Nordplus allaffissornikkut qullersaqarfiata Kalaallit Nunaanni siullerpaamik ataatsimiisitsinerannut NAPA aamma Namminersorlutik Oqartussat qaaqqusisuupput
Ulluni 12 – 15. juni Nordplus’ip allaffissornikkut qullersaqarfiata ilinniagaqarneq nuttarnerlu pillugit suleqatit attuumassutillit Kalaallit Nunaanni ataatsimeeqatigissavai.
Nordplus, Nunani Avannarlerni Ministerit Siunnersuisoqatigiivisa ataanni suliniut, nunani avannarlerni nunanilu baltiskiusuni ilinniartitaaneq pillugu patajaallisaanermik ineriartortitsinermillu pingaarutilimmik inissisimavoq. Programmi ilinniartitaanermi suliniutinut assigiinngitsorpassuarnut aningaasaliisarpoq tapersersuisarlunilu, matumani ilinniagaqarnerup nalaani paasisassarsiorluni angalanerit, ilinniarnermut atatillugu suliffimmiinnerit, attaveqaatini sammisassaqartitsinerit aamma nuttarnermut programmit neqeroorutigisarlugit.
Ukioq manna allaffissornikkut sulisut Nordplusip oqaluttuarisaanerani pisoq pingaartoq malunnartinniarlugu Nuummi siullerpaamik ataatsimiissapput. Kalaallit Nunaat sivisuumik Nordplus’programmip iluani pingaarutilimmik suleqataasimavoq, Nordplus ilinniagaqarnermut tapersersuisartutut aamma kulturikkut avitseqatigiinnermik suliaqartutut ilisimaneqarpoq. Ataatsimiinneq Kalaallit Nunaata nunallu avannarliit allat aamma nunat baltiskiusut akornanni suleqatigiinneq pillugu misissuinissaannut patajaallisaanissamullu pingaarutilimmik periarfississaaq.
Kalaallit Nunaanni ataatsimiinnissamut siunertaavoq Kalaallit Nunaanni Nordplus’imut qinnuteqarsinnaasunik aamma Kalaallit Nunaanni ilinniartitaanermut oqartussanik naapitsinissaq kiisalu 2023-2027 pillugu programmip nutaap eqqartuiffiginissaa.
Allaffissornikkut sulisut ataatsimiinnermut peqataasut Nordplus’ip ingerlataanit assigiinngitsunit programmineersuupput, matumani Nordplus Nordens Sprog (Nordplus Nunani Avannarlermiut Oqaasii), Nordplus Voksen (Nordplus Inersimasut), Nordplus Videregående (Nordplus ingerlaqqiffiusut) aamma Nordplus Junior (Nordplus meeqqat inuusuttullu).
NAPA Nuummi ataatsimiinnermut tassunga pingaarutilimmut qaaqqusisuusinnaagami nuannaarpoq aamma ilinniartitaanermut suliassaqarfimmi patajaallisaaviginninnissaq aamma isumassarsianik misilittakkanillu avitseqatigiinnissaq qilanaaralugu. Nordplus-programmi nunatta akornanni suleqatigiinnerup siuarsaavigineranut aamma ilinniartuutitsinnut ilinniarfitsinnullu pitsaanerusumik siunissaqalersitsinissamut pingaaruteqarpoq.
Nordplus pillugu:
Nordplus tassaavoq Nunani Avannarlerni Ministerit Siunnersuisoqatigiivisa ataanni nunani avannarlerni aamma nunani baltiskiusuni aamma nunat namminersorlutik ingerlasut Åland, Savalimmiut Kalaallillu Nunaat ilanngullugit ilinniartitaanermut suliassaqarfimmi nuttarnermut attaveqartarnermullu programmi. Programmi nunanit avannarlernit aamma nunanit baltiskiusunit aningaasalersorneqarpoq. Nordplus’ip ukiumut 9,8 millioner euro nuttarnermut, suliniutinut attaveqarfinnullu agguaattarpai.
Nordplus tallimanik immikkoortunik programmeqarpoq:
– Nordplus Junior (Nordplus meeqqat inuusuttullu) meeqqerivinnut aamma suli atualinngitsunut, tunngaviusumik atuarfiit, ilinniarnertuunngorniarfiit, inuussutissarsiornermut atuarfiit aamma ilinniartoqarnermut programmit, atuarfeqarnermut oqartussat aamma namminersortut aamma pisortat kattuffii suliffeqarfiilu atuartitsinermik suliaqartut.
– Nordplus Videregående (Nordplus ingerlaqqiffiusut) pisortat namminersortullu ingerlaqqiffiusumik ilinniarfii.
– Nordplus Voksen (Nordplus Inersimasut) inersimasunut ilinniartitaanermik suliaqartunut tamanut sullissivoq.
– Nordplus Horisontal suliffeqarfinnut kattuffinnullu tamanut suliassaqarfiit akornanni ilinniartitaaneq ilikkagaqartarnerlu pillugit suliffeqarfinnut tamanut atuuppoq.
– Nordplus Nordens Sprog (Nordplus Nunani Avannarlermiut Oqaasii) ilinniartitaanermut suliassaqarfimmi suliffeqarfinnut kattuffinnullu tamanut nunat avannarlermiut oqaasii pillugit suleqatigiiffinnut tamanut atuuppoq.
Paasisaqarnerorusukkuit, Nordplus’ip nittartagaa pulaaruk: https://www.nordplusonline.org/
Nutaarsiassat takunngitsoorpigit?
Tusagassiortoq NAPA-mi attaveqatigiinnermut akisussaasunngorpoq
Ukiuni pingasuni KNR-ip nutaarsiassaqartitsivianeereerluni, Malik Brøns maanna NAPA-mi attaveqatigiinnermut akisussaasunngorpoq. Aggustip aallaqqaataani aallartippoq, nunatsinnilu eqqumiitsuliornerup piorsarsimassutsillu silarsuaanni pisorpassuit pillugit nutaarsiassiisarnissani qilanaaraa. NAPA-mi inuk nuannarineqarluartoq ilisimaneqarluartorlu suliunnaarpoq. Attaveqatigiinnermimi suleqataasoq Bula Larsen 2019-miilli allaffeqarfimmiinnikoq Danmarkimut nooqqammerpoq. Maannalu Malik Brøns NAPA-mi attaveqatigiinnermut akisussaasussanngorpoq. Malik Nuummi inunngorlunilu peroriartornikuuvoq Ilisimatusarfimmilu
Nunat Avannarliit Killiit Ulluat 2021
Nunat Avannarliit Killiit Ulluat sisamanngorpat 23. September Kalaallit Nunaanni, Savalimmiuni aamma Islandimi taakku nunat avannarliit killiit 3-t akornanni kulturikkut suleqatigiinnerup patajaallisarnissaa ersinnerulernissaalu suleqatigiiffigissavaat. Nuummi NAPA marlunnik assiginngitsunik aaqqissuisimavoq. Siulleq tassavoq ilinniartitsisunik ataatsimeersuartitsineq qarasaasiakkut ilinniartitsissutit “Uagut tassa Nunat Avannarliit” nordeniskolen.org-ip ataaniniitut pillugit. Aappaattut aaqqissuussaq tassaavoq
Pauliina Oinonen NAPA-mi pisortaagallartutut atorfinippoq
Pisortamik nutaamik atorfinitsitsisoqarnissaata tungaanut ingerlalluartumik ikaarsaariartoqarnissaa qulakkeerniarlugu, NAPA-mi pisortaagallartussamik toqqaanissaq aalajangerneqarpoq. Søren Würtz, NAPA-mi pisortaq, nalunaarpoq NAPA-mi atorfimminit apriilip 30-ani soraarniarluni. Pisortassamik nutaamik nassaartoqarnissaata tungaanut NAPA ingerlalluarnissaa qulakkeerniarlugu, Nunat Avannarliit Ministeriisa Siunnersuisoqatigiivisa Pauliina Oinonen pisortaagallartussatut toqqarsimavaat. Pauliina Finlandimeersoq januaarimi 2022-mi siunnersortitut NAPA-mi ilannguppoq. Taamanimiilli NAPA-p
Issittut akiussinnaasuseqarluartut digitalimik akiuulluarsinnaasunik attaveqaasersuuteqarlutik aallartittarput
Digital Arctic Futures-isumasioqatigiinnermi Kalaallit Nunaanni Issittumilu siunissami interneti ukkatarineqarpoq Interneti Issittumi ulluinnarni pinngitsoorneqarsinnaajunnaarsimavoq. Kortimik akiliiinermut aamma e-boksimut, Netfliximut, piniarnermut uppernarsaatinut aamma Facebookikkut oqallinnermut atorneqartarluni. Kisianni pinngitsuuisinnaajunnaarnerup annertusiartornerani, aamma saassunneqariaannaaneq annertusiartorpoq. Qanoq pisoqassava, kabeli immakkoortoq ajoquserneqarpat, innaallagiaaruttoqarpat imaluunniit internetikkut ajoqusiiniarnerup inuiaqatigiinni atuuffiit pingaarutillit akornuserpagit? Apeqqutit taakku