamesimut Kalaallit Nunaannit kulturikkut aallartitanik peqataatitsisinnaagatta. Inuusuttut piginnaasaqarluarput, isiginnaagassiamik suliaqarnissamut sulisunit ilisimasaqartunit peqateqassapput eqqumiitsuliornermik suliaqarnermi misilittagaqalerniassammata. 2026-mi pisussamut qilanaaqaagut. Misilitsinnissamut videoliamik nassiussisimasut aamma qujaffigerusuppagut”, Susanne Andreasen, NAPA-mi pisortaq oqarpoq.
Arctic Winter Games suua?
Arctic Winter Games Whitehorsemi Yukonimi Canadamiittumi marsip 8-aniit 15-anut 2026-mi ingerlanneqassaaq. Nunanit tamalaanit peqataaffigineqartumik issittup killeqarfiata eqqaani inuusuttunut aaqqissuussaavoq, timersornermik, kulturimik ataatsimoortitsinermillu sammisaqartitsisoq. Alaskamit, Northern Albertamit, Yukonimit, Nunavutimit, Nunavimmit, Northwest Territoriesimit, Kalaallit Nunaannit Norgemilu, Sverigemi Finlandimilu samiut najugaqarfiinit peqataasoqartarpoq. Ukiut allortarlugit aaqqissuussaq ingerlanneqartarpoq.
2026-mi AWG-p qulequtaa tassaavoq ‘Uniting the North. Celebrating together’.
Kulturikkut aallartitat Tips- og Lottomidlerne pulje c-mit aamma Eqqumiitsuliornermut Aningaasaateqarfimmit tapiiffigineqarput.
Nutaarsiassat takunngitsoorpigit?
Nunani Avannarlerni kalaallisut oqaloqatigiinnerit: Filmiliortarneq
Filmiliortartoq ilitsersuisartorlu Pipaluk K. Jørgensen aamma filmiliortartoq Marc Fussing Rosbach Kalaallit Nunaanni filmiliortartut atugarisaat pillugit oqaloqatigineqarput. Oqaloqatigiinneq tusarnaaruk isiginnaarulluunniit. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Immikkoortumi uani filimiliortartoq ilitsersuisartorlu Pipaluk K. Jørgensen aamma filmiliortartoq Marc Fussing Rosbach oqaloqatigissavagut. Ilisarititsineq Nunatsinni filmiliornermik soqutigisallit
Nunani Avannarlerni Siunnersuisoqatigiit nersornaasiuttagaannik nersornaaserneqarnissamik innersuussaasimasut naapikkit
Ulloq 14. April Nunani Avannarlerni Siunnersuisoqatigiit Atuakkiortunut nersornaasiuttagaannik nersornaaserneqarnissamik innersuussaasimasut atuakkiortut livestreamikkut oqaloqatigineqarneri nangeqattaartut nutaat aallartissapput. Sapaatit akunneri tamaasa atuakkiortut atuakkiaminni eqqartugaat soorlu inuunermi aniguineq, silanngajaarneq, attassuteqaatit, angalajumatussuseq, pisinnaajunnaarneq aamma allat atuakkiaminni allaaserisimasaat oqaluuserineqartassapput. Nersornaasigassatut innersuussat aamma atuffassisassapput. Ukioq manna atuakkiatik pillugit nersornaasigassatut innersuunneqartut Nunanit
Suialaa Arts Festival 2025-mut kingumut qiviarneq
Suialaa Arts Festival 2025 Nuummi ulluni 23.–26. oktober ingerlanneqarpoq. Festivali tassaavoq Kalaallit Nunaanni kulturilerinermik festivalit annersaat, taanna ukioq allortarlugu ingerlanneqartarpoq. NAPA festivalimik tanngassimaarluni piginneqataavoq Kommuneqarfik Sermersooq peqatigalugu. Ukioq manna festivalip Nuuk tamaat siaruarterfigisimavaa tusarnaartitsisoqarluni, qitinnermik isiginnaartitsisoqarluni, saqqummersitsisoqarluni, atuakkialerinermik aaqqissuisoqarluni, isumasiortoqarluni, workshoppertitsisoqarluni aamma eqqumiitsuliortunut isiginnaarianullu ataatsimut
NAPA Kalaallit Nunaanni
Nunani Avannarlerni suleqatiiinneq periarfissallu pillugit NAPA-p suliai pillugit ilisimasakippallaartoqarpoq. Taamaattumik ukiaq manna angalanermut missingersuutigut atorlugit kulturilerisut, inuusuttut inersimasullu ilisimasaqarnerulertinniarlugit Kalaallit Nunaata ilaani angalaarsimavugut. Angallat TU ilaaffigalugu Nuup Kujataanilu Aappilattup akornanni illoqarfiit nunaqarfiillu ukiaq 16-it ornissimavagut, novemberimilu Tasiilamiippugut Sisimiuniillutalu. Meeqqat, inuusuttut inersimasullu kulturilerisut naappinnissaat ilaatigullu NAPA-p