ÎVA live on stage - from the Nordic Remix case video

Nordic Remix – qarasaasiaq atorlugu nipilersoqatigiinneq

Nipileruusiat atorlugit oqaluttuarneq, nunanit avannarlerneersunit peqataafigineqartoq, kulturit, nipilersorsinnaassutsit nunallu killeqarfiisa akornanni suliarineqassaaq. Suliniut “Nordic Remix” NAPA-p kulturimut aningaasaliissutigisartagaanit taperneqarpoq. Suliniuteqartut tassaapput ”Are We Europe” – videoliaallu uani takuneqarsinnaavoq

“Suliniuteqarnitsinni siunertatsinni nipilersornerup oqaluttuarisaanera tunngavigalugu nunani avannarlerni nipilersortartut aamma tusagassiinermik suliallit suleqatigiissinnerisigut, apeqqut nipilersoriaatsit ilumut kulturikkut kingornussarsianut attuumassuteqarsinnaanersut qulaajartikkusupparput. Suleqatigiinnerup kulturikkut kingornussarsianik ersersitsisinnaassusia nipinik katiterinikkut, ineriartortitsinikkut, nukittorsaqatigiinnikkut suleqatigiikkuutaallu ataavartumik suleqatigiilernerisigut anguniarneqarpoq, peqataasut ilitsoqqussaat, oqaasii kingornussarsiaallu atorlugit.”

Nipilersortartut peqataasussat ukuupput:
– Katarina Barruk (Sverige)
– Arnljot Nordvik (Norge)
– Gustav Lynge Petrussen (Kalaallit Nunaat)
– Auður Viðarsdóttir (Island)

Aaqqissuisut tusagassiisartullu ukuupput:
– Francesca Vincentie, Sverige – Eqqumiitsuliornermik suliniummillu aqutsisoq
– Christian Helgi Beaussier, Island / Frankrig – Filmiliortartoq
– Mick ter Reehorst, Holland – Tusagassiortoq / Story Design Sprint’imik aqutsisoq
– Therese Larsson, Sverige – Nipilerisoq
– Jens-Christian Lyberth Lennert, Kalaallit Nunaat – Filmiliortartoq
– Ásdís Hanna Gunnhildar Guðnadóttir, Island – Assiliartalersuisartoq

Kattuffiit Suleqataasut
Suliniummi kattuffiit suleqataasut tassaapput Bruxelles’imiittoq Are We Europe aamma nunani avannarlerni nipilersornermik pikialaartitsisartut Sisimiuni, Kalaallit Nunaanni angerlarsimaffillit Arctic Sounds.

Are We Europe’imi suleqataapput tusagassiortut aamma Europami inuusuttut pinngorartitsinermik ineriartortitserusuttut – nipinik europamiuussusermillu nittarsaassinissaminnik neriuuteqarlutillu piumassusillit inuit 500-nik sinnillit.
Arctic Sounds – nipilersorneq eqqumiitsuliornerlu sammisaralugit Sisimiunim Kalaallit Nunaanni ukiut tamaasa festivali pikialaartitsiviuvoq, nunani avannarlerni nipilersortartunik nukittorsaallunilu nittarsaassifiusartoq.

Suliniuteqaqatigiit sulinertik Sisimiut, Kalaallit Nunaanni Arctic Sounds’eqarnerani aallartissavaat, tassani periusissat eqqartorneqassallutik aamma nipilersuusioqatigiittoqassalluni, kiisalu programmi eqqumiitsuliornikkut suleqatigeeriaatsinik imalik iluaqutigalugu oqaluttualiortoqassalluni.

Suleqatigiinnerup inernerissavaa nuuteeqqamik, nipilersuusianik nutaarluinnarnik imaqartussamik aamma peqataasut suleqatigiinnerminni misilittagariligaannik oqaluttuanik saqqummersitsineq.

 

Nutaarsiassat allat
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput

Arfininngorpat Kalaallit Nunaanni atuakkialerinermi pisoq malugisarialimmik  pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu

Atuarnerugit »
Video om Hans-Ole Amossen
Kalaallit nipilersornerat Nuummit Spaniamut aamma Amerika Kujallermut

Nipilersortartoq aamma nipilerilluni angakkuartartoq Hans-Ole Amossen Kalaallit Nunaanni nipilersortartoqatigiinilu Da Bartali Crew tusarnaartitsillutik nipilersortartut nuannarineqarnerpaaat ilagaat. Nunani Avannarlerni, Europami aamma Sydamerikami nipilersoriarlutik angalaarsimapput aamma scenemi allanik ”pulaartunik” rapperinik erinarsortartunillu nipilersoqateqartarsimalluni. 2019-imi Nunani Avannarlerni Siunnersuisoqatigiit Nipilersortartunut Nersornaasiuttagaannut innersuussaasimapput. NAPA-p Hans-Ole nipilersornerup silarsuaani aamma nipilersoriartarluni angalarsimanini pillugit

Atuarnerugit »
Tang i vandkanten på en strand i Norden
Issittumi Suleqatigiinnermut Tapiissuteqartarfimmut qinnuteqartarfik atulersinneqartoq!

Kalaallit Nunaata puljeap ingerlanneqarneranut akisussaaffik tigummaguli NAPA-p aamma Ilisimatusarfiup Issittumi Suleqatigiinnermut Tapiissuteqartarfimmut nittartagaq amma qinnuteqartarfik atulersippaat. Taamaalilluni suliniutit Issittumi piujuartitsinermik ineriartortitsinermik ukkatarinnittut maanna puljeamut qinnuteqarsinnaalerput.   Issittumi Suleqatigiinnermut Tapiissuteqartarfimmik Kalaallit Nunaat ingerlatsinermik akisussaalissasoq 2. november 2021 naggataarutaasumik aalajangerneqarmalli NAPA aamma Ilisimatusarfik nittartakkap qinnuteqartarfiullu naammassinissaat ulapputigisimavaat. Taamaattumik assut

Atuarnerugit »
Inuusuttut piginnaanillit ilippanaatitik pituussaarpaat, Kalaallit Nunaanni nutaalianik isumassarsiaqarlutik

Inuusuttut 200-t sapaatip akunnerani Nuummi katersuussimapput Issittuni unammillernartut misigisartakkagut nutaalianik aaqqiissutissarsiorniarlugit.  Qassutit immap naqqaniittut suli aalisartut, qaqeqqinneqarnerlu ajortut. Sumiiffinni ilinniarfissanik amigaateqarneq. Illoqarfiit nunaqarfiillu imminnut ungasissut. Tassaapput Kalaallit Nunaanni unammilligassatta ilaat. Unammilligassat, inuusuttut 200-t issittormiut nunanilu avannarlermiut nutaalianik aaqqiissutissarsiorlugit suliaqarfigisimavaat. Nunarsuarmi aningaasarsiutaanngitsumik suliniaqatigiiffiup, Unleaship, Nuummi ulluni

Atuarnerugit »